12 ¹ Laga, ora xtale mil binni gucuásaa que la? ne dede cadxelasaa lisaa ca la?, Bizulu Jesús gudxi nirudó ca discipulu xti: "Lagápa latu de ca levadura xti ca fariseu, ti naca ni hipocresía. ² Peru gaxti di ni dxii lu, ni qui za xhele lu ne gaxti ni nagachi ni guiruti zana. ³ Nga runi guinticasi didxa guiree ra nacahui la? zunadiaga cabe ni lu biani, ne ni guini ra diaga tuxha ndani yo' ra jmá nagachi la? ziu tu zani cani dede ique yo'. ⁴ Naa cayabe ca latu xhamigua ca, cadi guidxibi di tu cani nana gutisi, ne ra cá la ma qui gapa dica gaxtiru ni guni ca. ⁵ Huaxhape Naa zabe latu tuuca nga zanda guidxibi tu. Laguidxibi ni laa ora ma biti la? zanda gusaba latu ndani gabia'. Ya, Na cayabe ni latu, la guidxibi laabe. ⁶ ¿Qui ri do' gayu gorrion pur chupa moneda huini la? Nin tobi de lacame qui riánda neza lu' Diuxi. ⁷ Ne guiraa guicha ique ca nanabe panda ca. Laatu jmá risaca tu que xtale gorrion. ⁸ Na cayabe ca laatu, tu laa guinii de na neza lu'binni la?, Xiini' Hombre laca zanii de laa neza lu' ca ángel xti Diuxi, ⁹ huaxha tu laa ri'ni cadi xpine laa neza lu' binni guidxilayú la? laca zanié de que cadi xpine laa neza lu' ca ángel xti Diuxi. ¹⁰ Tuticasi laa guinii ti didxa luguiá Xiini'Hombre la? za xhiá ca donda xti, huaxha tu laa cu'di Espíritu Santo la? qui za xhiá di donda xti. ¹¹ Ora chi nee cabe laatu ca ra yudu huini neza lu' ca xha ique gudxi la?, cadi chu'di tu xizaa de xhimodo guinii tu pur latu, o chi guinii tu, ¹² purti ora ca Espíritu Santo zusiidi latu xhi guinii tu." ¹³ Oraque tobi de ca ni nuu lade guiraa binni que gudxhi Laabe: "Maistru gudxi biche guindaa ne icaa nia laa bia'ca ni bisaana ne bixhoze laadu. ¹⁴ Ná Jesús rabi laabe: "Hombre, ¿Tu laa bini ná juez o tu laa bizuhua ná lu xtidxa lu ya?" ¹⁵ Ne Laabe gudxi be laca: "Lagatana' ne lagapa latu de guiraa guenda ruyubi gapa bidxi, purti guendanabani xti binni la? cadi naca sini guiraa bidxichi napabe. ¹⁶ Ne oraque Jesús biui ne laacabe ti ejemplu, ne ná: Layú xti tobi hombre napa xtale bidxichi bidii xtlae lu'ni. ¹⁷ Gunii ique ne ná: '¿Xhi zanda gune, purti ma qui gapa diá lugar ra cua chahue guiraa ni bidii layú xtine ya? ¹⁸ Ne Laabe guniibe: 'Ndi nga ni chi gune. Na zuxhiaya ca troja xtine ne zuzaya xcadxi jmá naro'ba, ne ra cá zugua'chahue ca biidxi xtine ne cani napa. ¹⁹ Naa zabe guenda xtine: " Guenda, ma napu xtale ni naguchahui lu para xtale iza. Biziladxi, gudoo, güe, ne biéche." ²⁰ Huaxha Diuxi na: 'Binni huati, guela di zaquiñe guenda xtiu, ne ca ni lii ma gulu chahui lu ca, ¿Tu gaca xti cani?' ²¹ Zaca nga naca tuxha ni rapa ni risaca para laca laa ne qui gapa gaxti neza lu' Diuxi." ²² Ná Jesús rabi ca discipulu xti:" Nga runi cayabe ca laatu, cadi chu'di tu xhizaa pur guendanabani xti tu, xhi chi too to, o de cuerpu xtitu, xhi chi gacutu. ²³ Purti guendanabani la? jmá ni que guendaroo, ne cuerpu la? jmá ni que lari. ²⁴ qui rugú di came binii nin ca qui rindisa di came xhuba. Lacame qui gapadi came ra cú chahui came, huaxha Diuxi ru dii ni goo came. ¡Caxhape laatu jmá risaca tu que ca bigose ca! ²⁵ ¿Ne tu de latu runi guenda cayaca lugu zanda gudxiiba jmá iza lu guendanabani xti ya? ²⁶ Pa laatu quilica zanda gunitu xhixha ni jmá huini, ¿Xhi ñee ndi ru guu xha ique tu pur ca xcadxi pue?. ²⁷ Laguya ca xtaga béñe, xhimodo riale ca. Laaca qui runi ca dxiña, nin ca qui riguiiba ca. Salomon ne guiraa guenda nandxó ni pa qui nuzuchahui ca casi tobi de laatu. ²⁸ Pa Diuxi ruzu chahui ca guixi xti layú, ni nabani yana dxi, ne guixi' rusabi be laca lu bele, caxhape laatu qui guzuchahui be laatu, ¡oh laatu ni huaxhie napa fe!. ⁶ ¿Qui ri do' gayu gorrion pur chupa moneda huini la? Nin tobi de lacame qui riánda neza lu' Diuxi. ⁷ Ne guiraa guicha ique ca nanabe panda ca. Laatu jmá risaca tu que xtale gorrion. ³¹ Huaxha la guyubi guenda runi mandar xtibe, ne guiraa ca ndi za caa tu ca ni. ³² Cadi guidxibi tu, puñu huini de binni ca, purti Bixhoze tu guizaa napa gana gudii laatu guenda runi mandar xti. ³³ Lagu too ni napa tu ne lagudi cani ca ni qui gapa gaxti. Lagaca casi ra riu bidxichi ni que rioxho, casi tesoro iba' ni qui ri raa, ra nin ti gubaana qui za dxiña, ne nin ti bandaa qui guxhuxhe. ³⁴ Purti ra nu' ca tesoro xti la?, raca'ca ziu ladxidó ca. ³⁵ La gutopa lari yula xtitu ne la guladxi ni ra ndani tu, ne lagusana biani xtitu za' ca guii, ³⁶ ne lagaca casi ca binni ni ca'beza ca maistru xti ca guibigueta de ra guendaxhela ra zee, ti ora gueda be ne guxhidxi ná' be la? naguenda guxhele cabe puerta para laabe. ³⁷ Ne ziaba ndaya ca ni runi xhiña xpixuana ra guidxela be laca nexhená ca ora laabe gueda be. Dxandipe nga zabe laatu de que zugacu chahui be xhaba ca, zu cui be laca ti goo ca, ne zeda be ne zudibe laca ni goo ca ne ni guee ca. ³⁸ Ne pa laabe gueda be lu' galaa gueela o telayú ne guidxela be laca nexhená ca la?, zaca'ca ndaya. ³⁹ La ga'na ndi, pa ñana xpixuaana ti yoo ora gueda gubana ra lidxi la? laabe qui nu diidi be lugar ni ba'na ra liidxi be. ⁴⁰ Laatu laca lagataná, purti laatu qui gana di tu pora guedandá Xiini' Binni Gudxilayú."