¹ Nadoh nom Yesus Kristus rik na og Ahaat ma nanak nam pehne ma hamor oh gah rik nam ter'ed. Yesus Kristus na og terenmok doh nom Malaikat eh nam terloi ma hamar eh Yohanes. ² Yohanes na tehtuh chenbed Ahaat bok Yesus Kristus an ilok rik hoj nane nak. ³ Berkatilah ma sen'oi rik bebaca chenbed bok ten'el doh bok berkati hejek ma umnak rik kengyag bok no ilok rik umte'el an keloj nak, darah is eh hoj enyone. ⁴ Nom Yohanes ma kel tujuh jemaat rik mok an Asia. Berkat bok terenmaj mahyop nam nanak rik termok, rik hoj mok, bak rik namlaj jakal, nom ketujuh ruway rik mok an soy takhta lod nanak. ⁵ Bok nom Kristus, saksi rik ehudot, rik menlak nawog nom sen'oi kesbes bok berkuasa an beleg men raja an pag bumi. Nanak, rik bekalan bok na tesek ma'ek nom dos e'k nom lod nanak. ⁶ Bok hoj tersed ma'ek eh kub ney kerajaan, sen'oi rekyak_rekyak ma Ahaat bok dok eh, ma nanak nejmej bok kuasak sampei ma bilok! Amin. ⁷ Nehlah Yesus nalaj nom sagup, bok umne mananak geknak hejek rik um ceg'leg menanak, kenembek bangsak an park menwak jakal beyayap danak nanak. Hek nadoh akal nam cermeti Amin. ⁸ ''Yeak dohlah Alfa bok Omega, chenbed Ahaat rik mok rik hoj mok, bok rik jakal namlaj, rik bekuasa. ⁹ Yeak, Yohanes kawak rik kedkod ma senusah, keloj kerajaan, bok keloj se'ed, an keloj Yesus, nagelan pulau rik umde Patmos danak chenbed Ahaat bok senaksi Yesus. ¹⁰ Yeak na kuasa ei ruway Ahaat an is Ahaat, bok yi keyog kui sen'oi na peyoo nom kerek yeak gerek che nebhub. ¹¹ Rik tehtuh, ''te'el kambek rik nyap ne an keloj buku bok anted nadoh ma tujuh jemaat; Efesus, Smirna, Pergamus, Tiatira, Sardis, Filadelfia, bok Laodikia.'' ¹² Bok yeak jewar eimnee kui rik natehtuh mayeak, bil yeak eiwar, yeak einee tujuh jug dian emas. ¹³ Bok an gaged jug dian emas nak, yeak einee nei samak gerek kues sen'oi nalog jubah sod ma jug bok nei silang emas an daheg os. ¹⁴ Kui bok sog, Eh beyug gerek sog Domba, benyug salju; bok mad, eh gerek og na bag. ¹⁵ JUg eh nacelag gerek tembaga rik lengyug ankeloj os bok kui, eh gerek og na be'eg. ¹⁶ An teg yel. Eh na kuwap tujuh perley bk nom nyag_Eh na huwal juwaj penhej barnar mad, bok esik_Eh nacelag gerek mad is. ¹⁷ Bil yeak einee Nanak, yeak iekelok ma jug_ Nanak gerek sen'oi kesbes. bok, nanak nadol teg yel_eh ma yeak bok natuh, ''agok tug; yeaklah rik menlak bok rik sejsoj. ¹⁸ Bok rik Gesgos yeak hoj ei kebes, bok eineelah yeak eigos sampei bil_bil, bok yeak eikawap tunei kenbes bok tunei Hades. ¹⁹ Danak unak, te'el hal rik hoj nyop nee, bok hal rik termok pukdoh bok rik jakal nam terhad ma cenen eh. ²⁰ Udohlah kerendok ma hal tujuh perloy rik nyop nee a teg yel_yeak bok tujuh jug dian emas nak, tujuh perloy nak nam man Malaikat nom tujuh jemaat, bok tujuh jug dian enaklah tujuh jemaat.