¹ Makamana amantapa agowapa Isu Mesiya,Anutu ntagara. ² Piya'kamana waitatae,Anutu kamana Isaia isapi waitatae,agaio,neva ka yagara ago usagaue, eva pintagarava eva tigeenage arupupikie. ³ Ka kegae kanatae kamamavintisa piyapuma,Tave'yagaramanta ke awiyo,ogipuma agawapuma arupupuma. ⁴ Joni eva wani piitatae wawaya mokamamavinti eva mono kasa usuma oimitae igeva iguawevutae.imatitipuma kaintanawi megaitae. ⁵ Ayaema wawaya Jerusalem isa tumima agtae.pigoema igeva kaintanawi uma arama Joni omitama igeva Jodani wanipi Joni wanipaitatae. ⁶ Joni autasaena puritipa piyavuma kemoli yagama auayatasa pumarantasa putawe pigo eva avamugativa puritawe piya puma eva naninta natipa kavuvintisa iyoge wantanike natae. ⁷ Eva esegima uma aratae, 'Ka yagara nae naka'i kanakivipa eva ege'enawapa eva mesuvapuma inatane, pigowa neva melun kava puma'e. Piya puma neva kampa lakaya kanara pundu'e. Piya puma agisavisa ena igana ayuvikenava. ⁸ Neva wanitasa paititatau'e, pigo eva ege imamu awamusa tasa wanipa paititaki'e. ⁹ Eva kana yaga me'irokitae, Isu va Nasareti'i kanatae pipa Galili'isa kumati Joni va mono wani paitana'e Jodeni wanipi. ¹⁰ Pigo Isu mono pa'i urite, pigo manta kavi awitakina Ewasa Awamusa tuminda'e piya puma tumitipa ka kavara kantaena tumitae. ¹¹ 'Ka kege'e mantarisa tumindana piya utae. Eva pintagarava eva taga taga eva yagaranene. Ekagava neva navugae. Neva tavera namupuguwe. ¹² Pigo ainti Ewasa Awamusa ama Isu epa avavurite kama mavinti watae. ¹³ Eva kama mavinti umitatae kampa wasana mintapinti piyapuma mitatipa piya foti wa yaga mitataginava aru yagarama egasama agatae. Eva kavukava kinake mitata kinava ankero yagarama ma kanama epa ometae. ¹⁴ Kana igeva Joni avavuma iganavinti atatae. Isu va Galili'i kanama Anutu kasa uwimitae. ¹⁵ Piya utae, kanapa kanakasae, piya Anutu kumapa eva ago agarosawae, tigeva tigu awevuma timatiti kana kasara piyo. ¹⁶ Kana Isu eva kanatae Galili'i waniama atati kanatae, eva tara agana isigatae, Saimoni ke Enduru ke. Isigeva umbeni wanipi payopuma nanaviyema isigeva noyanta meyamen gararae. ¹⁷ Isu va piya uwisimitae, tisigeva ampa naegariso, pigo naeva wasana avavike nena purisia kikue. ¹⁸ Piya utaginava avaga, isigeva umbeni kaite ampa aegaratase epa. ¹⁹ Kana Isu va ago paga'avara watae,eva Jemisi agatae, Sebeti ntagara, pia Joniva eva Jemisi anando.Isigeva umbeni yokeyoke putase. ²⁰ Isu va kegeutae isigekaga piya isigeva pigo isiva Sebeti ke,kaisa eria kinape igeti ampa egaratae. ²¹ Pigo igeva kanatae Kepanauni migara kena yaga,Isu va Juda kinami mono namapinti ima posenta ena imitae. ²² Igeva pamintami putae piya puma posenta kamanawaka eva kayagara eva ka eva imamuwa wintie,eva posenta kamana uwimitae tave napienara,piya eva kampa kamanatasa ige'ena napiena kinagantava. ²³ Ainti kayagara eva Juda ginami mono namapinti migavie,eva ata awamusa urinti yagara migavi kana eva taverataga kege utae, ²⁴ Eva piya utae tave nana pugatagune,Isu Nasareti 'isa yagara? kaeva tae mema ata purata'kena kanana'a? taeva ago kagaune kaeva kega emava.Kaeva Anutu nta ewasa yagara wakae. ²⁵ Isu va tavera kegeuma ata awamusa iyamipa oimitae,tigeva akamana kikipa aiyo,otate eva avepatae. ²⁶ Piya pi ata awamusa eva mema avei mavinti payopuma kaitae,piya putagina va eva tave kigae urite avepatae. ²⁷ Ayaema kinamiva pintana agate pamintami putae,igewipa ugaviga putae,pintanava nana'enae? Pintanava aoso kamana wane? Ata awamusa migeva avite watae!'' ²⁸ Kana kasamava ayama mavinti wagaitae Galili'i. ²⁹ Pigo igeva Juda kinami, mono namapisa irogitae pigo irosama giniva igeva Saimoni,Enduru,Jemisi,Joni gi namati wama uma pasitae. ³⁰ Kayokaya yagara'mi Isu ga omitae,Saimoni wayawampa anowampa tave inu avegina eva awima mintiema. ³¹ Piya putaginava Isu va kanama ayata ampa uma nunumu otatagina eva avagatakaya asitae.Avaga'takaya asima naninta kaema yokepuitatae. ³² Pigo pa'amava ago atamisa'watae, igeva toma'toma enukina wawaya enukina ke ata awamusake ayaema kanatae. ³³ Ayaema wawaya tave kumatisa kanama kavera namata ampa akivutae. ³⁴ Isu va eva wama enukina kavaitatae,piya eva ata awamusa pa eva mema avei'i kaite. Piyavutagina eva ata awamusa amapa awamu akukaitae, pipa nanavie igepa epa ago agantae. ³⁵ Isu va eva avayarakaya kampa marintogana eva ka aukai umintana nunumu umamitatae. ³⁶ Saimoni gi mokaisa Isu ke migaventa' garamive Isu kuena vutae. ³⁷ Igeva pigo Isu avatatama,igeva omitae,''ayaema kinami igeva kae kaka kagusakae.'' ³⁸ Isu ige uwimitae,to kumati'wagaikune iveka naeva Anutu kasava uwimukue,nanaviema agowapa wintinta'namaka mampavipa kanatone. ³⁹ Isu eva Galili'isa awali wagaitae piyavuma kina Anutu kasa oimitae,Juda kinami mono namapi eva ata awamusa agaruvatae. ⁴⁰ Kayyara replosi inu urinta yakara aeti kanatae,eva ampa arakavima eva avigatae piyauma,piavuma kaeka kavigivipa kaeva nepa mema ewasa'punato. ⁴¹ Anta raenarasa,Isu eva aya anota mayotama piya omitae,neva taga pigenavue,kaeva kanara ewasapigivene. ⁴² Avaga replosi inu yagarama agaite,eva pigo kanara putae. ⁴³ Isu eva ege kasa omitama agaruva'atatae. ⁴⁴ Isu piyae omitae,ayamagasava kaisa kinapa a'aoimo keta avorinta'nagava,kaeva wama mono namatasa ano yagarama uma ayako,pigo kaeva wama kamunta'nagava po,piya Mosese untisapuma pintanava kanama uma agama uwimo.'' ⁴⁵ Eva wama ayamagina uma uimitae ayaema wawaya oimitae naena Isu uti putintanagava, piyavutagina eva awalisa kumati uma mitatagina pigo ayaema uwoma wa waya kanama ampa agatae.