¹ Naa´ ñu ladxe laatu´ yanda yapa xpía tu na´ lu´ cadxi guenda nahuatí. ¡Pe ru ne´ddeedxandi pe laatu´ ca yapa xpía tu naa´! ² Ti na pe´que rinayaa chu tu´ canaa laatu, napa guenda ridxichi stí Diuxi ne laatu´, de de dxi na´ ye naba laatu´ para uchagana tu´ ti xhela tu´, na´ bidie xtidxa guchiña laatu´ neza lu´ Cristo casi ti binni dxapa guiruti huagana´. ³ Na cadxibe chu xhixha, casi ca´ beenda´ que bisiguii Eva ne guenda neshena´ xti, ne cani ni rini xpíanitu´ ganda chinee´ laatu´ lu´ neeza cadí biazi zitu de gunitú xneza ne gacatu nayaa ra gusi saca tu´ Cristu. ⁴ Cua qui´pe ru´gueeda xtobi ne guiní de xti Jesús ní laanu´ruinu´de laa´. O cua quí pe ru´quica tu´ tí xquenda gadxe ní laatu´ jma gucuatu´. O cua qui pe nu´ laatu´ guicatu´ xtí didxa nacubí gadxe ní laatu´ ja gucuatu´. ¡Laatu´ la´ na bee pe´ rapa xpía tu´ ca ndi! ⁵ Tí na´riní ique´ cadi naca´ dia´ de´ ca´ ni jma nahuní laade ca ní na´naca tuxa ra naca apóstol. ⁶ Ne ca pe´ naa´ cadi bizi de diaa´ para gudie didxa, naa´ cadí cayadxa dí naa´ guiside luu guenda bianni . De tiru ne lu´guira xhixha, laadu´ la´ bididu´ ganna tu´ndí. ⁷ ¿Bichee´ naa´ ra gundete´ laaca´ na´ ti jma ganda laatu´ quinatu´ ? Tinaa´ biunue ña laatu´ didxa nacubi xti Diuxi sin ñaxa. ⁸ Naa´ gucuaa´ xti xcadxi yudu´, gunaaya´gugua´ ni bidí cabe naa´ ti ngada gune dxiña´ ne laatu´ . ⁹ Dxi naa´ guyua ne laatu´ que nuchiña. Tí guiraa´ ni biquiñe´ caa´biche ni beeda de Macedonia nga bidí ca ni naa´. Ne de guiraa´ ndi la´ huaya pa naa´ de cadi guchiña laatu´, ne zune´ rua´ zacaa´. ¹⁰ Ya que xa ni dxandi xtii Cristu la´ nuni luguiá ya´, guiraa´ guenda naroo ni cana guiniedi que susi ganicabe ni ndani guidxi Acaya. ¹¹ ¿Xhiñe? ¿Xhiñe´ quí yana´ xhiibe laca? Diuxi nga na na ní. ¹² Ne ni naa´ rune laa´, zune´ ruani, ti jma ganda gunduxe ni rinii ca ní nu´ luguiaya´ ne ni riníi ca be para gucha cabe guenda roo xticabe, de que guidxa laa cabe laaca dxiña cayuni nu´ ca´ cayuní cabe´. ¹³ Cand´di laa´cadí ndxandi apóstol laaca´ne ni riguite´ binni de que cayuni xíiña Diuxi. Cayuni si cabe casi ñaca cabe apóstol xti Cristu. ¹⁴ Huasha cani runí cabe ca´la´ jma que lica´ naca´tí guendaridxagayaa, ti de de neepe´ binidxaba´ runí laa´si ca tí ángel de biaani. ¹⁵ Cadí naca dí ní tí guendaridxagayaa´narcoba pa ca´ni runí xíiña be laaca´ runí lízaaca´ casi ca´ yaca ca´ ní runi dxiña xti guendarunixneza. Zeeda iluxebe´ ne zazacabe casi ca ca´dxinña bi níbe. ¹⁶ Naa´ rinie xti bieque´: Guirutí guiní ique´de que na ca´toni ni que unaa. Pe ru pa´ laatu´ guni tu´ ni la´, la´ guicaa naa´ casi toni ní que runaa