¹ Togakema Isu wa mono kamana uwimitae kayo wani na atati, okaena gina waya wa'a agora amba akibutagana. Isu wa kanu pindi indosuma asumara mitae kayo wanipindi. Ayama waya wa'ava kayo wani atati igeva mindugina. ² Isu wa okaena awame kasavindisa, posenta kamana pindisa, aeva Isu maya umitae. ³ Aviyo, yoga yagarama aintana pikena watae. ⁴ Aeva aintanava putawataginawa, kaisa aintanava kei asunukaema tumita gini, kavarangama kivima natae. ⁵ Kaisa aintanava yava mavindi tumitae, okanena mava kamba kana. ⁶ Pigo pa ilosatagina, ayama tamusu puwatae nanaviema okaena mava kambae, ayama asawatae. ⁷ Kaisa aintanava akenana ina pindi tumitagina. Akenana ina kama amamukae tagina, nakena awapa kamba aogima aetae. ⁸ Kaisa aintanava aogi mavindi tumita awapa aogima aema tave anosama, kaisava ka kinama agisa aya amupuma nayatara gina, kaisava kakaga ginama agisa aya amu, nayaka amu kinama agisa aya amu. ⁹ To piya utae, kevaya kamana avikena age waintakam va, atagana aveno! ¹⁰ Pigo Isu hasa mitatagini, kaisa agorasa yakarami ge naya taramupuma nagisarisa tara tubaema. kina mige avi gatae meto kasa uti kamanaka. ¹¹ Aeva piya uwimitae, tigepa kaka Anutu da agoyaena wa kamana maeyae. Kegivaya avei minta nagiva meto kamana pisa maeyae. ¹² Pigo igeva agakivepa, tagane agakive, kamba agavevema agakive, pigo to agakivepa, tagane avikive, kamba aogima napienava pikive, ayugu igu awaema Anutu ti kanaigina kaintana maigisanaga. ¹³ To piya uwimitae, tigeva mambetopa kamapa maeya ya? Ayamba ayama metopa maekive'e? ¹⁴ Yoga yagarama aintana putipe aeva kamana aintana butae. ¹⁵ Igeva piyambane aintana kei tumi tipa, kamana aintana putae, kamana avitapa, Sata avaga kamana maegaitae kamana aintana. ¹⁶ Igeva mapa yava bavi aintana puta, kegi, kamana avitapa, avaga imutisa maetae. ¹⁷ Igepindi avu kamba aogima waitagina, arokana, ando memitae. Pigo kundaena ge karanaena ge kamana, ama kunduena kanata gini, avaga waretae. ¹⁸ Kaisa akenana ina pindi aintana pundapa, kamanapa avitapa, ¹⁹ maba wama kuduena, kotaka esegi napiena, to kaisa napienama kanama Anutu kamana maema ata putae. ²⁰ Pigo kaisa aintana aogi mavindi antapa igeva mono kamanapa avima aegaratae, igeva awipa aema ka kinata naya taramu, kakagina agina arisa aya, naya kamu kina agisa aya piyama okaena atapa agasima avoratae. ²¹ Isu uwimitae, tigeva kane uraurite napinti kanama kamagu ke maru amake amenda ataveo? Tigeva uraurite kane asara ita'atave. ²² Nanaviema, kaenaena kakantaena kamba aogima agakiveo, kaisaena kakatakivepa kampa avorakie. ²³ Pigoya kaisa ginapa kamana avikena ige wainta kiniva, aogima igeva avio. ²⁴ Piya uwimitae, tige matama avio. Nana araena potakivembe, pavi araenara tavera inata mayogata kive. ²⁵ Nanaviema, kevaya urintakivipa, aepa okaena amintini kevaya kampa urinta kivipa, aepa naena urinta kivipa ayapisa apakaikive. ²⁶ To piya utae, Anutu kumapa piyambanema ka yagarama naninta aintana yogavindi putae. ²⁷ Asenavindi awaitate avaya asivemipa, naninta aintanava ago iwavie, kamba agandie ayambapaya iraema. ²⁸ Mawama aewa nanintava avoravie, amarupa aye avorate amana naninta motate pitapa tave nanita anosavie. ²⁹ Pigo naninta agutaginava, yoga pintagaramava naninta anapikena kasu baema avora yokege piye, nanintava nagarie anapikena. ³⁰ Togema piya utae, ayamba Anutu kumapa maema awaepukune, nana meto kasavisa Anutu kumapa maema awaepukune? ³¹ Ugaena aintanato piyamba amarate, ayama nanintama aintanapindisava mampavindiva aeva ugaena aintanantoe. ³² Piyavemipa, mavindi ataiginava, tavera imanosama yogavindisa kavuve yave asugaikie. Amawapa tave nanama avorakina kavara amava anapa ambagikie. ³³ Piyama, okaena me to pisa Anutu kamanapa uwimitae, aogima avivevema kamanapa aviyema. ³⁴ Ayama kamana uwimiti pindiva meto kamanapa kamba kaitae. Isu asawa mitatitae, uvevema arama avagi kina wa kamana avorama uwimitae. ³⁵ Pintaga,atamisatagina, Isu uwaimitae," maeiyo wani-ngkama maroteti wakune". ³⁶ Pigo wasana wayawa,a itate Isu -ngkavavurite gini, nanaviema Isu kanu vindi ago agoasumitataginie. kaisa kanu va iyegama wayae. ³⁷ Kamba pagata wanduguna, ka tave punda irosama kayowani airapa puma kanu asu awaitakena putae. ³⁸ Piya putagini, Isu va asawa kanu wama akai awaitami tatagini, avagi kinamiva apagepuma omitae, posenda yagarao kamapa napiena puwaku nemave? ³⁹ Pigo asimagini ponda wamake kayo wani amake maya uwisimitae. pasema mima a taverapa piso! Avaga, ando pondava pagipuwatagina kayo wanipa mara, aitae. ⁴⁰ Piyaputagina avagikina pia uwitae.tigeva nanaga tiyekuruve? tigepindi timatitiena kamba windie. ⁴¹ Avaginapa iyekuma awaita watagina igepindi piyae utae, aiva keginisi ponda wamage kayo wanigamage aekamanapa avese?