¹ Dakon, E Paulus, Apasuku da salam, da ulun nu negeri Galatia. Dakon linantik narari ra rasul nu Yesus Kristus Am Allah Ama taka, nanguma napakayah ri Yesus intor ra patayan dakon narari da rasul salaka angkuman da ulun am ondo pinarari nu ulun. ² Kawi nu pagaka Kristen da hitu maya apansuku da salam da ulun nu negeri Galatia. ³ Gino Allah Ama taka am amangu'un Yesus Kristus anaak damuyun da asi am kansaya'an. ⁴ Pakuaya'an yak apakayaah ri taka da bayah aila hitu, kristus nanaak da inan no amuso da sala_sala taka. Yo namaal da gino, yo maya da pelulu nu Amangun Ama taka. ⁵ Ansukon Amangun takula buyoi yak ''amin''. ⁶ Dakon asobob da bangsa muyun, Amangun na gipa da muyun gino ramat nu Kristus. ka kono masa adiwie, akau angiduan ri yo am maya ra aho bokon, sala intor ra Amangu'un. ⁷ Ka piyo_piyo no kjando aho onsoi bokon. dakon da muyun apa giuk_giuk da aho onsoi baal nu Kristus. ⁸ Kono akai, am Malaikat intor ra Surga, agaho da aho onsoi, ka agando da aho onsoi ina mai da muyun, ulun gino ukumon nu Amangu'un. ⁹ Akai napongoh noyo ininagu da pagulu, am daino dakon minagu poyoh, ulun agaho da aho onsoi ka agondo da aho onsoi naringoh muyun intor ramo, gama no daino ukumon nu Amangu'un. ¹⁰ Minagu kono daitu, agalung ki auh da insupin nu ulun?. kando no sino! dakon agalung da Amangu'un minagu da binaal ku sino kapio sino ki dakon mingkoto angumbu da pinyawoh nu ulun?. kono po dakon kono da gino dakon gitu sala bansukon di Kristus. ¹¹ Pagaka_pagaka ku, akau gino arus apanaai da oho onsoi inaho ku bokon ka intor da ulun. ¹² Dakon ka angkiningoh da aho intor da ulun kando ka dono po apatilu dakon. Yesus Kristus kebata inindagu da aho onsoi gitu dakon. ¹³ Akau gino nakaringoh koson da auh inumpos da ugama Yahudi, Akau apanaai koson nu laat ku ''Menganiaya'' da ulun nu Amangun, dakon namongoh ra kawi nu kotoh ku Amulus ri ilo. ¹⁴ Bayah ku sino sail, no intor risilo ulun Yahudi. nangondo dakon inaya, da ugama Yahudi, dakon inaya kapio da arat nu Akion taka. ¹⁵ Ramot no gino Amangun namili dakon da auh ka poyo inanaak am nagipoh dakon rumari da bansukan. ¹⁶ Amangun napailong da Anak no dakon, gino aho onsoi, koson nu anak_no da ulun sala Yahudi, paat gino dakon ka nakitaak ra bala ka sangulun po. ¹⁷ Dakon ka inuoi da Yerusalem, muoi lumiwol ri ilo ulun nampangulu narari da Rasul intor dakon. inuoi yak bagu auh da negeri Arab am nanduli da Damsyik. ¹⁸ Alapus talu taun bagu auh muoi ra Yerusalem Angimpun ri Petrus am mudong dio opor Apat odou. ¹⁹ Dakon ka tumiwol da Rasul_rasul bokon, Yakobus, pagaka nu Amangun. ²⁰ Aun binatikan ku gitu kapio, Amangun gino apanai, da auh ka ansaluk. ²¹ Livos gino dakon inuoi tabir_tabir nu siria am kilikia. ²² Paat gno ulun jemaa Kristian di negeri Yudea ka akaulieh dakon. ²³ Akaringoh yak ilo da ulun minagu!, ulun da pagulu agubong damon, daino angaho da kayahaan da pagulu iso nga amuso. ²⁴ Daino ilo Angasuk da Amangun pinakuan ku.