¹ Sisasiva Karirini esaa ruero rimanaa nero Kapeniamini quro varisanta mwi mwatanaasa Sisasiva rima variso tia kuara rienta. ² mwisa airivano quro vari raammwuraqi kuairama vinta ramwu mwivaqa kuraa qasenta qentiqa vaqa suvai saavaro mwovano mwiqi veranaariva sia saqasiro.Mwitaa sisaro Sisasiva raamwu mwiqi mwaritaaro kua timwa nura. ³ Sisasiva timwaa nivarisanta vainti mworammwu vano niaairi senaa vainti mwo mwiraa mwavaana sini qutu vira taaintama mware nriaara .Era siaquanema vainti ramwu mwira taintavaarenta rira. ⁴ Mwiram mwusa rimwanenta Sisasira tataaqaqa vuanaa rave tinta, taakuavanta maase qora airivano vaaria vanta mwiravusa nraamwu vutaani veraa neva sia soqaasira.Sia soqa sisanta mwira mwusa qaqirasenta nramwu qiataqa mwarinenta mwi vaintiva mwara mwari mwatenta, Sisasiva nraamwu vutaaqi mwari santa mwiramwusa Sisasiva vaarira mwinaa miavi nakurasenta. Qio naakurasenta qitaavi vaintiva taintaaqa vatara qaasomasenta saqi vuavaro mwi taintava nraase qora vutaqaa qunta vasira. ⁵ Vasisaro Sisasiva riaisanta mwia vainti nramwusa niaairi qai titanta, quqaama mwaa vaintira Sisasiva so suqema mwitaanarove,tu vaintisa nranwu vaariavaro Sisasiva sini mwavaana qutu vi vaintirara titaaro, Ni maaquo, re Kotira kuara quqaa sanara ne mwia kuara nrugaama mwitauko,tiro. ⁶ Sisasiva mwitaa tukanta kua osaara timwaavia vaintisa mwiqi vaariasa rienta titanta. ⁷ Qao, mwi vaintiva naaraiqamaqiroe tiso? mwiva mwitaa titaaroma Kotira uqiama mwaate variso. Siama quminaa Vaintivano Varitaaro nrai senaa vaintiara, E Kotira kua quqaa saanara taaurumwa mwitaeuko, tianaroe. Kotiva mwiva qaima so mwitaa tianaroe,tinta. ⁸ Mwisa mwitamase aato tuavaro Sisasivavata mwisa vu aato tuara napisro titaro,'Qine nantaama qive mwitaama riavo?' ⁹ Ne mwaa vaintira sini mwamwana qutuvirara titanama, Re Kotira kua neqasanara ne nrugama mwitauko,tukanta qine niara titanta,Qao mwaini riane. Ne mwi vaivtirara titana,ntivira rena tainta tuvarera vuane,tiariro soe mwiva ni kuara mwitasanaroe? Qine ni timwa mwivaqena riase,tiro. V 10 Sisasiva mwitaamasero mwisa saparama mwitero mwisara qaiqa titaro, Ne mwatani mwatatai nraaqiarava varukaro ni nronraqama saisanara tina, Ne soma mwatani mwaritana vaintivano Kotira kua neqasani kuara nruga nitanirae. Qine ni kuara quqa kuave tiate tina, Ne maqe mwa vaintirara mwita tireranave, tiro.Mwitaa timwasero Sisasiva sini mwamwana qutuvi vaintirara titaro. ¹¹ Nti vira rena tainta tuvarera rena mwatani vuane tuko,tiro. ¹² Mwitaa tisanta qesa nraase qora mwia takue variavaro mwi vaintiva ntiviro mpiavi nrai tainta tuvarero visanta mwisa isarama vinta sauqu nukiki nraaqate mwaritanta Kotira utu tuaaherenta titanta,mwaa saqara mwo qarasi saiqara sia takuauna saiqarave,tiara. ¹³ Sisasiva Kapeniaamini varsero mwiantairo rima nanatero Karirini nramari tosantata visanta nraase qora aairivano mwiva mwarinani ntu nunuka sinta mwarivaro Sisasiva kua mwasaasa mwisa timwa niro. ¹⁴ Mwi qaantai mwiva uro mwaritaro qakuaisaro Rivai mwiva, Qarapiasira mwaaquvano,qopisi nraavuqi taakisi mware vaisaro Sisasiva mwiirara titaro,Ni naantiara nriane, tiro. Mwita tisaro Rivai mwiva ntiviro Sisasira vataqiro viro. V 15 Sisasiva Rivai mwia raavuqi uro varitaro nrai nraaqiara ramwuvata sara nrevari santa aairi vainti taakisi varaasavata,vainti mworavu mwisara mwaaqu saiqa utuasave tiasa mwisavata, ravumwiqi varitanta sara nre variaara. ¹⁶ Sisasiva vainti mwisa vatamase sara nre varuvanta Parisi