¹ Ya imaqbaban, I le ne gigo hib kabiy dimunta em ta na saman a hiqiy. ² Teq i ne gigo hib ahi gwatiqdaqmo uliq Pilipai-ib osad afaqan sorta na ne tuhuritiymo. Mataw nabta na giblawunad gimiqin yaqayta.Teq i gigo God gigem zaway ugsa i a hi hureq has, I giwaz meqniyim ne gigo hib tileh. An ne gigo uliqab mataw asor nazaqmo gibaymusa i na ago a hi bilaq, God ago gamuk tigibilenyauq. ³ Teq i a hi rabad ne ginad buliy go gibilenta na alulin in kazaq, Ne daq araq meqinta emgo a hi gibilen. ⁴ Haiqgam. God igilum kemim i gimugan ezaq diq iyim usaq na inmo ahol waqkemaqta. In i gimugan ahol waqan i in ago gamuk bilaqsireqamta iyan in Yesus awagamun dimunta na igibilenad am ta. ⁵ I ne gigo hib gamuk a leh ta nab soysoy hi neg. Na ago ne tuhuritiyta.Ad God i gibiy sa i negigo naga samanmo giwaqgo haqad gamuk a hi gibilenmo. ⁶ Teq i gibin iyahta waq go adanteqin na gunim i ne gigo hib kabiy a hi emmo. Ad ne i gibin i luwgo haqad i kabiy a hi emauq. ⁷ Helmo i karais ago aposel osauqta, Nazaq iyan i ginad bilaqid giqemid ne i gilumsi go azawayin i giholib usaqta. Teq i nenaq kiskismo os. Bilaqne aw amun emnan tonaqta nazaq. ⁸ I ne ginan ginad diq bilaqaqta, Nazaq iyan Yesus awagamun dimunta God igta na i ne gibilen nauqmo. ⁹ I Gimaq baban, I giholtu bulad kabiy iyahmo ne gilikmanib em na ahol tuwaqiy. zeqab taromab ne ginadin emad teq igmo gihol anadin emad Yesus ago gamuk dimunta em yaqiyta, Luweq i afaqan kabemo negsa ne gihol afaqan iy daq haq ad. ¹⁰ I le nenaq osa ne i gibiy kemiyta,Ad i daq tawonta mo ne gigo hib emad os. Sa God i ginan anad bilammo. ¹¹ Mat ago aw amun giwaqmuzeq nazaqmo i ne giwamuz yauq tamo. ¹² Giwamuzad in ginad awaz meqniy daq haqad i gibileneq bilaq yauq, God gililewunim bilaqaq. Bo yaqgo maror aduganib gwatiqiy haqaq, Na ago i ne gibeq yahad gibelenauq. Ad ne gigo luw os in God ago liley na inaq isiheq usan haqauq. ¹³ Ari nagah araq ago i tutimmo God esey ugauqta na kazaq .God ago gamuk kwaziqmo ne i giqezab qwayiy ta na og ka ago gamuk waqnog a hiqiyiy haqiy. Ne gamuk na waqan mataw helmo haqay na gigem mab kabiy atoranmo tiqemaqta. ¹⁴ I gimaqbaban, saw Judia-ib God ago on mataw Krais Yasus aholib soqotim usaiy nazaq. Bilaqne Jew emay nazaq. ¹⁵ Juda mataw helmo a hi haqayta na Yesus wol qemiy. ¹⁶ Nazaq iyan i God ago gamuk mataw Juda a haiq ta na ginanin qwaynan tonay. In ginad emyaqiy, Luweq mataw en ta asor na God ago gamuk huritad anan helmo haqsa God i gilumsiheq ta giwaq daq haqayta. I nazaq tuteq emsa in gigo daq meqinta kuluwmo diq iyim ban tuwaq buga. Sa mo God agem meqniy in mataw na sisaqmo gimuzad luwim muran in giholib ulal iyim tigimqin tonaq. ¹⁷ I gimaqbaban, i le ne gigo hib ossa Juda mataw na bolim i tigimusiy. Gimuzan i ne ginobun ahol a ta hi waqtauq. Ta teq i gimeb ginad tususmun yaq ¹⁸ Kam asimanta nab i bilaqan onmin amikmikta ginen gimam haqta osnog iyaqta, Osad i ne ginobun ahol a ta waqgo ginad bilaqsa i giwaz meqin lehan yo hi iyyawta. ¹⁹ I ne gigo hib leqnan ginad diq bilamta, Teq haiq, satan tuteqmo i gidanin qwayaq. Teq Yesus ameb turusa naga diq i ginad giholib usaq in i gibiyad gibin tiqiluwda? Bilaqne i gifaqanib baliy dimunta titoreq Yesus ameb gwatiqid in i gibiyad ame sirirdaqta nazaq? Nagaq nagan bunmo alulin na neqmo. ²⁰ Helmo diq, Yasus ameb i gibin ayah iydaqta alulin na negmo.