7 ¹ Elisa i tok, " Harim dispela tok bilong God Yawe. ' Tumoro long kain taim olsem ol bai salim 3 kilogram gutpela flaua, na 6 kilogram bali flaua long wan kina long dua bilong banis bilong biktaun bilong Sameria" ² Orait dispela kepten i save stap klostu king em i tok olsem" Yu lukim, sapos God Yawe i ken opim windua bilong heven, dispela samting inap long kamap?'' Elisa bekim tok bilong em, " Bai yu lukim long ai bilong yet na dispela samting bai kamap, tasol bai yu no inap kaikai wanpela hap bilong en." ³ Nau i gat 4 pela lepra man stap autsait long dua bilong banis bilong biktaun. Ol toktok long ol yet igo ikam, " Bilong wanem bai yumi sindaun hia na wetim dai bilong yumi? ⁴ Sapos yumi tok yumi go insait long biktaun, orait bai nogat ol kaikai long biktaun tu na bai yumi i dai. Tasol sapos yumi sindaun yet long hia bai yumi dai tasol. Orait nau, kam na yumi go long ol ami bilong Aram. Sapos ol i larim mipela stap laip, bai yumi stap laip, na sapos ol i kilim mipela, mipela bai i dai tasol." ⁵ Olsem na ol i kirap long avinun taim san i go daun pinis long go long kem billong ol ami bilong Aram. Taim ol i kamap long arare tru bilong kem, ol i no lukim wanpela man i stap long hap. ⁶ Long wanem Bikpela i bin mekim ol ami bilong Aram i harim ol nois bilong ol karis na ol nois bilong lek bilong ol hos i ran, ol nois bilong narapela bikpela ami, na ol toktok igo ikam long ol yet,"King bilong ol Israel i baim ol king bilong ol Hit na ol king bilong ol Isip long kam pait long mipela." ⁷ Olsem na ol soldia i kirap na ranawe long avinun yet, ol i lusim ol hausel bilong ol, ol hos bilong ol, ol donki bilong ol na ol i lusim kem i stap olsem na olgeta i tingim laip bilong ol na ol i ranawe. ⁸ Taim ol lepra man kam long arare tru bilong kem, ol i go insait long wanpela haus sel na ol i kaikai na dring, na ol i kisim silva na gold na ol klos na ol i go haitim. Ol i kam bek gen na ol i go insait long narapela haus sel na kisim olgeta samting long en na karim ol i go haitim. ⁹ Na ol i toktok igo ikam long ol yet," Dispela ol samting mipela i wok long mekim em i no stret, dispela dei em i wanpela gutpela dei long tokaut long ol gutpela samting i kamap, tasol yumi i wok long pasim maus i stap. Sappos yumi wet igo moning nogut ol man i givim hevi long yumi. Olsem na yumi mas go na tokim ol lain i stap long haus bilong king , ¹⁰ Olsem na ol i go bek na singautim ol wasman bilong dua bilong biktaun. Ol i tokim ol olsem, " Mipela bin go long kem bilong ol Aram tasol nogat wanpela man i stap, mipela i no harim wanpela nois bilong ol man, tasol mipela i lukim ol hos wantaim ol donki ol pasim i stap na ol haus sel ol sanapim i stap yet olsem." ¹¹ Ol wasman bilong dua bilong banis bilong biktaun i singaut bikmaus na tok aut long ol manmeri wanem i kamap long kem bilong ol Aram, na ol tokim ol lain i stap long haus bilong king. ¹² Orait king i kirap long nait na tokim ol wokman bilong em. " Nau bai mi tokim yupela wanem ol Aram bin mekim long mipela. Ol i save mipela stap hangare, olsem na ol i lusim kem na ol i go hait autsait i stap. Ol wok ong tok olsem, " Taim ol i kam aut long biktaun, bai mipela holim pasim ol na kisim ol igo insait lo biktaun bilong ol. ¹³ Wanpela wokman bilong king i bekim tok bilong king na tok, " Mi askim yu, inap yu larim sampela man kisim ol 5 pela hos stap yet long biktaun. Namba bilong ol i olsem ol manmeri bilong Israel ol stap yet, klostu olgeta i dai pinis nau, larim yumi salim ol igo na lukim." ¹⁴ Ol i kisim 2-pela karis wantaim ol hos na king i salim ol i go bihainim ol ami bilong Aram, em tok, " Go na lukim." ¹⁵ Ol i bihainim ol igo kamap long wara Jodan, na ol i lukim rot i pulap long ol klos na ol samting bilong pait ol Aram i tromoa nabaut lo rot taim ol i hariap long lusim ples na ranawe. Na ol man i karim tok i kam bek na tokim king. ¹⁶ Ol manmeri igo aut na karim olgeta samting bilong ol Aram long kem bilong ol. Olsem na ol i salim 3 kilogram gutpla flaua long wan kina na 6 kilogram bali flaua long wan kina, olsem God Yawe i bin tok. ¹⁷ King i tokim dispela kepten i save stap klostu long em, long stap het wasman long dua bilong banis bilong biktaun, na ol manmeri wokabaut antap long em na krungutim em daun insait long dua bilong banis bilong biktaun. Em i dai na tok bilong Elisa man istap klostu tru long God Yawe i karim kaikai, dispela man i bin toktok taim king i bin kam daun long em. ¹⁸ Na dispela samting i bin kamap olsem Elisa man istap klostu tru long God Yawe i bin tok long king na tok olsem," Klostu long dispela taim long dua bilong banis bilong biktaun Sameria 6 kilogram barli flaua bai stap long salim long wan kina na 3 kilogram gutpela flaua long wan kina." ¹⁹ Kapten bekim tok bilong Elisa man i stap klostu tru long God Yawe na em tok, " Yu harim, sapos God Yawe i opim ol windua bilong heven na salim ol dispela kaikai kam daun, inap dispela samting i kamap?" Elisa i bin tok, " Harim, bai yu lukim long ai bilong yu yet na ol bai kamap, tasol bai yu no inap kaikai," ²⁰ Dispela samting i kamap tru long em. ol manmeri wokabaut antap long em na krungutim em i go daun insait dua bilong banis bilong biktaun, na em i dai.