¹ Gazo total gamun me dangan nadin me so muzuan mok nga gozep ngapanagoi. ² Nga ngalong ang gazop sutinen me nga gamun funagoi, Masodonia i angoi isauoi, me Achaia i umaz binilaklon bubudin yaun isa. ³ Ge nga taigaz nganaug am zigiamameg mewoi ang san san dab mok anauoi ngabol. ⁴ Mewoi ge Masedonia wain ta ngamai asetap ang melak so kibiniangtap id mamai tengalewoi- so o kibiaoi- me oina yatek . ⁵ Ngainag ilog me ngataigaz mai tananip abang sizlon get ikibinep inan suzuzum me blani panilak dal melon me, dal melon me abang tengalenen me so sisiklon. ⁶ Gazo nga ngabol, ta i ipai salanlak inan naun megin ngalewoi, ta i ipai gauailak inan naun gauai zabep ngalewoi. ⁷ Segauz ite i buben ilonen lo wak kagin inauoitap, Uyanzen inan ilo panek me i tamol menenoi iyenime . ⁸ Anut i ilon buben dangan inan kanim fun me dangan mok o stoanowoi, me ilon abang dangan , sansan gauai olon itasawoi, tansaek panowai oina uzat gauai mewoi. ⁹ Azu gazek ibol; " I Bazazou aben danganlon alan gaz dina, inan kagin tauz me sansan pe iyenoi." ¹⁰ Gazo fabul me paek tamol pani sepalang me yaneknen ,ge fabul me sezanep aben danganlak ilawoi inan ningon me kagin tauz. ¹¹ Dal danganlon oina kagin tauz ningon me bengten Anut lon yanauk gauai. ¹² Total gamun e inan uzat me aben dangan i lanen so iduse ge i lo kagin nimapanek me total fatu ngalewoi. ¹³ Ge me total gamun inan sigianek malik Anut inan kubel oina uzepanek Kristus inan total gamun Fatufatu danganlon pidin dilongoi. ¹⁴ Mewoi i nadin godoanek me oina, Anut inan kanim mazoz me o folak iyenoi. ¹⁵ Esse gauai Anut tapaiwoi inan kanim mazozoi.