1 ¹ Tiopilus, long buk mi bin raitim bifo,mi bin toktok long olgeta samting Jisas i bin stat long wok na skulim, ² inap long dei God i kisim em i go antap. Dispela i kamap bihain taim em i givim strongpela tok insait long pawa bilong Holi Spirit i go long ol aposel em bin makim pinis. ³ Bihain taim em i kirap bek gen long dai, em i bin kamap ples klia na soim em yet long ol dispela lain. Long 40 pela dei, em i wok long kamap ples klia long ol, na toktok long ol samting bilong Kingdom bilong God. ⁴ Taim em i bung wantaim ol em i tokim ol long noken lusim Jerusalem, tasol ol i mas weitim promis bilong Papa, long dispela, em i bin tok, "Yupela bin harim long mi, ⁵ olsem Jon i givim baptais long wara, tasol yupela bai kisim baptais long Holi Spirit long sampela dei bihain." ⁶ Taim olgeta i bum wantaim ol i askim em, "Bikpela, em taim nau bai yu kamapim gen Kingdom bilong Israel?" ⁷ Na em i tokim ol olsem, "Em i no samting bilong yupela save long taim na dei Papa i makim. Em yet i gat pawa. ⁸ Tasol yupela bai kisim pawa, taim Holi Spirit i kam daun long yupela, na bai yupela kamap witnes bilong mi long Jerusalem, long olgeta hap long Judia, na Samaria na i go long pinis bilong graun. ⁹ Taim Jisas i mekim dispela toktok em i go antap, olgeta i lukluk na wanpela klaut i haitim em na ol i no lukim em moa. ¹⁰ Ol i lukluk yet long hap em i bin go, na wantu tupela man i kam sanap wantaim waitpela kolos klostu long ol. ¹¹ Tupela i tok, "Yupela man bilong Galili, bilong wanem yupela i sanap na lukluk i go long skai ? Dispela Jisas, God i kisim em bek long yupela na em i go long Heven. Em bai kam bek gen long wankain pasin olsem yupela i lukim em igo long Heven. ¹² Orait ol i kam bek long Jerusalem na lusim Maunt Oliv we i stap klostu long Jerusalem, long de sabat ol i bin wokabaut. ¹³ Taim ol i kam kamap, ol i go antap long rum we ol i save stap long en. Nem bilong ol em, Pita, Jon, Jems, Andru, Filip, Tomas, Batolomyu na Matyu, Jems pikinini bilong Alfus, na Saimon man bilong lain Salot na Judas pikinini bilong Jems. ¹⁴ Olgeta i bum wantaim na ol i prea strong gen, ol meri na Maria mama bilong Jisas wantaim ol brata bilong em tu. ¹⁵ Long dispela taim Pita i sanap namel long ol bilip man, namba bilong ol i olsem 120 na em i tok olsem, ¹⁶ "ol brata, em i gutpela olsem, tok i stap long buk bilong God i kamap ples klia, bipo Holi Spirit i toktok long maus bilong Devit na i autim wanpela tok long Judas, em i bin tok, dispela man bai i soim ol man long holim pasim Jisas. ¹⁷ Em i wan lain bilong mipela na mekim wankain wok olsem mipela. ¹⁸ ( Nau dispela man i baim graun wantaim pasin nogut bilong em, bihain em i pudaun antap long dispela graun, na bel bilong em i bruk na kam aut. ¹⁹ Olgeta manmeri long Jerusalem i save long dispela, na long tokples bilong ol, ol i kolim dispela graun Alkeldama i minim olsem graun i gat blut.) ²⁰ Olsem tok bilong Gog i stap long buk Sam, larim olgeta samting bilong em i mas pinis, wanpela i no mas stap. Na bai narapela man olgeta bai i kisim namba na wok bilong em. ²¹ Em i gutpela olsem, yumi mas makim man husait i bin wok wantaim yumi long olgeta taim, na Bikpela Jisas i bin i go i kam wantaim yumi, ²² long taim Jon i stat long baptais i kam inap long dei God i kisim bek em long yumi, em i mas autim tok namel long yumi long kirap bek bilong em. ²³ Ol i makim tupela man, Josep ol i kolim Barsabas na narapela nem Jastus na Matias. ²⁴ Na ol i beten na i tok olsem, Bikpela, "Yu, save long bel bilong olgeta manmeri, yu putim ples klia wanpela long dispela tupela man yu makim. ²⁵ Bai ol i ken i gat wok long mekim wok aposel na kisim ples bilong Judas. Em i lusim na igo long ples em i laik stap long en." ²⁶ Orait ol i tromoi ston long tupela long makim husait bai mekim dispela wok, na ol i makim Matias, na em i joinim 11-pela aposel.