¹ Inan blani panek medangaz, inaud aupasek tikibinep Anut oi tazutpa Sibinad tadop gun tatozoi. ² Bubumi lon aupasak pasi panama, am so dunuama alan, ta so binama lak. ³ Nga ang so ngemeselang azu e lon. Nga get ngabol ang nga bubeg me lon ngamade. Ang nga mai tamatnen bas tatozen oi. ⁴ Ang azu auan yabek nga panang, nga pez ngapanangame,bubeg lon stamaneknen ngapang. ⁵ Masedonianen ataseg yaeg so anou tea, abang dangan lon, am sibiniama adu, Muzuan lon, Ju ien lamalon am azez. ⁶ Get Anut i stamaneknen ipinidin sain salanlon, Titus iselaklon i stamaneknen ipanama. ⁷ Inan isonen lon tea stamaneknen nga ziminen mailon, Ang oi danaulak, Asagailak mai gik anaulak mai menen sai panaglak angoi ilong gauai. ⁸ Nga nganag gazeklon unuag alantap naun soapanag mon, ge bo megin, ge along gazek melon ang lami alanlak sain tutuk mon. ⁹ Ge nga nenaug lami alanlak nami aupasak so ngabi. Tea, ang Anut kagin uzig lami alan megin ge ang amlon abang ainta lon so noama salan. ¹⁰ Mewoi ge, dinau salanlak Anut ibol tamolpain didangsap i duzip i patudin isawoi mewoi buzun so isawoi, ge tan e inan ilon alan me mateng mon. ¹¹ Ge lami alan dangan uzat anauame Anut ibol ang uzitap ang jumisap uzat anau, so memon ge tinid inan mai id bengten tanauoi lami gauz, Azutnen mai, ukumeg jaeg mai funag, naun ujanmai abang danganlon nga sebami tiniminen teag atase. ¹² Ang gazek apanaglak, ge tamolpain i audipaslaknenoi, tea, tea ang am oi jumi-isa madoknen me ang ziminen Anut naunen anau itase. ¹³ Mewoi dineknen panama, sebama dineknen panamalak mug anasi Titus inan JaugJaug mai gauz jumaisa, inan buben jaunisa. ¹⁴ Ang i naunen ang bingami oi angabol gauai. Azu ang oi masalanek ibollak me mamai so ifunag, tea, abang dangan abol itaselak malik lak egin, megin Titus naunen bingami oi ngabol gauai lak me malik mon itase. ¹⁵ Ang dangan dagom panamalak, ang azeznen azutnen ngalek abollak ilong lakoi i angoi ilong panagime. ¹⁶ Abang dangoi ang oi jaug isa.