¹ Neni Paulo' ki Timotio kisi Izesu' Kiristo' gonouve' minusiguti luhuvo gizo hulo Izesu' evenele'zuho Hilipi musu bola minada ido a'mida evene' mono' gondolo minavesi egi'to'luhuvo mene gizo nohulusive. ² O'moso'mi zou hogu ido gipele Izesu Kiristo' gelekele lengita minelive. O'moso oponi lomino lengikumu gele'lengemo muluneu nolize izo mino numuna lolengendo mina'nouve. ³ Ne O'moso oponi lomino lengikumu gelelengemo muluneu nolize izomino numuna lolengedo mina'nouve. ⁴ Gamenegamene lengikumu numuna lo mina nouvoni nene nolize izo numuna lo mina nouve. ⁵ Muluneu nolize namba izo mina nouve, lengi mono vomilati gilindi'dizi mini indise mesi ha gili nizangumu. ⁶ Nemulu'ne namba lengito neine'nene evene lengiku gono api'ive, nemo'nene ha'gono ndovo'ndovo' ogo neivo Izesu' Kiristo' gamene've soto ilive. ⁷ Lengi nene neni mulunelo minikevosa ne, emu'nene nolize ize lengema nouve. Lengikisi hamo'gonouve minunako ne-emu'nene galapusolo'minuhe indo heta minuhe. ⁸ Lengikumu' mulu'ne lengema' nouvoni'nene O'moso'mo neni' muluneu nigeneive. ⁹ Neni' nene numuna nololingiduvoni' nene evene' mulunde ngema' monovo nene lengi mulundinguko vo namba' namba ilive lo gelenouve. ¹⁰ Numuna nololingiduvoni'nene monovo lamine'ne'mo lengi mulundingu mine vai la-avo mini Izesu' aline gamenelo nene lengita golonduvo monovo minamilive. ¹¹ Indo numuna nololingiduvoni' nene monovo lamine'ne'mo lengi mulundiguko nene govi nosonite'ne'mino vai lo-ominivo evene' namba Izesu' Kiristo' nene lambana'vesi indo guli nambasi ogo hetelelive. ¹² Indo nenita nanite ukonela sota'ihe monigi gilinizave, ne'mo nene evene ni'zando mono gamazi nda evene'to davo longema aka ngolosive. ¹³ Ne'monovoloti'nene Roma'vetini solidiza nete nemu nigi giliminani' nene mo galapusove neive li nigiminaniza. ¹⁴ Ne uwonemote indo nakunemote nene O'moso'mi amuzo lamine' ngemavo ingisi golise gilami mono'amuzo goloso mili diminanive. ¹⁵ Evene'linge ma nene mulu'nigu goloso ominivo mono' lingimaha, mane mulunigu lamine' ominivo lingimani' indo evene' mulunigu lamine' ominivo lingimave nete nene. ¹⁶ Paulo'nimu nene mono, gamazi ne'mi gesi minave li giliminani. ¹⁷ Ingine gomu' luhuvo gizave nene ingine nene mulu'ine lamine' toti' gizami haza engikumu' gela monovo minivo gizani've, indo Paulo'nimu nene galapuso embeta minelinda nene mulunou goloso gelo mineliveli giliminisa luhuvo nene gizanive. ¹⁸ Indo' nadi' oneive? Ingi nene Izesu' nimu gamazi limili gosoho' lingimahe indo' gamazi lamine' lingimahe ne mulu'neu nolize namba izo nouve. ¹⁹ Indo neni gelenouvoni' nene lengi numuna nilandi'mo nene O'moso'mi Sikalahu' nemo hize, elevole onidivo galapusoloti' nene ha kuluhizelesuve lo gelenouve. ²⁰ Nanimuve, gamazi monovo ne'mino neive, neni' nene inite namba gelenouvoni' nene novoze ma-a helamuve, indo' evene namba Izesu'Kiristo amuzo nemo neni' muluneu amuzo molo neivo minendovo neni' helelohe indo ve'nesi minelohe. ²¹ Nela nene Izesu' Kiristo kisi makato' minendovo mino nela meni'ne ndonedo aloseive. ²² Indo ve'nesi hamineloni' nene aka zala volohe manigo gelamuve. ²³ Ti'iha neni' nene ve'nesi minelohe indo helelohe inte'namba nene okulumoku ndizo vokuvo Izesu' kiristo' kisi makato minelesive lo gelenouve. ²⁴ Indo ve'nesi hamineloni' nesi, nene mo-olamineve. ²⁵ Nanimuve neni' nene gele elevole onouvoni' nene venesi hamino gono ndondo vo mino alinge nene makato' lolize izelone lo gelenouve. ²⁶ Gamazi monovo namba nene alinge' Izesu' Kiristo' aline' gamene nene mukito lolize izelone. ²⁷ Lingitine nene mo Izesu' Kiristo gamazi'velo' ndi guni e'meta ani aleve nizavo alinge ma alohe amolohe a'minda ha lamine' e'meti nizave li linimavo geleminelove. ²⁸ Evene' lingine lovove lili ilingimi lizavemu' nene golise'ine gilamilo, alinge nene O'moso'mo ve-nine lopovo nite gisele seive, ti'iha lengi nene O'moso'mo ndo tine' mololengendeneine aleve nizanako Omoso'mi anau' minilisave. ²⁹ Ne-emu' nene mo-o Izesu' Kiristo'nimu nene gili haza ami mogili ele'vole igi minilo. ³⁰ Nanimuve lingi nene mo geni namba, nambau ndizilisave, neni' ukonelo igi mili ninindavo ni-nigani' ne'mino lingisi geni lingimilisave.