¹ Mewoi am along naup tanen madoknen - tazas ilonen temadelak - me pitingni tap , id ab Anut izinen dangan, ab dadanganeknen didlon, tan nen wain niman lon tea. ² Ab e ilonen id tasogai, ilod bubeg nulaknen did lon madoknen lon. ³ Ge id bo tunula tap, id ningod mon so dibazanad oi. ⁴ Mewoi id tazas e ilonen temade meg, id tasagai, muzuan funad, fun id nulak paseknen oi tamoi, ge tunulanen oi mon, megin pa bas nen i mateng talanganiwoi. ⁵ Anut i gazo id kibiniad abang e woi, i uz ipanad dadeng wadan imugsa. ⁶ Mewoi lak oi sain dangan yatek mok oi map talong oi tinin lon tamodotap id Ujangen lon tea. ⁷ Mewoi am lalaman maliknen lon atoz, so naseknen lon. ⁸ Am gazo yatek mok, mewoi lama tinin ilon tea ge Ujanzen ilonen mon. ⁹ Mewoi me am nama bagoz egin, o ab lak o ibenen, me i yaun isiwoi. ¹⁰ Me id dangan Kristus naunnen pileneknen lon tadulawoi. Mewoi taitai id tinin inan naun tengale woi, inad nauknauk lon, gauai o salan. ¹¹ mewoi , Ujanzen inan buzun oi along, am tamolpain ladin angal. Ge Anut i id oi ilong pasi, nga ngalong am angnami kankan ilon bengten. ¹² Am bingama ang nouami nen so abol, ge am dal petenganang ang am bingama abol itasa, megin pa ang auan yabek ainta bingadin nasek inan oi dinau dime ge bubedin lon tea me pidin oi. ¹³ Mewoi id kankan ien tap, me Anut oi, ge id kankan gauai lon tap, me o woi. ¹⁴ Mewoi Kristus inan ilo panek id tamanad egin e ifanati.Tamol taimaon me dangan oi imat, megin id dangan tamat. ¹⁵ I, i dangan oi imat pasi, mewoi i bas i siben oi so imadoime, ge idoi imat lak ge get imais malik. ¹⁶ Mewoi ge gazomnen ge ilaime, am tinin lon ta so anasiwoi, megin lon am Kristus tinin lon anasilak, mewoi ge gazo am megin faun so anasiame. ¹⁷ Megin pe, it i Kristus lon, i abang faun. Abang get inan ibin ile. Nasi , i faun ditase. ¹⁸ Abang e dangan gazo Anut lon ge ise, i ngiliad ge tamanad izinen Kristus lon, meg temaneknen uzat i id panad. ¹⁹ Me egin, Jesus lon Anut i tan fatu tamanad izinen, nadin aupasek ibini, meg temaneknen inan azu id panad. ²⁰ Mewoi ge id Kristus inan naulalek, egin Anut inan waging id lon inau. Am sibiniamag o woi, Kristus lon."Id Anut mai tetamaniwoi." ²¹ I taimon aupasek so ilong, id inad aupasek inou mewoi ge id Anut inan tamolpain gun tatase i lon.