¹ Ishi zyavomvilwe pa sabata lye uYesu ahajendaga mumugunda wa ngano, pe avasundikwa vakwe vahapululaga amatwe ga ngano, nukulya ingano. ² Loli vamu ava Falisayi vahati, ''Shoni she mukuvomba zimo zye zitali munkomelezyo ukuvomba pisiku lya sabata?''. ³ Pakuvamula avene, uYesu ahati, ''Mutavelenzile zye uDavidi ahavomba lwe ali ninzala, uwene na vantu ve vali nawope buwene? ⁴ Avazile munyumba ya Mulungu nukusenda umukate we aliko pe ahalya wumo, havili ahavapa wumo avantu ve ali navo ukuti valye, nanga vuli lwali luhoelezyo kuvaputi veka ukulya uwene.'' ⁵ Pe ahati kuvavo, ''Umwana wa muntu we wu Mwene wa sabata.'' ⁶ Zyavomvilwe pa sabata uwamwavo pe uYesu ahavala musinagogi nukumanyisya avantu mwemula- nu muntu ali mwemula we inyove yakwe indilo yumiye. ⁷ Avamanya kalata na vaFalisayi vahmwenyelezyaga mupipi ukwenya inga angamupozya wumo pa sabata, ukuti mwe vajile ishifukw sha kumulonjela uwene. ⁸ Nkandi uwene azimanyile zye vahasivililaga pe ahayanga kumuntu we inyove yuniye, ''Nyamuha pe wimilile ipa pakasi pavonti.'' Pe umuntu ahanyamula nukwimilila pala. ⁹ Uyesu ahati kuvavo, ''Nkuvavuzilizya imwe, lungava luhomelezyo pa sabata ukuvomba inyinza pamu ukuvomba imbivi, ukupoha uvulanzi pamu ukuvunanagania uvwene?'' ¹⁰ Pe ahenyelezya ukulivilila pa vavo vonti pe ahati ku muntu, ''Golosya inyove yaho,'' havomba sheshila, pe ninyove yakwe yihapola. ¹¹ Nkandi avene vizuye nuvuhlazu pe vahayanjilizyania uno nuwamwavo pashe vangavomba kwa Yesu. ¹² Zyavomvilwe munsiku zyezila pe avazile kwigamba ukuputa. Ahajendelela uvusiku vwonti ukuputa kwa Mulungu. ¹³ Lwe kushiye, ahavita avasundikwa vakwe kukwakwe, pe ahaseva avene 12, ve avisite havili ukuti vapositili. ¹⁴ Amazina gavapositili gamile uSimoni (we havili vahamwita uPeteli) nuwamwavo u Andileya, uYakobu, uYohani, uFilipu, uBalitolomayi, ¹⁵ uMatayi, Tomasi, uYakobu umwana wa Alufeyo, uSimoni we vahamwitaga uhayikungule, ¹⁶ uYuda umwana wa Yakobu, nu Yuda Isikaliyoti, we ahinza amwanila. ¹⁷ Pe uYesu ahiha muntende mwigamba poka navo pe vimiliye pavuyo uvutenganu poka nimpuga impiti iya vasundikwa vakwe ni mbazyo impiti iya vantu kufuma mu Yudeya na ku Yelusalemuna muluvazu mu Tile na mu-Sidoni. ¹⁸ Vinzile ukutejelezya kukwakwe nukupoziwa kumbina zyavo. Avantu ve vahayimbaga nimpepo imbivi vope vapozile. ¹⁹ Ali wonti mumpuga ahalwisyaga ukumulema uwene mulandu amaha gakupozya gahafumaga kunzi kufuma kuwuyo, pe ahavapozya vonti. ²⁰ Pe ahenyelezya pavasundikwa vakwe ahati, ''Mwe valotwa imwe mwe mwevapina, she ishinamwene sha Mulungu shinyu. ²¹ Mwe valotwa imwe mwe muli ninzala ishi, she muliyikuta. Mwe valotwa imwe mwe mukulila ishi, she muliseha. ²² Mwe valotwa imwe lwe avantu vakuvavenga imwe, havili lwe vakuvapagula imwe nukuvaliga imwe nukuhana izina lyinyu ukuva ngati mwe vavivi, shifukwa sha mwana wa muntu. ²³ Seshelaji mwisiku lila nukugovola ivya luseshelo, mulandu vwanalyoli muliva namalipilo amapiti kumwanya, she avanyenya vavo vavavomvile vunuvo avakuvwi. ²⁴ Nkandi ye mayiwe kwimwe mwe mwevadumbwe, she muposheleye nzila uvufwase vwinyu. ²⁵ Ye nayiwe kwimwe mwe mwikusi ishi, she muliva ninzala pantanzi. Ye mayiwe kwimwe mwe mukuseha ishi, she muliswimilimana havili mulilila. ²⁶ Ye mayiwe kwimwe lwe vonti avantu vakuvayanga ahinza imwe, she zyamile vunuvo kuvanyenya vavo she vahavombaga kuvakuvwi avilenga. ²⁷ ''Nkandi kuyanga kwimwe mwe mukuntejelezya, muvakundaje avalugu vinyu havili