Isa 9
1
Ageva pi yamba uhimitae, taga tagane tige ulimue, kaisa iba minda pisa, kega kamba purinda gana Anutu ba esegi ena wandagapa kana kie.
2
6-wandaga ata wagai tagina ba, kakaga kina, Pita ya, Jon ya, Jems ki, Isu iba pumaite amuti itae.Mitata pindiba,Isu aupa awai puma tonaina putagina ige iyoliba.
3
Autasa enamaba ewasa puwata gina,mamba pisa kina miba kamba aga gave gavata ewasa ena ba puwa tae.
4
Piya puta ginava Elaisa ge Moses ge avola kanama Isu ge kamana utase.
5
Pita piyaema Isu omitae,''Posenda yagara,kanara mata mimagita kakaga namapa kikuna,ka pa kaenawa,ka pa Moses sindawa,ka pa Elaisa ndawe.''
6
(Naina gavaya Isu ka uwemava kamba napi tae,igeva iye kuru ena pindi mitatae.)
7
Ayaema ibina gama ilali kaiwi tatae, Ibina pindisa ka kigae kanatae,''Mapa naena nabuganda yagara nene,Abiyo ae kamana.''
8
Piya eyaena aborata ginaba,abaga awae puma agatapa,kaisava kamba igatae, Isu abinto agatae.
9
Amutisa tumi magina,Isu va esegi kamana oimitae,naena agatepa wasanava a oimiyo, Anutu dagara purite gina asikivi kanata.
10
Ige wipindi pi kamana pa kaka gaitae.Tavera igeva iyogi tae,nanaga ma kamana pa utae.
11
Yesu avigatae,'' Nanama ago laka Elaisa tumi gasakatae utae esegi kamana ta eva kinamiva?''
12
Piyamba oimitae,''Elaisa amaluena kana kivipa amba ivapuma avola atakiye. Pipa nanama ago laka isa pipa kemalatae piyamba Anutu dagara mava tave kundaena esa gauma ageva kamba wakiyema?
13
Pipa piyamba ulimue, Elaisa ago kanagaita gina ago naena pikena va imala pugategana Anutu kamana pa ige ka iye.''
14
Isu eliya kinata kanatae, igoma kinami imo kamana puvaya la eva kina mige.
15
Avaga taka Isu agatae, ayaema kinami pami potama Isu agate imu kamana utae.
16
Eliya kinawa ivigatae,'' Nanama agolaka timo kasa va uwitae.''
18
Kambaraga awamusa ma solisali enala yagara nepa potaviye. Agepindi wiwa piye. Eriya kina kata megasiyoma uwimopa kamba megasae.
19
Isu uwitae,'' Tigeva timatiti pa kamba pe kinatae, ayakita tigegiva mikuwe? Ayakita puliya kikuwe? Maite nagoli kanaiyo.''
20
Isu ti awapumete kanatae. Ata awamusa Isu agategina va yagarando mevuga taginava awamupisa kaisa putae.
21
Isu ava ka avigatae. Ayaki kanata piya enava pugaviye? Piya utaginava ava Isu ka piya utae,'' Amana yagarando la agovitae.
22
Igoma ndaga asoli sali enava poyaviye, yaku pindive wani pindive mevotaviye. Ka isa kandara pundana pa nomeyo.
24
Avaga ando avava kuwe ena puma piya utae, ''Neva namatiti puwe nomeyo!''
25
Isu va igoma kina kanatagana igatae,kamba ogi awamusa megaite piya utae, kamba ogi awamusa kawa akano epindi va.''
26
Kuwe enapisa, amoena pisage yagarando va atate ilowatae.Yagarando va purinda kinama oga putae, igoma kinamiva piya utae,'' Mapa ago puwae.''
27
Isu va ayata uma asitata gina asiwatae.
28
Isu kanama nama pindi itae, kaka eliya kinawambi kanama avigatae,'' Taeva nana agoga kamba megaikune?''
29
Piya uwimitae,'' pindanava nunamu pisa megaikivene.''
30
Pi kuma kaite Kalili watae.Eta waemava Isu va wasana mikava agasana gava kamba avutae,
31
Yoga kinawa posenda puiyakitae. Maya uwimitae,'' Anutu ndagara avavuma agama kina iyapi ataigina egukivewe. Egugasi gina purite gina kakaga yaga mite asikiye.''
32
piya utamipa kamba avima aratae, igeva iyekuruma kamba avigatae.
33
Kapenaum igeva kanatae. Nama pindi asu mindana ivigatae,'' Nanaga keiva iyogi puta kanae?''
34
Igeva paka puwatae. Igeva maka uta kanatae, kega tave yagarava tavaka pipa mikivene.
35
Ayama yoga kinawakaga kegae uma mara miyiyo uwimitae, eva maya uwimitae,'' kegavaya amaru mikuwe undanapa, kaegapa mema mavindi merukaso.''
36
Isu va amana ndagarando avavuma ivakapi atatae. Eva ayapi ava purintana maya uwimitae.
37
'' Kegaveya nage nagelaka avapuki vembepa, nageke navapene, nasapa kamba navavene navanemba naisagati ndagarageye.''
38
Jon omitae, '' Posenda yagarane, kaisa kina igokana kae kageraka kamba raga awamusa maegasagata apiyo uwimune,pipa kamba tegaramikae.''
39
Isu maya utae,'' angara kuro, kamba kaina nae nageraka esegi eriyapa pikie, piya pundanava nae naka yapa kamba ikie.
40
Keveya taekaga kamba takaya sikivepa taenae.
41
Kevaya wani kangave naoma kamikivipa pipa aeva Isu Mesia ndae, taga ugamue, eva ikawapa mekie.
42
Kevaya amana ndagarane amatiti ena maema mavindi merukaiki vipa, pindagarava amemavi igana uvu atama kayo wani pindi maevikive.
43
Kayangama agundaena pekanapa arisakaso. Ogienae mita wagaikena kauma mekivembe kava, ayugu tara kaengama pekana yaku kumapindi wasanaga.
44
(undefine)
45
Kagisama agundaena pekanapa arisakaso. Ogienae mita wagaikena kauma maekivembe kava,tara
46
kagisama pekana yaku kumapindi wasanaga.
47
Kaowama agundaena pekanapa kasagaso. Ogienae mita wagaikena kauma ka kaurasa maekivembe kava, tara kaoma pekana yaku kumapindi wasanaga.
48
Pindaku pindiva kipa kamba purekana yaku keva kamba atumakie.
49
Ayaema kinapa yakutasa kavavima agakiye.
50
Kayova ogienae, igaenawa kaikivipa, ayamba igaenawapa to mema avorakivene? Tigepindiva igaena waiyekana kanda paruenara koandomage miwaiso.''