¹ jich yu'un kermanotak te ch'ultesbilexe, te ja'ex jun pajal ik'bilatik yu'un te kajwaltike. Nopa awayik ta swenta Jesús, te ja muk'ul wolwanej chol k'op sok te ja muk'ul sacerdote yu'un te bina ch'uunejtik ² Ja jun yot'an ta stojol Dios te ja tsaot yu'un, jich bit'il Moises te jun yot'an la yak sba abatinel ta sna te Diose ³ Melel te Jesús la yich' akbel bayal xan yutsilul-a te bit'il Moisese, jich bit'il te mach'a ya spas te wolna' ja ayxan ta albel yutsilal te bit'il te nae'. ⁴ Spisil te naetike ay mach'a spasoj, ja'uk me to te mach'a spasoj spisil ja te Diose. ⁵ Jich te Moisese jun yot'an la yak' sba ta abatinel la spisil ta sna te Diose. Ja la yalbey k'oplal te bitik ya yich alel ta pajel chawejw. ⁶ Ja'uk me to te Cristo ja nich'anil te ak'bil swentain te sna te Diose. Jo'otik ja snaotik k'oem, te me jun kot'antik yu'un te bek yipinej sok te smuk'ulinej kot'antik te stalel aye. ⁷ Ja swentail, te ch'ul Espiritu ya yal: '' YOTIK, TE ME AWAYBEYIK SK'OP, ⁸ MA ATULANTESIK TE AWOT'ANIKE JICH BIT'IL K'ALAL KONTRO'IWANEJ, TE K'ALAL YORA'IL TE YILJIBAL AWOT'ANIK TA TAKIN JOCHOL K'INALE. ⁹ JA' ITO TE K'ALAL LA STOY SBAIK TE XCHICH MAMIK YU'UN LA YILBONIK KOT'AN, SOK LA YILBONIK TE JKAT'EL CHAWINIK JAWIL. ¹⁰ JICH YU'UN, TE JO'ONE BOLOB JKOT'AN TA STOJOL TE STS'UMBALIKE. JO'ON LAJKAL: '' JAIK YAKIK TA JOWILAJEL TE YOT'ANIK. JA'IK MA SNABON TE BEETIK KU'UNE ¹¹ JA JICH K'OT TA PASEL TE BINA K'AXEL LA JKAL TE K'ALAL ILINONE: JA'IK MAYUK BI ORA X- OCHIK TA BAY ICH' LEWA JKU'UN''. ¹² Tsajteya me abaik, kermanotak, te ju'exe mayuk me mach'a k'ax ma lekuk yot'an ta swenta te ma sna k'inale te ot'anil te ya sk'esba lok'el ta stojol te Dios te kuxule. ¹³ Ja'uk me to, jechuk muk'tesbey abaik awot'anik ju jun k'aal, jich bit'il albil '' YOTIK'', jich me mayuk mach'a xtulna yot'an ta skaj te lolayel yu'un te mulile ¹⁴ Melel k'atbujutikix ta sjuy te Cristo, te me k'axel jun kak'otik kotantik ta stojol jich bit'il ta sjach'ibal ¹⁵ Ja ta swenta te jich albil jilel: '' YOTIK, TE ME AWAYBETIK STOJOL TE SK'OPE, MA ME TULANUK YA AWAK'IK TE AWOT'ANIKE JICH BIT'IL TA YORAIL KONTROINWANEJ''. ¹⁶ ¿ Mach'a te la yaybey stojol te sk'op te Diose sok ta patil la skontroinik? ¿ ma ba ja'ukik te mach'atik lok'ik tal ta Ejipto ta swenta te Moisés? ¹⁷ ¿Mach'atik-a te chawinik jawil ilinem te Dios ta stojolike? ¿ ma ba ja'uk ta stojol te mach'atik la sta smulik ta stojol te lajik jilel ta takin jochol k'anal? ¹⁸ ¿ Mach'atika te k'axel la yal te ma x-ochik ta ba te ich'lewa yu'une, ma ba ja'ukik te mach'atik la sk'axintayik mantal? ¹⁹ Le ya jkiltik te ma ju yu'unik ochel ta ba ich; lewa yu'un te kajwaltike ta skaj te ma la sk'anik xch'uunike.