¹ Piapa aogi kamana agovulitamine, Jisasi Krasti Goti anedene. ² Kamanawapa Aisaya'vindi kalamalatamine, ago kano yagolama buka aisagatomene, pimba yagolava ke amilili venoma buka aisagatomene. ³ Agamavindisa kano yagolama ke'itamipa pila itae, tavelembanda ke'imba ovuloto puma, ekusa ato. ⁴ Joni'va agamavindi wa'waya wani be`itatae. Goti kamana pagusama oilitae wa'waya iuma'aluwagevenoma, kamba'alagana kalate wani beiyoma oilitae. ⁵ Kogano Judaisa kina'ke Jelusalem'isa kina'ke kogano uma'agatawe. Pila pitegini kamba'alagana'ipa pagusatagana Joni'va Joden'isa wani'pindi wani'pa beimitae. ⁶ Joni'va autisanava kameli alilasa pumalanda pumetegina avamukandi pumete, danidava kavuvindisa kwandavala'ke walusi'kwasi oma andi yage damamitae. ⁷ Pigo ake'va pagusama esegi'kamana oilitae, aindiva kano yagwala dakwai kanakimi yagwalama'va esegina'va inata'tasa kuna, dake eseginava beluvapuma bindie. ⁸ Dake'va aogi yagwala'nayane,agisa'gu ekuvikina'va. Dakeva wanitasa wani'pa belitome'kuna.'' Pigo Jisasi'va Aogi Awamusa'tasa, belitakie. ⁹ Pigo Jisasi'va alapumalanda duga Nasaletisa Galalei kanatagina, Joniva Jodeni wanipindi wanipa beimitae. ¹⁰ Pigo Jisasi'va wanipa bemetegina,pigo kunupa aliwatagina Aogi Awamusa kinapa alape'kanda'ma tumitae. ¹¹ Kunupindisa kano kamana itamipa pilaitae,bemiyapa daogandamu Anendene itae,dakeva davulasa davuwae itae. Dakeva davulasa davuwagagae. ¹² Pigo Aogi Awamusa kinambi wasana kamba'minda agamavindi avamete watae. ¹³ Wasana kamba'mbinda bavindi 40-wa nduga bitagina, Setani'va amba atapotatae. Kavuvindisa kavataga kinambige bitagina, Goti'nda Aogi Awamusa kina wambava tumba aombetae. ¹⁴ Pimba dugava wanimba beimina yagwala Joni'va kalavusi'vindi bitagina, pigo Jisasi'va Galili kanamagina Goti kamana'pa pagusama oilitae. ¹⁵ Pila itae, ''kunawa amba avolae itae, Goti kumapa ago amba avaluviyo, tikeva aogi kamanata tiuma'va aluwage viyo oilitae.'' ¹⁶ Pigo Jisasi'va Galalei wani kepiyati be kanama, Saimoni'ke, Aindulu'ke amba isigatae. ¹⁷ Jisasi'va talagava amba dalagaiso oisilitae, dakeva wa'waya avavikinana pugalenda pikiluwe oisilitae. ¹⁸ Avagano'anaga pisi aitakalakina ku'pa atategina isikeva uma alambete watase. ¹⁹ Jisasi'va pagosa'umima Jemisi, Sepeti anendemba'ke, Joni'va inamuwamba'ge pisi aitakanda ku amilili puma bitase. ²⁰ Isikeva isivawamba'yake, bou'ti wayake, eliya kinawayake, itate alambete watase. ²¹ Sondalapa Kapeneyamui wamagina bono damapindi wawaya poilenda ana pitai. ²² Wa wayambiva poilenda ana pitamikava atalu pilatege pitawe, anaviye otamae akeva Goti eseginalasa poilenda anava pitae. ²³ Kano yagwala bono damapindi bintamipa kambalaga awamusa aumavindi bitagina, tavela aleitae. ²⁴ Nasaletisa Jisasio dakeva anavugatakiluwe? Kakeva take talutikina kanano? Dakeva kakegaemava ago kagauwe. Kaveva pavigo Gotida aogandamu anendewakae!" ²⁵ Jisasiva kamba yogi wamusakina kava pila olitae, "Pakama pavigo atate wagalo!" ²⁶ Pigo kamba yogi awamusa kinambava tavela aleuma kuvetamete watae. ²⁷ Kogano bitame kinambava, ikei yoke itawe, piyapa ana kamana avuse? Asasa esegi kamana avusa? Jisasi kamba yogi awamusaka oilitagina avitae!" ²⁸ Pimba ana pitami kamana pa kogano Galili isa undi watagina avitawe. ²⁹ Aidiva alotu damapindisa Juda kinambi dae, Jonie, Jemisie, Andrue. ³⁰ Dagisalisa tala tumbema kinawambiva Jisasikava anowamba ai ana puwae olitawe papa kanokano anono puwama kao ana puimitae. Taveyagolana puwatamipa ima anonopuwatae. ³¹ Pigo Jisasiva kanama auta amba aigama asoli atatgina. Pigo avagano kwalelindapa kalate asolimba danida ima ekaitae. ³² Pimba avagotapa pa aova tupalitagina pigo atalukinambiva anakokwali inda kinape kambaga Awamusa kinape avamete. ³³ Kogano alesenili binda kinapa dama kavela amba akima bitawe. ³⁴ Jisasiva atalu wawaya anako kwali ilinda kinapa anono poitatae, kambalaga awamusa kinapa agaluvatae, pilama kambaga awamusa kinapa kamba atatagina kamanapa kamba itamekuna ikeva ago agatawe. ³⁵ Jisasiva avayalasa asolimbete avavai we pitawamika, akeva wama kano bala umima pule uma itai. ³⁶ Saimonige kakoisa kinambigeva Jisasikava kuyavitawe. ³⁷ Pigo aola agatama pila olitawe, "Kogano wawayambiva kaguyavewe. ³⁸ Jisasiva pilae oilitae, pigo Jisasiva ama kumata wakilune oilitae, pita wama davanemba kamana pagusama oilikiluwe, anavie otama amiwapa bindegi kanawe. ³⁹ Jisasiva Galilisa kogano bala Goti kam ana pagusama oilitae, pigo akeva Juda kinambida alotu damapindi ivaimba kambalaga awamusa agalupatae. ⁴⁰ Kano yagola tagalenava pinda be kanatae. Agesavindi amba alakavuluma amakigatae, pilama kake kaumala, dakepe anono punato. ⁴¹ Pilama daumanepindisayage dadalapue, Jisasiva auta aigama pilae olitae, dakeva davowagi puwe, pigo anono puwane. ⁴² Avagano tagalenavana kwalina pindapa anono puwatae. ⁴³ Jisasiva esegi kamana oilima aisagatae. ⁴⁴ Jisasiva pilae olitae, kamekave pila punataemave aolu kinakave a oilo. Pigo ilegina wama aisa ikinana imite kaukapa ago anono puwauwe oilu. Mosase kamana oma itamisa puma, Gotida aogi su anawa kandama bikie. ⁴⁵ Pigo to avei elosawama kogano wawayambikava Jisasiva pila pila punataema oilitae. Pila pitagina Jisasiva to kona balapa kamba watae. Pilama pagosaisa kumata watagina atalu wawaya kogano balasa kanatawe.