<<<<<<< HEAD
Sapta 1
=======
Sapta
>>>>>>> 506c4ce7e1915bd27514fb698f5af948248ee68a
1
Kyuqe qua mwaava Kotira mwaaqu Yesusirara vahirama.
2
Porofeti Aisaaiara mpukuqi mwatamwa tiro, "Ntena kyaiqa vaisi mpo, i vuni viqaaro ini aanra qavu qavu hianinra titauqaro viho."
3
Qumwina mwataqisai vaisi mpovanto qaakyara ntero, "Nronrani aanra qavuqavuma taivaro kyuqemakyero vahiarive."
4
Sonivaa qumwina mwaataqa nrintero tiqaro, nraakye qora nkyeta vura tuqasaqivaro Kotiva nkyi qora okyara taunru nyatarive.
5
Ekyaa nraakye qora Sudaa qinaa huavata Yerusaremi qinaa huavata mwiva varunani vuraa. Mwihua ntairi qora okyara timwaqoqa huvaro Sonivaa Sodaani nraamanriqa mwihua hauqetora.
6
Sonivaa uterero, kaameri mwamwantaqo ututo tuavaqara qututero, retiqo nai tavarana nrumpatero, Mwiva kapuavata,
7
Mwiva yaakue qamwa tiqaro ,vaisi mpovanto ni mwoqani nrinra mwia yakue mwiva ni yakue mwiavata nratarananrove . Nte hamwa qio mwia kyuqu nramu qina kyanta raqutaninrave tura.
8
''Nte nti nramwanriqo hauqetauqo, mwiva nti kyotutaa mwanraqunra yakueqo hauqe taananrove.
9
Mwitahuvaro qihera mpoqaa Yesusiva Kaririqi vai mwatara Nasaretiqi nruvaro Soniva mwia Sodaani nramwanriqa hauqetora.
10
Yesusiva nramwanriqi hauqeta viro sive taaqovaro nkyaamwuvanto hatua viharo Takyuqukye vai mwanraqunrava nkyaamwa mwinrunra voti hiva tumwinra.
11
Kiaranta mpovanto nkyamwusairo tumwiqanro tiqaro, "Mwiva ni nraaqinra tuaananravave, mwianra ni mwutukyaa mpovata vaihana qamwatauqo."
12
Mwita huvaro takyuqukye vai mwanraqunrava mwia vitero haa vaisi varu mwataraqi vura.
13
Mwi mwataraqi 40 qiharara variharo Saataniva nrumwuntero mwia aamwatora. Mwiva qaakyau quara vairivata varuvaro Kotira kyaiqa vaisivanto mwia kyahaqa hura.
14
Nramanri mwi vaaru vaisira Soninraa karapukyaqi rumpa kyovaro, Yesusiva Kaririqi nrumwantero Kotira qua timwaa qoqahiro tiqaro.
15
"Mwaate mwaa mwi iharava nrumuntaiho, Kotiva ntaqikyi mwaatukyava vaini nriho, nteta vura tuqasakyeta, kyuqe quara qutaave qiate."
16
Yesusiva Kariri rumpua kyokyahata nrumwute taqovata, taara qate vakye, Saimonikya Enturukya tana quahe nraamwanriqi kyoramwa, mpo naa utuqive mwitaana hua pisi varaa vaisi tanahua mwaa.
17
Yesusiva mwitana huara tiqaro, "ntetana ni vataqi nrivaqe nte ntitana taravitarita vaisi vitate tiro."
18
Mwita tuvata mwitana hua qaumwa tananra ntairi quahe kyeta, mwia vatavare vura.
19
Yesusiva pataqaa nkyaanrani viro taqovaro Sepetira mwaaqu Semisivavata, Semisira qaata Sonikya nkyairi quahe qavu qavu hura.
20
Yesusiva mwitaanahua nraanrovata, mwitaanahua ntairi qora Sepetiravata mwia kyaiqa vaisivata qaqirakye mwia vatora.
21
Mwihua Kapeniamu mwatukyaqi qati varu qiherara nrumwuteta Yesusiva Sudaa mwihua mwaanra nraamwuqi verantero mwihua qua mwaanra timwamwunra.
22
Mwihua mwia qua rieta nrihanra hita tiqata, "Mwiva nrutuvata hiahua hiantema kyero mwihua timwa mwiho. Mwiva hamwu qua mwaanra ntapihia vaisihua votima kyero tiho."
