29 ¹ Nau ol Filitia i bungim olgeta soldia bilong ol long Afek, ol Israel i wokim kem klostu long hul wara insait long Jesril. ² Ol king bilong Filistia i go pas long 100 man na 1,000 man, Devit na ol man bilong em i go pas long ol soldia wantaim Akis. ³ Orait ol king bilong Filistia i tok, Ol Hebru i mekim wanem long hia?'' Akis i tokim ol narapela ol king bilong ol Filistia, ''Em dispela Devit tasol, em wokman bilong Sol, king bilong ol Israel, husait i bin stap wantaim mi long olgeta dei, o long olgeta yia na mi no painim wanpela rong long em inap em i kam olsem long mi long dispela de?'' ⁴ Tasol ol king bilong Filistia ol i belhat wantaim em na ol i tok, ''Salim man i go bek, em mas i go bek long ples yu tokim em long stap. Em i no inap i go daun wantaim mipela insait long pait, lo wanem em bai tanim na pait bek long yumi insait long dispela pait. Long husait wanpela bai inap tok yes long bikman bilong em long kisim man bilong yumi yet? ⁵ Em dispela Devit tasol ol i bin singsing na danis i go i kam na tok, Sol i kilim 1000 man na Devit i kilim 10,000 man? ⁶ Orait Akis i singautim Devit na tokim em, Taim God Yawe i go pas, yu bin stap gutpela, long yu go aut na yu kam insait wantaim mi long soldia em i gutpela, long lukluk bilong mi, long wanem mi painim yu olsem i nogat rong i bin stap wantaim yu long dei yu bin stap wantaim mi i kam inap nau long dispela dei. No ken pret, ol king i no wanbel long yu. ⁷ Nau yu go bek wantaim bel isi, orait ol king bilong Filistia ol i no inap rausim yu.'' ⁸ Devit i tokim Akis, ''Tasol wanem samting mi mekim? Wanem yu bin painim insait long ol wokman bilong yu taim mi bin stap wantaim yu long dispela dei, wanem hap mi no i go na pait long ol birua bilong bikman bilong mi king?'' ⁹ Akis i bekim na tokim Devit olsem, ''Mi save olsem yu no gat asua long ai bilong mi long yu olsem ensel bilong God, noken pret long king bilong Filistia i bin tok, em i no ken i go antap wantaim mipela long pait.' ¹⁰ Orait nau yupela kirap long moning wantaim ol wokman bilong bikman bilong yu husait i bin kam wantaim yu, taim yu kamap antap long moning na tulait i bruk, go nau.'' ¹¹ Orait Devit i kirap bas, em yet wantaim ol wokman, ol i lusim dispela ples long moning na go bek insait long graun bilong Filistia. Tasol ol Filistia i go antap long Jesril.