¹ Pakasail odou sabat, Maria magdlena, Salome am Maria ina Yakobus inuoi nagalid ra tumu'u nandongot pamomopoi lo da bangkai ri Yesus. ² susuab narandom bonsoi nu odou nu minggu, mato nu odou sinumara'at noyo inuoi ra labanga'an. ³ Ilo minagu sangulun am sangulun ''Aun kie amaluir da vatu'' intor da tovon mupos da labanga'an gino ri taka?. ⁴ Suku ilo, ilaie nilo emarie, sino vatu mayo bonsoi, linuir noyo. ⁵ Kawie nilo inumpos ra danalo'om nu labanga'an gino am sambit ra pamiris ilo nakailong dono'okusoi mamulok nansauf ra kain apulak nanturung ra hino, ''ilo nakatikoh''. ⁶ Kusoi ambulok hino mindahu, paie mie pangkala! panaiyaan ku akau agayu'um ri Yesus ulun Nazaret inuma salipo li. yo kando ra hitu, yo linua'at noyo! Elaie mie nga! hitu nga intok namuloi ri yo. ⁷ Da dano makou ka am pasukuon mie aho hitu ra Ubason_ubason no, am ondo e Petrus Rahu kamie yo, nampangulu intor ramayun inoui ra Galelia. ra hino akau agilong ri yo, kono nga rahu nali yak ramuyun. ⁸ Kawie nilo sinumaliwan intor lovong am nagindu! ilo nakatikoh am nangkala. kawie nilo ka bagu ininagu aun_aun kaulun, ra la'a nilo ri. ⁹ Ka livos Yesus linumamat intor ra pataiyam ra susuab nu odou minggu, pangimuna'an no napailong ra inan no ri Maria Magdalena. (tulu inaning ala'at pinairu intor ra inan ri Maria). ¹⁰ Maria Magdalena inuoi napasuku ra aho ra rangan_rangan ri Yesus hotong nilo nahulir am antangi. ¹¹ Paat nilo nakaringoh ra Maria, nahu'ut, Yesus hino Aya'ah am Maria hino nakailong ri Yesus ilo ika mintopot. ¹² Ka livos hino Yesus napailong ra inan no ra ruo ulun ubason no ra pakunan bokon. bai hino nasauk pa'at nilo inakou muoi ra rondo pamahunan. ¹³ Livos hino ubason_ubason hiatu nnduli am namala ra bal hino ra ubason bokon, kulo ilo hino ika mintopot poyo. ¹⁴ Popor ra Yesus napailong ra inan no, ra dono'o ulun ubason no pa'at nilo, angaka'an, yo nambala risilo, ra ilo hino kakula ra intopot am ika akiningoh, suku ka mintopot ra uliton nu ulun napongoh nakailong riyo. Yo hino aya'ah. ¹⁵ Yesus minagu risilo kawie ''inuoi ka ra pila nu tana am porayolo rahu onsoi intor ra amangu'un ra kawie nu ulun. ¹⁶ ulun mintopot am rinorot yak muli ra kayaha'an kono ulun ika mintopot ino iso ukumon. ¹⁷ Kono ulun mintopot nakin ra tanua'an soro. ilo apairu ra inaning ala'at randalom nu inggalanku. ilo minagu ra rahu ika apanai'an. ¹⁸ Pa'at nilo amagason ra kuku'o ando atanga ra rasun, ilo ika akajamaat kono ra aruol po ilo amuyai ra ulun arualan, ulun hino apiha'a. ¹⁹ Ka livos Tuhan Yesus minagu risilo, yo sinumingkor ra Surga am nanturung ra sambit ra pamiris nu amangu'un. ²⁰ Ubason_ubason ri Yesus inakou aparayol ra rahu amangu'un ra aun yak intok. Amangu'un inaya, sumimpung ri silo am maya ra tanua'an_tanua'an hiatu yo anatanu poroyolon nilo hiano kapioh.