muvombaje inyinza kuvala ve vavaposite imwe. ²⁸ Muvalotaje vala ve vakuvatipa imwe havili muvaputile vala ve vakuvayimvya imwe. ²⁹ Kuwula we akukanza iwe kuludilo loka, umupe wuyo havili nulwamwavo. Inga wumo we akusenda ishizyaloshaho, utahamuhanile naye nkazu. ³⁰ Umupanje wonti we akulava iwe. Inga wumo akusenda shimo she shaho, utahamulavaje ukuti agalusyaje shenesho kukwaho. ³¹ She ukwanza avantu vakuvombele iwe, niwe uvavombelaje vunuvo vope. ³² Inga ukuvakunda vulo ve vakukunzite iwe, kwinza vuli vwe vui mwiwe? She navatalamalandu vakukunda vala ve vakuvakunda avene. ³³ Inga mukuvomba inyinza kuvantu ve vakuvomba inyinza kwimwe, vwinza vuli vwe vuli mwimwe? She navatalamalandu vakuvomba zinizyo. ³⁴ Inga mukuvazimya veka avantu ve mukusuvila ukuti valivagalushizya, vwinza vuli kukwinyu? Navatalamalandu vakuvazimya avatalamalandu, ukuti vavagalushizyaje inza vye vavapiye. ³⁵ Nkandi muvakunde avalugu vinyu havili muvombaje inyinza kuvavo. Muvazimye, mutasuvilaje nashimoishakugalusya, pe amalipilo ginyu galiva mapiti, havili muliva mwe vana va mulusyi, she uwene umwenesho ali nuvwila pa vevatakusalifya na vantu avavivi. ³⁶ Muvanje nuvwila, inza she uTata winyu ali nuvwila. ³⁷ Mutalogaje, pe nimwe mutalilongwa. Mutahasusyaje, pe nimwe vatalivasusya. Muvatetele avanji, pe nimwe mulitetelwa. ³⁸ Mupe, pe nimwe mulipelwa. Uvwinji uvwinza- uvusindile pansi, kuyingania poka havili shikulafuha- valiyitila pikopi lyinyu. She shilipimilwa havili nakukwaho.'' ³⁹ Pe ahavavuzya havili avene ishihoanio. ''Ishi umuntu utonko angalongozya umuntu utonko uwamwavo? Inga ahazivomba, pe vonti ve vavii vangagwila mushiliva, vuli vangapotwa? ⁴⁰ Umusundikwa te mupiti ukushila uanyisi wakwe, loli wonti we inga amanyila nkani aliholana numanyisi wakwe. ⁴¹ Shoni she ukwenya ahapato ahansi hehali mwilyinso lya wamwinyu, loli utakushenya ishikwi ishipiti sheshili mwilyinso lyaho? ⁴² Ungayanga vuluvuli kuwamwinyu, 'Wamwitu, leha nkwefye ahapato he hali mwilyinso lyaho,' lwe niwe wemwenesho utakushenya ishikwi ishipiti sheshili mwilyinso lyaho? We muluma ilenga! Wandile wefye ishikwi ishipiti sheshili mwilyinso lyaho, pe lelo uliyenya ahinza ukwefya ahapato ahansi hehali mwilyinso lya wamwinyu. ⁴³ She kutali ikwi ilyinza lye likuleta insanga imbivi, pamo ikwi ivivi lye likuleta nsanga inyinza. ⁴⁴ She ikwi lyonti likumanyikwa muhavele ha nsanga zye likuela. She avantu vtakuvunganiha amakunyu ukufuma kumimva gamuntundu, pamo vakuvunganiha amampensya kufuma muntolomvu. ⁴⁵ Umuntu umwinza kufuma muvusunzi vwakwe uvwinza uvwa mumoyo wakwe akufumya she shinza, numuntu umuvivi kufuma muvusunzi uvuvvivi uvwa moyo wakwe vukufumya she shivivi. She kufuma ⁴⁶ muvwinji vwe vuli mumoyo ilomo lyakwe likuyanga. ''Shoni she mukunita ine, 'Mwene, Mwene,'nashe mutakwivwila ivintu vye ine nkuyanga? ⁴⁷ Wonti umuntu we akwinza kukwane nukwivwa amazwi gane nukugivwila agene, inti mbavuzye imwe she aholine nash. ⁴⁸ Aholine nu muntu akuzenga inyumba, we ahabana ulufua ulwivizu nkan nukuzenga ulwalo lwa nyumba piyalavwe igomu. Lwe ukwizula kwa majenje kwinzile, amahava gahajenda ukuvushila inyumba yila loli gatahayiyingania iyene, shifukwa yazenzilwe ahinza. ⁴⁹ Nkandi umuntu we akwivwa amazwi gane loli atakugivwila agene, aholine nu muntu we azenzile inyumba pamwanya pitope atahala nulwalo. Lwe amahava gahajenda ukuvushila inyumba yila, naluvilo yihalepuha, nukumongonkana kwa nyumba yia kwasizile.''