2 ¹ Olsem tasol, noken mekim pasin i no stret long kainkain rot na giamanim ol arapela. Noken kamap olsem giaman man na noken grisim ol arapela. Noken tok giaman long wanpela tok i no tru. ² Olsem ol nupela pikinini i hangre long dring susu, wankain tasol, yu mas hangre long tok bilong Bikpela, long dispela rot yu inap long strongim bilip bilong yu long God. ³ Sapos yu gat save tru olsem Bikpela em i man blong mekim gut tru long yu. ⁴ Kam long Bikpela Jisas, husait em i olsem ston i gat laip we ol man na meri i bin les long en, tasol Bikpela God i bin makim em olsem ston i dia tumas long em yet. ⁵ Na yupela i olsem ston i gat laip, Bikpela i bungim long kamapim haus bilong spirit na mekim yu kamap holi prist long givim kain ofa we Bikpela i save wanbel na amamas insait long Jisas Krais. ⁶ Buk bilong God i gat tok olsem, lukim, long saion mi sanapim kona ston,we mi makim na em i dia tumas,na husait i bilip long em, bai i no i nap pilim sem. '' ⁷ Olsem tasol luksave bilong God i stap wantaim yu husait i bilip long em.Tasol ston we man bilong mekim haus i rausim, dispela ston i kamap namba wan kona ston tru. ⁸ ''Na em i olsem wanpela ston bilong sakim lek bilong ol man i save pundaun.Ol man i save pundaun long wanem ol i save sakim tok.Ol i makim olsem bilong mekim dispela wok. ⁹ Yupela tasol God i makim, kamap holi na long mekim wok prist bilong em yet.Yupela ol manmeri bilong God stret na bai tokaut long ol gutpela samting God i mekim. Em i singautim yupela long pasin bilong tudak kam insait long nupela lait. ¹⁰ Pastaim tru, yupela i no stap olsem trupela manmeri, tasol nau yupela i stap lain manmeri tru bilong God, na bipo yupela i no bin gat marimari bilong bikpela tasol nau yupela i gat marimari. ¹¹ Ol lain husait mi save laikim yupela,mi lukim yupela olsem ol manmeri bilong arapela ples.Olem na yupela i mas lusim laik bilong bodi we i save pait insait long yupela. ¹² Yu mas soim stretpela pasin namel long ol manmeri i no save long God,bai ol i bagarapim yu olsem man bilong sin.Olsem tasol ol bai i lukim gutpela wok bilong yu na litimapim nem bilong God taim Kraist i kam bek gen. ¹³ Long litimapim nem bilong Bikpela Jisas, bihainim tok bilong ol manmeri husait i gat namba, na bihainim tu tok bilong king, long wanem, king i gat bikpela strong. ¹⁴ Na tu em i makim king, long wanem, God i salim ol long kalabusim ol lain husait i mekim rong na tu em i tenkyu long husait i mekim samting i stret. ¹⁵ Na tu em i laik bilong God long yu mekim gutpela pasin, sapos yu mekim olsem, yu bai pasim maus bilong ol lain manmeri husait i save sakim tok bilong God. ¹⁶ Stap olsem fri man, tasol noken tingting long mekim pasin i no stret wantaim dispela. Nogat, stap olsem wokman bilong God, ¹⁷ Soim gutpela pasin long olgeta man, na laikim ol man olsem brata bilong yu, pretim God na litimapim nem bilong em. ¹⁸ Yupela ol wokboi, givim yupela yet long ol bikman bilong yupela olgeta na i stap aninit long ol. I no long ol man i mekim gut long yupela tasol bai yupela i stap aninit long ol, nogat.Yupela i mas mekim wankain long olgeta lain husait i mekim nogut long yupela. ¹⁹ Na em i gutpela long yu mas amamas taim yu pilim pen wantaim kainkain traim na hevi long wanem yu save long God bilong yu. ²⁰ Na wanem gutpela pe i wetim man husait i mekim rong na i kisim bagarap.Tasol sapos husait i pilim pen long wanem yu mekim gutpela pasin, yu mas amamas long wanem, God bai i givim biknem long yu. ²¹ Wanpela as tingting God i makim yupela i olsem, yupela tu i mas karim pen. Taim Krais i karim pen na i dai long yu, em i soim piksa long yu inap long yu bai bihainim na mekim wankain pasin em i bin wokim. ²² Krais i no mekim sin. Na tu em i no bin giamanim ol man. ²³ Taim ol man i mekim nogut long en, em i no bin mekim nogut long ol. Taim ol man i laik kilim em i dai, em i no redi long bekim. Em i bin givim em yet igo long man husait i save skelim stret. ²⁴ God em yet i karim asua bilong sin bilong yumi long bodi bilong em yet taim em i dai antap long diwai kros, olsem bai yumi no ken mekim sin tasol bihainim stretpela pasin. God i oraitim yupela long ol bagarap Jisas i bin kisim long bodi bilong em. ²⁵ Tru tumas yupela i olsem sipsip i bin lus, tasol nau yupela i kam bek long Jisas, husait i gutpela wasman bilong sipsip na long laip bilong yupela.