¹ Ari kam asor le tihiqiyan Yesus uliq Kapenum ub tilah. Lehim ossa mataw Yesus bolim bitab osaqta na ago tuhuritiy. ² Huritim mataw kabemmo bolim bit nab humab wolan ban tihiqiy bug. Bit aqezab nazaqmo ban haiq tihiqymo. Na mataw mo osan lah. Sa Yesus gamuk dimunta tigibilenyaq. ³ Gibilenad ossa mataw aweweqmo in mat araq moqaqta banab emim sorim a boliy. Mat na abensen aditin moqan in asit a hi luwyaqta. ⁴ Ari in mat na a abolan bit nab mataw ban tuwaq bugan in ab Yesus agerab loqgo dan haiq. Nazaq iyan inbit ahuqunib gwalehim Yesus osaq ham. ⁵ Wolehan Yesus mataw na ginad helta ahol waqadmo in mat moqaqta na tubulon. Yaqgo amun ham ya ningo daq meqinta tigiwalem bug ham. ⁶ Haqan mataw Moses ago gunun hurit kemiyta na asor Yesus agerab osad in ginadibmo susumunim bilaqiy. ⁷ Nagaqo mat ka God ago ban waq nog iyim kazaq God bilawunaq? Haqiy. Og kab mat araq mataw gigo daq meqinta walemdaqta haiqgam haqiy. Nakmo God amulikmulikmo ago kabiyta haqiy. ⁸ Mataw na nazaq ginadib susumunsa Yesus giloyin kemim gibilan, "dok tonan ne ginad haresmo nazaq emaiy? Ham. ⁹ Ya naga gamukin bilaqid teq ne nan hi yag daqay? Ya ningo daq meqinta tigiwalem” haqdaiq?" Ham. ¹⁰ Teq mat atatin in og kab daq meqinta walemgo azawayin aholib usaqta na ago ne hurit daqay haqad ya kazaq diq bilaqdaiq ham. Haqad in mat abensen moqan banab usaqta na tubulon. ¹¹ nibilenaiq ham. Ni eraqeq ningo us ban waqeq ad ningo bitab a leh ham. ¹² Haqanmo mat na eraqim mataw na gimeb ago ban sorim ad ago bitab tilah. A lehsa mataw bunmo gihol ritensa in God abin iluwad bilaq yaqay. I nagah kazaqta kwaziqmo ahol a hi wawta haq yaqaw. ¹³ Ari Yesus uliq na hulosim yaw akororan galili ub tuqwolah. Mataw on daubiyaqmo tukwalehiymo. Sa Yesus amam ago gamuk tigibilenyaq. ¹⁴ Gibilenad osim teq in era lehad luwim in Alfiyus atatin liway ahol tuwam. Mat na takis abitnib ago kabiy takis waqad ossa Yesus ahol waqad tubulon, ni ya imuzeq bol ham. Haqanmo liway eraqim Yesus muzim inaq tilah. ¹⁵ Ari abeb Yesus in liway ago bitab didaq neqad tuqos. Ossa mataw gibin meqinta takis waqayta teq mataw daq meqinta emayta nenaq kabemo bolim Yesus ago disaipel nenaq bit nab didaq neqad tuqosiymo. Mataw naqanya kabem mo Yesus muzinad inaq luw yaqata. ¹⁶ In bunmo nazaq Yesus inaq didaq neqad ossa farisi asor gibiyad osim in Yesus ago disaipel tigibileniy, Nagaqgo Yesus in mataw daq meqin emayta ko teq mataw takis waqayta ko nenaq didaq neqaq? Haqiy. ¹⁷ Haqsa Yesus huritim gibilan, mataw gigo moq haiqta na in le dokta ahol a hi waqayta ham. Mataw gigo moq inaqta naqmo dokta ago hib lehayta ham. Ya on mataw titnonta gililewunnan a hi bolita ham. Ya on mataw dag meqinta emadosayta naqmo gililewunnan bolta ham. ¹⁸ Ari Jon mataw huz negyaqta na ago disaipel teq farisi nenaq in tuteqmo didaq udini yaqayta nazaq iyan mataw asor bolim Yesus buloniy. Ezaqgo Jon ago disaipel na teq farisi gigo disaipel na in udinsa ta ningo disaipel a hi udinayta? Haqiy. ¹⁹ Haqan Yesus gamuk awowun araq kazaq gibilan. "Mat araq aw waqnan tonsa in ayogniz boleq inaq osad anad meqnidaq. ²⁰ Abeb mat aw waqdaqta in wam ad pesanmo tileqhiy. ²¹ Mat araq nagah mutur ta initid le kwazita a hiyidaq. ²² Mat araq in wain ayun gog araq kwazita ahi emid woqdaiq." ²³ Sabat a kaman tuwgwahtim, Yesus ago disaipel nenaq kabiyab wit anon waqeq nenan. ²⁴ Ari Farisi Yesus buloniy. Nagaqgo daq meqinta na kam-nab ne emay?" Ham. ²⁵ Ad Yesus in kazi gibelan ne tawah naga araq divit martonta kam in ago mat gigem na osiy. ²⁶ Divit in God ago bitab gwaitim kam abiata in hetpris osiyaq. Ad ni bret neqyaq God ameb. Na hetpris neqnagiy ta teq on mataw bunmo haiqgam.Ta leh in dauh inaq osiy ta na in nagge? ²⁷ Ad Yesus tabilam kam gunun wazay ta na on mataw gigo om mataw gunun nab haiqta. ²⁸ Ad mat atatin inaqmo gunun na akamun ago mat iyahta