tí jma ganda guchaya´cadxi guendanaroo xtine. ¹⁷ Ni naa´cante de ra´ naa´ naguixeluza cu chaya´guendanaioo xtí qui riu ladxi dí xa´ ique xtinu níi, huaxa na´ caníe tobi ni quí ríeene´. ¹⁸ Ti xtale binni rucha guendanaroo xti casi binni guidxilayu, naa´ laaca suchaya guendanaroo xtine. ¹⁹ Ti laatu´ ne xtale pe´ guendanayeche rapaa xpiatu´ ca ni quii rieene´, ¡runii cree tu´ de que laaca´ laatu´ nga nacatu´ ni nu´ xpíani! ²⁰ Tí laatu´rapa xpíatu´ tobí ni guca laatu´ gunitu´ dxiña para la´, ca si ñaca cayaabi be laatu´, ne ruxíi ca´ laatu´, pa laa´ ruya la´ jma dxiba que laatu´ ne pa laa´ rigapa xagatu´. ²¹ Naa´ sanie ne guendarituilu´xtale pe´ nayatí de que laanu´ guyunu´ para ñuninu´ ndí, ne neca pe´pa ñu´ tu´ nuchal guendanaroo, canie casi ti ní naa´ huatí, naal laaca´ zuchaya guendanaroo xtine. ²² ¿Naca cabe Hebreu la? Naa´ laaca. ¿Naca cabe de Israel la? Naa´ laaca. ¿Naca cabe xhiñi Abraham la? Naa´ laaca´. ²³ ¿Naca cabe ni runí xííña Cristu la´? (Naa´ canie casi toni ni gaxti xpiani). Naa jma rusii nacaa´ ní. Huayua´ ra binee dxiña jma nadipa´, ne xtale de ca´ralidxi guiba huayua´, ra gudiñe´cabe na´sin biatí, huadxelaza xtale ra´ naxoo xtíi guenda gutí. ²⁴ De ca´ Judíu la´ gucuaa´ gayuu bieque ca´ "chupu late gande cuartazu guire tobi lu´". Choona bieque´ bi diñe´ ne varaa. Ti bieque bichaa´ cabe guice na´. ²⁵ Choona bieque´ bilahua lu´ niza doo, gudide tí dxí ne ti gueela xhubalahua lu´ nizadoo. ²⁶ Gatiga huare´ guidxi zitu, huayua´ naxoo ne ca´ binni xquidxe, huayua naxoo laade ca´ binni cadí Judíu, huayua´ naxoo ndani guidxi, huayua´ naxoo lu´ desiertu´, huayua´ naxoo lu´ nizadoo, huayua naxoo la de ca ni ca dí dxandi runi cree Cristu. ²⁷ Na huayua lu´ dxiña na dipa ne naganaa, lu xtale gueep la biana que ñaze, guidide guenda rindana ne guenda ratí niza, xtale bieque que ñe ziadoru´, huayacananda´ne que ñapa laati ñacua. ²⁸ Ne de guiraa nga la, nuru zica ni cuxhíi naa´ guiraa dxi nu luguiaya´ de xizaa´ ni napa pur guna xhizee yu´du´. ²⁹ ¿Tun dí naca nayatí, ne naa´cadi naca nayatí lu? ¿Tu laa bisa ba cabe laa? Ne que zaquiba´ xiana ca naa´la? ³⁰ Pa naa´napa shi gudxiba laaca´ naa´, naa´zudxibaa´ laaca´ naa´ de ca ni naca ne ruluí de ca guenda nayatí xtine. ³¹ Diuxi ne bixhozé xa ique xtinu Jesús, ni laa´ rusi sa ca cabe de guira xhixhe dxi, ¡nanna de que que rusiguiedia! ³² Ndani guidxi Damascu, ne za ique xti yoo´ lahoí ne Rey Aretas nga xa ique xtibe ne cayapa be guidxi Damascu ti guina´ zbe naa´. ³³ Pe ru gundee´te cabe naa´ lu tí dxumí ne zaa tí ventana lu tí lindaa´ne naa´ bixhoñe de lu´naacá.