5 ¹ Nau ol Pilistain i bin olim pas bokis kontrak bilong God na karim long Ebenesa i go long Asdod. ² Ol Pilistain i karim bokis kontrak bilong God na kisim i go insait long haus bilong Dagon na putim sait long em. ³ Long bikpela monin long narapela dei ol lain manmeri bilong Asdod kirap na lukim olsem Dagon pundaun na slip putim pes i go long bokis kontrak bilong God Yawe na ol apim Dagon na putim em gen long ples bilong em. ⁴ Tasol long bikpela monin ol kirap na lukim, Dagon pundaun na slip putim pes i go lon bokis kontrak bilong God Yawe. Het na ol han bilong Dagon i buruk na lus nambaut long dua long i go insait. Bikpela hap bodi bilong Dagon i no bin buruk na stap yet. ⁵ Em olsem na nau tu ol pris bilong Dagon na ol narapela manmeri husait laik i go insait lo haus bilong Dagon i no save putim lek long dua i go insait long hause bilong Dagon long ples Asdod. ⁶ God Yawe i mekim save long ol manmeri bilong Asdod. Em i bagarapim ol Astod na ol lain i stap klostu wantaim ol long pein nogut long bikpela buk. ⁷ Taim ol manmeri bilong Asdod i luksave olsem wanem i bin kamap na ol i tok.''Bokis kontrak bilong God bilong Israel noken stap wantaim yumi, bilong wonem God bilong Israel i bagarapim mipla na Dagon, god bilong mipla.'' ⁸ Olsem na ol salim i go toksave long bunaim olgeta lida bilong Pilistain na ol tokim ol olsem, ''Bai yumi wokim wonam long kontrak bokis bliong God bilong ol Israel?'' Na ol i bekim na tok, ''Karim bokis kontrak bilong God bilong ol lain Israel na raunim i go long ples Gat.'' Olsem na ol karim bokis kontrak bilong God bilong Israel i go. ⁹ Tasol taim ol bin karim igo long Gat God Yawe i mekim save long olgeta man long biktaun na paulim tintin bilng ol. Em i mekim bikpela na liklik long biktaun bikpela pein na ol bikpela buk buruk long skin blong ol. ¹⁰ Olsem na ol salim bokis kontrak bilong God igo long Ekron. Tasol taim bokis kontrak bilong God igo insait long Ekron, ol lain manmeri bilong Ekron singaut na tok. ''Ol i karim bokis kontrak bilong God bilong ol Israel i kam long kilim yumi na ol manmeri bilong yumi. ¹¹ Olsem na ol i go toksave long bungim olgeta lida bilong Palestain na ol tok long ol olsem, ''Salim bokis kontrak bilong God bilong ol Israel i go na em bai igo bek long ples bilong em yet na em bai i no inap kilim ol manmeri bilong yumi.'' Ol i bin guria na prett nogut tru long olgeta hap long biktaun, bilong wonem God i mekim save gut tru long ol. ¹² Ol lain i no i dai i kisim bikpela pein long ol bikpela buk na krai bilong manmeri long biktaun i go long ol heven.