¹ Minakena yaga atwagaita ginava. Meri Mekdelin Jems ke Salome ke isiniwisimba ge wama ginisi masawe ikaputase, pipa isu puwate mitataginisi auti piatakena. ² Ka sondawama amarusa yagava aruri watawe. ³ Igewipa piyamba kamana pa uta watawe, kendoga arurasa yavapa maigakivene? ⁴ Kana yagava igeva maro gatawe, igeva piyamba agatawe ka yagarama ago yarapa maigaindae pindava pa ka tave yava takane. ⁵ Igeva aruli ima agatapa ka yagarama yaero wae autaisana potama aytakandi maramitatagini agate pamivutae. ⁶ Piyamba omitae, "tigeva a tiekuru vio. Tigeva Najaret isa isu agiyosae, aiguma takaiyavara ita atata dagara. Pipa ago asiwae. Kamba matapa mindie. Agaiyo awaitatim baripa. ⁷ Tigeva wama Isu eriya yagara ge Pita ge uma omio ago paitama Galili titate paitama wagasaema. tigeva pingavara wama agakivewe piyama ago urimiyine." ⁸ Igeva avei meru tumima karusurite watae. Igeva iyekuru puma gini kamana pa to ga yagarama tapa kamba utae. ⁹ Ka sonda yaga amrusa yaga agovita gina, puwati tisa asita gina, amaruenava Meri Mekdalin kanatea. Igepa Isu seven wa kambaraga awamusa maigatamine. ¹⁰ Isu ge mitatatkinamigeva indaraena visa kuve ena puma mitatatgina aiva uma oimitae. ¹¹ Igeva piyamba avitae ago agalite mari agatae, pikeva kamba imatiti putawe. ¹² Pindana atwagaitaginava, aiva togina puisigaitae isu eriya yagarara, kei wamamindana. ¹³ Kaisa eriya yagarala wama omitapa, isige kava kamba imatiti putae. ¹⁴ Isu va eriya yakarawata amba avoratae akivuma yavaera mitatae, aiva esegi kamana utae naenamanagoga tigeva kamba imatiti puma indawamava esegi puwatagina, igeva kamba imatiti enava putawe. Kendogivaya Isu purite asiwatagina wama agata kinakava. ¹⁵ piya omitae, " tigeva ayama mavindi wamagina ogikamana ayama wawaya comiyo. ¹⁶ Kegavaya kamatiti wani maikivembe kagava, Anutu va kavavekana, kendogavaya kamba kamatiti pikivembe kava tave kamanata asikivene. ¹⁷ Ayaema araenava imatiti pikive kinamita wakie. Igeva nai nageraka kamba raka awamusa maigakivewe. Igeva kasa kamana pisage kamanapa ikivewe. ¹⁸ Igeva iyatasa kuyava arakurikivewe kiyoena wanikeva nakivepa kamba purikivewe. Igeva iyapa yonikinami tapa ataiginava kanara pikivewe." ¹⁹ Tave yagarama kamana uwimita ginava aiva manda gumati ima Anutu ayatakandi maramikivewe. ²⁰ Ayaema Isu eriya yakarava ayama mavindi wama Isu kamana uwimitae, piya puta gana tave yagarama iyomaiyagina igeva andagama imara putae.