¹ Neni 'Juti' Izesu 'Kiristo' gonou'we 'Zemisi ' uwoloho neni' luhuvo gizo hulo legita nouwe, O'moso meteho' mo muluno ligimive indo' ogo asi loligidive, indo 'Kiristo ei' gizembo olegedelive. ² O'moso'mi zou hongu nasahilikisi indo' lelikumu giline'nene vo,namba ilive. ³ Neni' zuho gihileve, nezene O'moso'mo gono da'a avene luhuvo gizo lolengemekuvo gilielevole' igi diminilizave. ⁴ Nanite'kumuve evene'ma vovotingu mohaleki igi lingisi mo maka'nizave. Ne-eve'ne gomu'Polohete lite O'moso'mi gonito'ne ato'atoli'mine monovo indo' mulu'ine ota'a indo 'Izesu Kiristo'ni mehe'ine ima'a evene'nene vigoloso ilisave. ⁵ Indine gohi lolengemelove O'moso'mo evenele zuho Izipi embekuti' ndoheto'ogo gele'mizo anguti' gili,elevole' ama evene'nene ndogoloso ongindineve. ⁶ Indo Angelo' zuho O'moso'mo ngimine gono hulani nene seni nala' hukama ine' elevole' ogo mina'ine nala tunu nene ei O'moso'mo nalava izo nene hulogedeneivo goni' nambamu' gizembo nizave. ⁷ Sodomusi Gomolasi indo'o numuno namba'namba gahevela minani'kisi evene' goloso monovosi indo' golonduvo monovo lili' iga' avesi nene olo' lihizama'ine' olotunu' nene gizo lovote gendeleseive. ⁸ A'mine gidini ominine'nene evene'lengi vovotingu'nizani' evene' ukoine ndigoloso palasa igi mini Okulumoku Angelo'ngemega la'ave nesi O'moso'mo ndo goloso ongedeleseive. ⁹ Angelo' Maikolikisi indo sata'kisi Mose' helavo oko'nomu lovololize hizasine' gamenelo' nene O'mosomi Angelo'Maikoli' ei'nene gamazi lamo ei'O'moso'mo gamazi loemelive lo huline. ¹⁰ Indo'evene gamazi soza nilave muki' nene halekeneine' monovo nemo ndo goloso ongedeleseive. ¹¹ Mulumo gelegendelone, nanitekumu've Keni monovoloma indo Balamu' lihime monovo ogo moni dalosa ine'mamino lolo avesi indo Kola'Mosekisi lolize hizisa Kola'hiline'maminosa lihime ndi hililisave. ¹² Nene evene' nene noso garamungu' halekeneine'geheni ne'mine nizave, indo' govozo hilami nosonite' naba gizivata' igi golize izi limuso lapa,nomine' limuso ne'mino hepeli'mo huhulo dohuline' ne'mine igi nizave. Indo zagihile izesa'mine' za ne'mine igi nizave. indo evene' gamene seta hilikeni' evene' nemini nizave, indo' za kiselihulikeni' musumbo ne'mini nizave. ¹³ Ne evene'nene guvonoso huko eza,ema ogo dogopo ongedo guvonoso'mo pipia inite dogahevela do'o kegesine',ido-o amine evene'nene sonohi'okulumoto digese igi O'moso'mo litimuso nambau' hulongedawo amungu minewo'minewo' igi minilisave. ¹⁴ Inoku'nene Adamu a'vopilemo namba seveni soto ogavo, Polohete gamazi ti'lo line' nigilo O'moso venamba nene Angelo'lesi mukito okulumoto' alisave. ¹⁵ O'moso aline nene' evene eikumu gili elevole ami indo monovo golososi indo gamazi golosopalasa limili nizave nene goni' ongedeleseive. ¹⁶ Ne evene' nene gamazi vai'li evene ngemega gamazi li monovo golosolo' emeti indo gulive'ine ndihozili mina'nani indo inite' dalizani evenekisi'vo minisa inite ndogopo' napa ingida' nave. ¹⁷ Neneiho neni'akuno'ne zuho gihile lingi ne gohi gatine gililo, gomu'vomelati Izesu' Kiristo' gonou'vete gamazi gomu liligimani gamazima neneive. ¹⁸ Indo' ti'li lilingimani gamene avito iline gamene nene O'mosomi gamazi lamine'kumu nene gize zohi igi negi monovo'ine golosomalo e'metilisave. ¹⁹ Nemine evene nete gili elevole igi nizave nene mulu'ingu 'hizikevo vihuko eza ema igi lolize hizilisave. Nemine evene nene memusubou monovomo engiku vai' lavo O'moso'mi Sikalahu engiku nomine minilisave. ²⁰ Neiho neni akunone zuho gihileve langisetine O'moso'mi gamazi gihilelo' gili elevole igi indo O'moso'mi Sikalahu nemo numuna'la monovo nene lolengemelive. ²¹ Lingine O'moso'mo lengi kumu muluno lingimigu nene minimili indo O'moso'mo muluno lingimingu gizembo Izesu' Kiristo' minevominevo oga ndalingumu gizembo minelone. ²² Lingi nene evene gele elevole ani mo'hulikani evene kumu mulumo giligindilo. ²³ Minevominevo oloku nene vikelizeve lo longemo indo'o monovo lamine nene lihimelove nene gelembizo engi monovo ine emetamo indo'o genegane ine izamo mino hoto ogo minezo.Indo'o gene gane ine nene nigo lamine amozo. ²⁴ O'moso, nene gizembo lamine olengedeleseive. Lihime monovou limikilizave lo nemine ogavo nene gohi mino elevole igi ngolize engiku' vai loloseive. ²⁵ Omoso hamo nemo Izesu' Kiristo, gonololoti ndo tine mololendo ei nene inite' muki meleho mineleseive. Indinisesi, alingekisi eikovo minevo minevo ogo mineleseive, Lamineve.