¹ Kayo wani go ma to ka aukayawati ilo satae, Gerasens kumata. ² Pigo Isu ogare atate gina avei ilosatagina, ka yagara aeta awamuse minda dagara avoratae, eta. ³ Pindagarava mati pindi migagae. ⁴ Ka yagaramava, epa kamba ayaku kagavie, esegi igenalasa kitavepa, iyo vakasivie. Esegi igena ilisapuma iyovakaite waga sivie. Wasanamiti esegi ena kamba wigagae. ⁵ Ayaema alape asekape wasana aluvindi amupindiyo eva kuwe ena pundana, andale undana ana yavatasa aupa kasa kasapurivie. ⁶ Eva Isu pagasara agate gina, eva pigosuma agisavi uma alakivitae. ⁷ Eva andale visa, kuwe ena puta ilosowama utae, '' neva nana puga takue Isu, Anutunda masi yagara inata mindanbe?'' Neva, kavi gauwe Anutu ewa agera navuki vaki enava a namo'' ⁸ Pigo Isu piya omitae '' kaiva kamba ogi awamusakaya pindogara atate ilosawo." ⁹ To Isu avigataye, '' kegae kage kapa?'' Pindagarama piya utae. ''Ne va ilevu kina tae, nana viyema, taiva igoma tae.'' ¹⁰ Pindagarama igo mata Isu ka aviga tae, kaiva a tagaruvo ma. ¹¹ Iva va, igoma yaga, amuti naninda namamieye. ¹² Kaiva ta garuva gata ige inda pindi asu paseno.'' ¹³ Pigo Isu kanarane uitatagina, pigo kamba ogi awamusapa pindagara atate gina, yaga lu pindi asu pasite gana pi yaga lu pa auyari pigosurite kotu tumba tavo vuye watae, kayo wanipindi 2000 wa yaga puye watae. ¹⁴ Andi yaga luta kavite kina pa, aine kumati ge ta kaisa malige mauma alatae, nana vaya avora mindana gava. Piya pute ga, wa waya kana kanama amba agatae nana vaya ramindanava. ¹⁵ Pigo aindi Isu ti kana ma amba agatepa, kamba ogi awamusa megaiti dagarava, eva ogi autasana purite gina wasana mige, mara mimamita gina, agate, iye kulu puwatae. ¹⁶ Pi kegi vaya, kamba ogi awamusa ngoma anda sinda yagarama, auta avo rati dana, ge yaga raka goma auta avora tin danage, agate kinamiva, uma ala tae. ¹⁷ Aindiva, epa, avigatae, kaiva malepa kaite, wagaso. ¹⁸ Pigo Isu va ogare vindi payo puta gina, ata awamusa goma anda siti dagaramava avi ga tae, Isu, egaulite wakenaga. ¹⁹ Avigata gina , Isu va kambae omitae, '' kaiva, namakati, kao kinamiti wama uimo nana vaya kae kauta Tavema puga tai danava tave anda paru en kaya kigasae.'' ²⁰ Pigo, kamba ogi awamusa goma anda siti dagarava, wamagina uma aratae, tave ene Isu ae auta puti danagava, ayama aine kumata. Kegi vaya pi kamana avi te gini, iyo apisa tagini tavela imutata putae, nana vaya avorati danaga. ²¹ Pigo Isu kayo wani ngoma toga akayawati watipa, waya wawa tave kina taka akivuma mitae , eva kayo wani goma ati mita tagina. ²² Pigo aindiva, Yuda kina minda mono namatasa anoganbu yagara agewapa Sairus. Eva Isu ti kanama agisa vi alakavitae. ²³ To Isu ka aviga ma piyautae ," amana aragandone puri kena pegi kavigaue, kaiva kanama auta kaya megantagana, eva togake auma meyano." ²⁴ Pigo, Isu aege watagina igoma waya wawa, Isu aegaurite ege kapi kapi watae. ²⁵ Pigo ka we mitae kora ginu 12 wa karisinamas ivindi avunda gae mitae. ²⁶ Eva tavera aukivaki ena vindi mima, igomata sota kinati nasi tipa ,aiyena wapa kamba atawa tae, eva tave kutanga wamba kaitagina aiena wapa tave-ena puwatae. ²⁷ Pigo pingaema Isu kamana avitegina, eva wasana vindi kanama Isu nda autasaena atuta ayakuritae. ²⁸ Eva, pinge mava piyautae, "neva Isu nda autasana ra ayakuluku ope , neva to kake kanara puwa pukue." ²⁹ Pi ngema Isu aikayavu tagina va korapa asa watagina aupindi kanara puma aiyena wa pa ata watae. ³⁰ Avaga ndo, Isu , aupindi aki suma agatae kaisa esegi ena wa atate wagasae ma. Igoma waya wawa pindi awe puma ivigatae, "kendoga nautasana rapa aikayavene? " ³¹ Piya utagina kayo kaya yakara miva omi tae piyamba, "kaiva agano igoma kina takambi ingi katandepa, to tavigane kega naikaya vene ma? '' ³² Piya ute piyo , Isu to mare ga maga ma aisagatae, kevaya naikaya viema. ³³ Pigo pin gaemava agama arate gina puma ekuru putae, anavaya ae auta avorati ndanaga. Pi ngema kanama amba ware wataye agisavi, arakavi ma omitae, ayama tagae ena ae auta avorati ndanaga. ³⁴ Isu piya omitae, "alagane kama titiena ma kanara pugatae. Aiyena agora pagi puwa kie, kanda paru ena visa me wo." ³⁵ Isu kamana uma mitagina kaisa gina kanama, mono namatasa eva yagaraga piya amba omitae ," alagando gapa ago puwae,nanaga posenda yagarava kunda enava kaiva amene?" ³⁶ Pigo Isu ute kamana avitegina mono namatasa eva yagara ga omitae," a kaekuru va puma kama titi po." ³⁷ Eva piya otate gina wasanaga akaniyo uimitae. Ige Pita ya, Jemis ya, Joni Jemis anando ige isando navagi pikiveye. ³⁸ Pigo igeva kanatae mono namatasa eva yagara ma ndamati, pigo eva avitipa igoma kamana uma mima kuwegave ena pumamitae. ³⁹ Eva nama pindi asu pasima piya uimitae,"nana ma ago raka tinda rapuma kuwe ena puma miye ye? Yagara ndo va kamba purin diye, eva awi witamindiye." ⁴⁰ Igeva kagi potatae. Piya vute gana, avei itategina anoke avake, to isi gege mite kina ke itae yagarando miti danmapindi. ⁴¹ Isu aragando ayata uri dana, maya utae, "Talita kum!" Amana gagarando, uga mue kaiva asiyo." ⁴² Avaga tagando, arando asima ke watae.( eva 12 wa kavu wagainda aragandoe ). Ava gando wa waya pani dami pute gini, tavera imu puwatae. ⁴³ Pigo Isu eva esegi kamna uimitae, to kaisa kina miva ma kamanape, a aviyo. Aindi Isu uimitae kaisa naninda ami gina aragando va nano.