2 ¹ Nau long dispela kam bek bilong Bikpela Jisas Krais bilong yumi na yumi long bung na stap wantaim em, mipela askim yupela ol brata, ² olsem na yupela noken pilim hevi, bel kirap na poret long wanpela spirit, long wanpela toktok,o long wanpela pas yupela i ting mipela i salim i kam long yupela, em soim mak olsem dispela dei bilong Bikpela i kamap pinis. ³ Noken larim wanpela man i paulim yupela. Long wanem, dispela dei bai i kamap bihain long taim ol manmeri bai i sakim tok na birua long God, na man bilong bikhet bai i kamap ples klia, em dispela man bilong lus na kisim bagarap. ⁴ Em dispela man husait i save saitim na apim em yet na i tokpait long God o ol i save lotu long em. Olsem tasol, em bai i go insait long haus lotu bilong God na bai tokaut long olgeta olsem em yet em i God. ⁵ Yu tingim tu, long taim mi bin stap wantaim yupela, mi bin tokim yupela long ol dispela samting? ⁶ Nau, yupela save long wanem samting i pasim em, na long taim bilong em yet, em bai i kamap ples klia. ⁷ Long wanem, dispela pasin hait bilong sakim tok i kamap pinis, na wanpela man tasol husait i pasim em nau go inap ol i rausim em i go.. ⁸ Bihain, man bilong sakim tok bai i kamap ples klia, husait Bikpela Jisas bai i kilim em wantaim win long maus bilong em. Na Bikpela bai i rabisim em long kam bek bilong em. ⁹ Taim man bilong sakim tok i kam, em bai i kisim helpim long satan wantaim olgeta pawa, ol sain na giaman mirakel. ¹⁰ na wantaim olgeta giaman bilong pasin ino stret..Ol dispela samting em bai kamap long husait ol bai i lus,bilong wanem. ol i no bihainim laik bilong tok tru long kisim laip. ¹¹ Long dispela as God bai i salim ol long wanpela wok i gat asua na ol bai i bilip long dispela giaman. ¹² Na as bilong dispela pasin i olsem, olgeta bai i kamap long kot. Em ol dispela lain i no bin bilip long tok tru, tasol ol i bin amamas tru long mekim ol pasin i no stret. ¹³ Na olgeta taim mipela i mas givim tenkyu i go long God long yupela, ol brata, yupela husait Bikpela i save laikim. Long wanem, God i makim yupela pinis long kamap paslain long pasin bilong kisim bek, na kamap holi insait long Spirit na bilip long tok tru. ¹⁴ Bikpela i bin singautim yupela long dispela long rot bilong gutnius bilong mipela, bai yupela inap long kisim glori bilong Bikpela Jisas Kraist. ¹⁵ Olsem tasol, ol brata, sanap stret na holim pas strong olgeta pasin mipela i bin skulim yupela long toktok o long ol pas bilong mipela. ¹⁶ Nau Bikpela bilong yumi Jisas Kraist em yet, na Papa God husait i laikim yumi na givim yumi laip i stap gut oltaim oltaim na gutpela samting yumi bai kisim bihain insait long marimari. ¹⁷ Stap gut na stretim bel bilong yu insait long olgeta gutpela wok na tok bilong God.