23
Vaisi mpo Sudaa mwihua mwaanra nraamwuqi vari vaisiraaqi qorahi nraaqihova variva yaakueqama aakyarantero tiqaro," Yesusio Naasareti nkyaao."
24
Tire i naatave hiananra hiho? Yesusio, Nasareti nkyaao. E tiri qoramwa timwatarere nrianro?" Tire i ntapihi kyauro. E Nronra Kotira mwaaqu taakyuqu kyera variaravave.
25
Yesusiva nraaqiho qora hiahua mwihuara yaakueqama kyero tiqaro, "Nkye haa qua tiraiqata mwia qaqira kyeta mwiaqitai qaqini tumwitarate."
26
Mwitatiharo mwaanraqunra qorahiva mwiva mwia vara mwataqa ntukamwukyero, aakyara yaakueqama ntero mwia qaqira kyero vura.
27
Ekyaa nraakye qoravanto mwia taqe nrihanramwa kyeta tiqata, mwaa naa inraikyaa vantove qovara hiho? Mwia qua mwiva qarakyaa qua vaihata, mwaanraqunra qora hia hua mwia qua rieta quavo.
28
Mwaa mwi quava ekyaa Kaririqi vai mwatahuaqi vuvata ekyaa riora .
29
Mwihua Sudaa mwaanra nraamwu mwiqisai vevanteta Saimonikyaa Enturukyaa nraamwuni, Semisikyaa Sonikyaavata vurama.
30
Yesusira nraaqinra mwihua mwia timwamwita tiqata," Saimoninra nraata mwia nrova nriqaa viharo taariqa vaitaiho."
31
Mwita tuvaro Yesusiva nrumwa mwia kyaaquqa tuvarero mwia vara mwaamwianrama kyora. Qaumwa tananra mwia nriqavuva mwiva taiqovaro, siviro mwihuani kyara utora.
32
Enrovaro huairivu vikyovata, Yesusira nraini nriqaa vuhuavatamakye vaana qora huva mwihuaqi varuhuvata vitesa nrunra.
33
Ekyaa mwatukya mwiqi varu nraakye qorahua nrita kuaira hita nraamwu eki mwiaqa varura.
34
Yesusiva vaaqara nraakye qora mpo nriqavirara mpo nriqavirara huhua kyaahaqama kyero, mwaanraqunra qora huhua qaqini raaqutakyero haa mwihua kyaihata qua qiarama, mpo naaqamave mwihua mwi ntapihi kyahuama.
35
Yesusiva toqaatananraqi siviro mwaata mpoqi kyaaqu varora.
36
Saimoniva vata mponramwu Iesusiravata variahua mwianra uaahiara.
37
Mwia puaamwakye timwa mwita,"Ekyaa nraakye qora qiara puahiavo."
38
Tuvaro Yesusiva tiqaro, "Nriva mwatukya mponi quare, viqatama nte Kotira qua timwa qoqahiante, nte mwi kyaiqarara tumwuvama."
39
Yesusiva Kaririqi vahu mwatukyahuaqi quro Kotira qua Sudaa mwaanra nramwuqi timwa qoqa hiqaro mwaanraqunra qorahuhuavata raqutera.
40
Vaisi mpovanto taumwa rumpuaravata hiva Yesusira haini nrumwuntero, tori taari ntaputa kyero mwia kiapara ntiro, tiqaro, "I mwutukya vahirera ni vara qiove hiniqaamwa kyenanra."
41
Yesusiva mwianra poqaahiro mwia qiataqa kyaaqu vatero mwianra tiqaro, "Ni mwutukya vahiva i qio kyaahaqa ninraqa vaiho.
42
Mwita tuvaro qaumwa tananra taumwa rumpuara mwiva taiqovaro mwia mwamwanta vanto kyuqema vura.
43
Yesusiva yaakue qua mwia timwa mwikyero titovaro vura.
44
Yesusiva mwia timwamwinro tiqaro," Naa inraikyave qiqaa qovara hira mwianra, haimwu mpo hihua timwa mwiante, qiro Parisi ena taara vita hira , i qioqa hira mwianraqama Kotirani vahi aasau rukyera qia qura mwatairaro mwiva vahirero kyuqe qua mpo votima kyero vahiarive."
45
Mwiva viqaro, ekyaa nraakye qora Yesusiva utura mwianra timwamunra. Mwitahuvaro Yesusiva haimwu mwatukyaa mpoqi vura. Mwiva quro mwaata mpoqi mwatukyaa mwia nkyaanrani vahunani varuvata, vaqara nraakye qora mwatukya mpoqi mpoqitai mwia haini nrunra.