1 ¹ Long hetman na igo long meri God i makim em, na ol pikinini bilong em, husait mi laikim insait long tok tru na i no mi yet, tasol mipela olgeta i bin save long tok tru. ² Long wanem tok tru i stap insait long mipela na em bai stap wantaim mipela oltaim oltaim. ³ Bai marimari, sori na bel isi bai i stap wantaim yumi, God Papa na Jisas Krais pikinini bilong God Papa insait long trupela pasin na pasin bilong laikim. ⁴ Mi amamas tru olsem mi bin painim sampela pikinini bilong yumi i wokaubaut insait long tok tru, olsem mipela i bin kisim lo bilong Papa God. ⁵ Nau mi amamas long yu, meri - i no olsem mi raitim nupela lo, tasol yumi bin gat bipo - olsem yumi mas laikim wanpela narapela. ⁶ Dispela laikim bilong God yumi inap wokabaut na bihainim dispela lo God i laik long yu mas mekim. Dispela lo yu bin harim bipo olsem yu mas wokabaut long em. ⁷ Olsem planti giaman lain i bin igo long olgeta hap long graun, na ol i no tokaut klia olsem Jisas Kraist em pikinini bilong God i kam. Dispela em ol giaman profet. ⁸ Lukluk long yupela yet, na yupela i no ken lusim tingting long samting yumi wok long em, tasol yupela bai i kisim olgeta prais. ⁹ Husait ol lain igo pas na i no sanap strong insait long skultok bilong Krais, ol dispela lain i nogat God.Na wanpela husait i sanap strong insait long skultok, dispela man em igat papa na pikinini. ¹⁰ Sapos wanpela man i kam long yu i no kisim dispela tok skul i kam long yupela, i noken kisim em igo long haus bilong yupela na noken tok gutde long em. ¹¹ Long wanpela husait em i tok gutde long em. Em tu i save mekim pasin nogut bilong dispela man. ¹² Mi gat planti samting long raitim ikam long yupela, tasol mi no inap raitim i kam long yu long pepa na ink. Tasol mi tingting long ikam long yupela na lukim pes bilong yupela na toktok wantaim, na amamas bilong yumi bai pulap tru. ¹³ Ol pikinini bilong susa yu makim long en, ol i tok gutde long yu.