1 ¹ Pol, wanpela aposol bilong Kraist Jisas long laik bilong God, i kamap long promis bilong laip olsem em i stap stret long Kraist Jisas, ² long Timoti, pikinini mi laikim tumas: Wantaim sori,marimari, na bel isi bilong Papa God na Krais Jisas Bikpela bilong mipela. ³ Mi tok tenkyu long God, husait mi bin sevim we wankain long ol tumbuna bilong mi, wantaim gutpela tingting olgeta taim na mi tingim yu long prea bilong mi de na nait. ⁴ Taim mi tingim ai wara bilong yu, mi laik lukim yu, na mi ken pulap wantim amamas. ⁵ Mi tingim bek dispela trupela bilip bilong yu, we em i stap nambawan insait long tumbuna mama bilong yu Lois na mama bilong yu Yunis, na mi amamas olsem em stap insait long yu tu. ⁶ Dispela em as tingting mi tokim yu gen long kirapim presen bilong God insait long yu taim mi putim han antap long yu. ⁷ God i no givim yumi spirit bilong pret, tasol em givim strong na pasin bilong laikim na pasin bilong lainim gutpela pasin. ⁸ Olsem na noken sem long tokaut long wanem samting Bikpela i mekim long yu, i no long mi Pol, kalabus man bilong em. Tasol long strong bilong God yumi pilim pen wantaim gutnius. ⁹ Em dispela God husait i sevim na singautim mipela wantaim wanpela holi singaut.Em mekim dispela, ino kamap long wok bilong mipela, em i kamap long plen na belsori bilong em yet. ¹⁰  Tasol nau helpim bilong God long kisim bek man i kamap ples klia long kam bilong Bikpela Kraist Jisas. Em dispela Kraist husait i pinisim dai na kisim bek laip ino gat pinis long lait i kam long rot bilong gutnius. ¹¹  Long dispela as, mi kamap man bilong autim tok, aposel na tisa. ¹²  Dispela as tasol, mi tu i karim hevi long ol dipela samtig, tasol mi no bin sem, bilong wanem, mi save long em husait mi bilip long em. Mi save tru olsem em inap long lukautim ol dispela samting, mi bin putim long han bilong em i go inap long dispela de. ¹³  Lukautim dispela mak bilong bilip na stori yu harim long mi, wantaim ol bilip na laikim we ol i stap insait long Krais Jisas. ¹⁴  Long ol gutpela samting we God i kamapim long yupela, lukautim ol long rot bilong Holi Spirit, husait i stap insait long yumi. ¹⁵  Yu save long dispela we ol husait stap long Esia tanim baksait long mi.Insait long dispela grup bilong Pijiles na Hemojins. ¹⁶  Marimari bilong Bikpela i ken i stap long haus bilong Onesiporas long wanem em i save mekim gut long mi na ino save sem long sen bilong mi. ¹⁷  Tasol, taim em stap long Rom, em save lukatim mi gut, na em painim mi. ¹⁸  Amamas bilong Bikpela igo long em long painim marimari long em long dispela taim.Olgeta rot em helpim mi insait long Efeses, yu save gut tru.