1 ¹ Krais Jisas i singautim mi Pol long kamap aposel long laik bilong God yet, na Sostenes, brata bilong mipela, ² i go long sios bilong God long Korin, long ol lain husait i bin kamap holi insait long Krais Jisas, ol manmeri husait em i singautim ol long kamap holi. Mipela i raitim dispela pas i go long ol manmeri husait i save singaut long nem bilong Bikpela Jisas Krais long olgeta ples, husait em i Bikpela bilong ol na mipela wantaim. ³ Larim marimari na bel isi bilong God Papa bilong mipela na bilong Bikpela Jisas Krais i ken stap wantaim yupela. ⁴ Olgeta taim mi save tok tenkyu long God bilong mi long yupela long marimari bilong God em Krais Jisas i bin givim long yupela. ⁵ Em i mekim yupela i gat olgeta samting long olgeta rot, insait long olgeta toktok na olgeta save na gutpela tingting, ⁶ olsem tok bilong Krais ol i autim namel long yupela i tru olgeta. ⁷ Olsem na yupela i no sot long wanpela presen bilong spirit bilong Bikpela taim yupela i wet long Bikpela Jisas Krais bai kamap ples klia. ⁸ Em bai strongim yupela igo inap long taim i pinis, olsem bai yupela nogat asua long de bilong Bikpela bilong mipela Jisas Krais. ⁹ God i givim bel tru na i singautim yupela long kam insait na lotu wantaim Pikinini bilong en, Jisas Krais em i Bikpela bilong yumi. ¹⁰ Nau mi tok strong long yupela, ol brata bilong mi insait long nem bilong Bikpela Jisas Krais olsem, bai yupela i stap wanbel na bai nogat kros namel long yupela. Mi tok olsem yupela i mas stap wantaim wanpela tingting na wanpela pasin. ¹¹ Ol brata bilong mi, em i kamap klia long mi olsem, ol lain bilong Kloe i gat hevi namel long yupela. ¹² Tok bilong mi i olsem, wanwnan bilong yupela i tok, "Mi stap wantaim Pol," o "Mi stap wantaim Apolos," o "Mi stap wantaim Sepas," o "Mi stap wantaim Krais." ¹³ Ating Krais i bruk nabaut? Ating Pol i bin hangamap antap long diwai kros long yu? Ating yu bin kisim baptais long nem bilong Pol? ¹⁴ Mi tok tenkyu long God olsem mi no baptaisim wanpela bilong yupela, nogat, mi bin baptaisim Krispus na Gaius tasol. ¹⁵ Dispela em bilong mekim klia olsem nogat wanpela bilong yupela bai tok olsem, yupela i bin baptais long nem bilong mi. ¹⁶ (Na tu mi bin baptaisim olgeta lain long haus bilong Stepanas. Olsem na antap long dispela, mi no save mi bin baptaisim ol arapela lain tu o nogat.) ¹⁷ Long wanem, Krais i no salim mi i kam long givim baptais, tasol long autim gutnius. Em i no salim mi i kam long autim gutnius long save bilong man yet, na bai diwai kros bilong Krais ino ken lusim strong bilong en ¹⁸ Bilong wanem tok bilong diwai kros em olsem samting nating long ol lain husait bai dai. Tasol long ol lain husat God i bin kisim bek ol, em i strong bilong God. ¹⁹ I gat rait olsem, "Bai mi bagarapim save bilong ol saveman, na bai mi daunim gutpela tingting bilong ol man i gat bikpela save." ²⁰ Gutpela saveman i stap we? Bikpela saveman i stap we? Man bilong resis long toktok i stap we? Ating, God ino tanim gutpela tingting bilong graun i kamap samting nating? ²¹ Ol manmeri bilong dispela graun ino save long God, olsem na God i save amamas taim ol man i autim tok olsem ol man i nogat save long givim laip long ol lain husat i bilip. ²² Long wanem ol Juda i save askim long mak bilong ol mirakel, na ol Grik i save painim gutpela tingting. ²³ Tasol mipela i autim tok bilong Krais i dai long diwai Kros olsem samting bilong sakim lek bilong ol lain Juda na ino gutpela tingting long ol lain Grik. ²⁴ Tasol long husait God i singautim, em long ol Juda na Grik wantaim, mipela i autim Krais olsem strong na gutpela save bilong God. ²⁵ Long wanem, ol samting nating bilong God i gutpela moa long ol manmeri, na long hap God i nogat strong, em i strong moa bilong ol manmeri. ²⁶ Lukluk long singaut bilong yupela, ol brata. I no gat planti bilong yupela i gat gutpela save long ai bilong ol manmeri. I no gat planti bilong yupela i gat strong. I no gat planti bilong yupela i gat biknem. ²⁷ Tasol God i makim ol samting nating bilong dispela graun long rabisim ol saveman. God i makim samting i nogat strong long givim sem long ol samting igat strong. ²⁸ God i makim samting i daun tumas na ol i no save laikim long dispela graun. Em i mekim olsem bilong ol samting i dia tumas i mas kamap samting nating. ²⁹ Em i mekim dispela long ol man bai i nogat as long apim nem bilong ol yet long ai bilong em. ³⁰ Long wanem samting God i bin mekim, nau yupela i stap insait long Krais Jisas, husait i bin kam long yumi olsem gutpela save i kam long God. Em kamap stretpela pasin bilong yumi, pasin holi bilong yumi na em kamap man bilong baim bek yumi. ³¹ Long dispela as, olsem tok bilong God i tok, "Larim husat laik toktok long kisim biknem, em mas toktok long kisim biknem long Bikpela tasol."