vainti mwaanra osara ti variasa takuavaro Sisasiva taakisi mware variasavata, maqu saiqa uti varia savata, sara nre variavanta mwisa Sisasira nraaqiara nramwu sapara sinta titanta,nraraqamave Sisasiva maqu qasia vaintisavata sara nre variso,tinta. ¹⁷ Parisi vainti nravuvano mwita tuvaro Sisasiva mwisa kua riero titaro, Qaqi vari vaintiva sia totaa vasinani virave. Ita vi vaintiva qai totaava sinani virave. Nta vaintisave tinta, Te qavuqavu masenta nruaunrasave tiasa, ne sia mwisa aara rerana tukuvave.Ne mwaquqasia nraase qorasa aara rerana tukuave,tiro. ¹⁸ Mwi enara Ionira nraaqiara nramwu vanovata,Parisi vainti nraaqiara nramwu vanovata, sara aauramate variavanta vainti mwo nravuvano Sisasira saparasinta titanta, Ionira nrqaaqiara ramwu vanovata, Parisi nraaqiara vanovata, sara aauramatenta variavo. So naraqamae ri nraaqiara ravuvano sia sarara aaurama tarai tinta,qaqi sara nre mwarivo,tinta. ¹⁹ Mwisa mwita tiavaro Sisasiva titaro, nraase mwararera siari vaintiva rai vataasavata qaqi mwarirera,soe mwovano mwira vatasarara sara aauramatate tianaro? Qao, siama so mwovano mwita tianaroe. Nraase mwararera siari vaintiva qaqi vai ranta mwiavatasa sia sara aaurama tarai tinta, qaqima sara nrevarave. ²⁰ Mwo enaa rimanairanta mwisa qintai nraase mwararera siari vaintira tumwarenta mwi enara qantai mwi vaatasa qantura nitanta sara aaurama tevarave,tiro. ²¹ Mwita timwasero Sisasiva mwo kuaqaa numwasero timwa miro titaro, mwo vano vaaqa sisi nrasituanira saqirasirero siama vaaqa qarasa toqasero mwiqa naaqautero saqiraanarove. Vaaqa qarasa mwi toqasariro teqo vairaro vaaqa sisi mwivavaqa nroraqamasero rasitua sore tiro, sia mwitasirave. ²² Qaiqa tireravave. Uaini aaraasa tatisero sia mwovano mwemwera pasiqantairo utu taira raaruanara taqu varasero qaraasa Uaini mwira mwiqi arauri rirave. Memenra pasi mwiva nraasa qama viraqa mwiva mwitaa siraro Uainivano kempusa uaini utu viraro memenra pasi nrasitu saanarove. Memera pasi qontai ututaa taqura qaraasa taqu varasenta mwiqiqai qaraasa uaini arau taate,tiro.Sisasiva mwi kuaraqa numwasero tu kuara osara mwiva mwa taamama vairo. Mwira mwoqiamase siama ntaaruana osaravata qaraasa osaravata guaaqi ntu nukaamase tutaate, tira. ²³ Mwo ena mwaara tu enara Sisasiva nrai raaqiara ravu sampata raso vutaqi qaapaqiri voqiasira uiti vara tutaraqi vivaritanta vira raaqiara ravuvano vitanta uiti tamwa kuve qasenta ramwaqinta vi mwariavanta Parisi vaintivano mwisa takuenta Sisasirara titantama, mwataqi mwisa takuane. Mwaanraqa qao timwatai inraisarama mwisa mwarenta siavo, tiro. ²⁵ Parisi vainti nravuvavano mwitaa tiavaro Sisasiva niari timwaniro titaro,ntaru ri saivaqava Nevitiva tiva,mwiravata riesa mwisavata, sara nrataa sisanta variavaro Nevitiva guaqarasira mwi ne sia mpukuqi saaraa numasenta riaarave siso? ²⁶ Aapataava Kotira saiqa mwaranite vaiva vunyaa vaintivano mwari enaraqa Ntevitiva Kotira nraavuqi veranero mpereti Kotirani mwataara mwarasero nrero naaqasero rai viravata nriaasavata sini nisanta nraanrave. Kotira saiqa vare mwaria vaintisa mwisaqai mwi sarara vaisaro qumina vaintivano mwi sarara nrenro mwia kuara neqasairave,tiro. ²⁷ Sisasiva mwitaa timwasero tiro,Kotiva vaintiara rietaro mwaanra qisara vasianarove tirave. Kotiva sia mwaara qisarara rietaro vainti utu tairave. ²⁸ Ni mwatani mwatatai nraqiarara nronraqama saisana mwaritana ne mwaara enaraqa naqisitanama nena sasasiani saiqara soma mwaraanirave,tiro Sisasiva tirave.