¹ Nga sibeg Kankan, faun ngamul oi, ilo binek iduk dangan. ² Nga ilo alan ngepano tap, ite i nga faun bisiag oi ? Tea, i nga ilo alan pang lak me. ³ Mewoi nga azu e faun ngegaze megin tap, faun ngamul pa, nga faun so ilon alan elon ngemadowoi tea, nga gawai oi, kankan gegaun angoi kalel ngabi ang dangan oi. ⁴ Nga azu e o izinen ngegaze, nga inag kankan lon, bubeg lon mai, melaug mai idu, megin tap ang lami so muzuan oi, megin tap along oi, nga ang oi gauz mok ngamat. ⁵ Ta ilog muzuan panag tap, nga mon so ipanag tea, betenaek tata uzek me naup so muzuan mon ang dangan. ⁶ Muzuan e tamol me fonlak dangan oi iduse. ⁷ Megin tap kagin uzek lon ilo panek, dab nauk me ien mok oi iwoi, tea tap, kagin menen me ta i naup ilon muzuan oi. ⁸ Mewoi nga o ngepao ilo panek me bengten naup itasa tamolpain mewoi ⁹ Egin megin nga kagin me fun oi ngegaze megin map nga oina betenaek kamang egin oina binek iduk me abang dangan oi. ¹⁰ O gazo e ta inan aupasek pasiume megin mon nga mai oina ngepasiwoi ge nga abang me dangan ngepasi nga oina geg lon ngemadeg Kristus nian lon aupasek ngepasi. ¹¹ Megin tap id Satan inan dal auan so tepasi woi id i inan tatau lon so tadula woi. ¹² Saen nga Troas nen ngase meg, Anut azu inan dalauan pasi Kristus oi. ¹³ Nga Uz lon dinek so ngengale, me fun nga inag taig Titus melak tea. Mewoi nga Troas ngibinig Masedonia nen ngale. ¹⁴ Ge nga ilog gauai mam Anut oi saen dangan dab panad ime saen salan lon me Kristus lon mon. Inan kagin me inaug bengten itase uze panek lon nauknauk lon fatu dagan lon ile. ¹⁵ O nga mai id nao lalek Kristus Jesus lon pa, mam Anut izinen id lilung lon, Tamolpain gauai dimadodime, Tamolpain alan dinaug dimadodime. ¹⁶ Ta i taimon sabanai idu Mateng ta lak pa Mateng ta lak ge tata i bas nen dal nasi lak, i bas nen ngale woi. Ite i Gun kagin mewoi ? Tea, id megin tea,Tamolpain gauz Anut inan Azu lon gangmalan dingale dime. ¹⁷ Tea, id ilo paneklon Anut nean teblaniwoi Kristus nian lon mon.