¹ Pe u Peteli nu Yohani vahayangagaku vantu, avashiputo numusunga tempeli nava sadusayi vaha palamila kuvavo. ² Vahayimba nkani mulandu u Peteli nu Yohani vahamanyisyaga avantu nu kukumusya ukuzyuha kwa Yesu kufuma kuvafwe. ³ Pe vahavalema nukuvigalila mujele mpaka inzanchi, pakuti hali hamazuva. ⁴ Loli avinji avantu vevahivwa inongwa vahitiuha; pe imbazyo ya vanavuli veva hitiha yali 5,000. ⁵ Lwer kwasha inzanchi pe avahombe, na vasongo vashivanza, navasimbi vahavungana poka mu Yerusalemu. ⁶ Anasi uwa shiputo umupiti ali papo, nu Kayafa, nu Yohani, nu Alekizanda na vonti vevali vajenzi va washiputo umupiti. ⁷ Lwe vamuvisile u Peteli nu Yohani pa kasi pa livavo, vahavavuzya, ''Maha vuli, pamo mwizina vuli, mwa vomba izi?'' ⁸ Pe u Peteli, lwe ayizuye namaha ga mupepo umufinjile, ahati kulivavo, ''Mwe mahombe gavantu, namwe vasongo, ⁹ Inga tuli pa kulongwa ilelo ukuyana nivwinza vwevivonvilwe ku muntu umuvinu, namwe umuntu uno apolaje, ¹⁰ leha zimanyikwe ilelo kumwenti na mwenti mwe vantu va Yiusilayeli ukuti umuntu uno we ayimiliye palimwe apozile mwizina lya Yesu Chilisiti wa Nazareti, we muhamuhomela, loli we uMulungu ahamuzusya ku vafwe. ¹¹ Uyesu Chilisiti we livwe lye avazenzi vahalihana loli lye livwe lya panguto. ¹² ''Atalipo wumo uwunji uwa kutupoha, nizina tutali nalyo ilinji pansi na pamwanya lye lipeliwe kuvantu lye lingatupoha.'' ¹³ Ishi lwe vavwenyi uvujimvu vwa Peteli nu Yohani nukuzyaganya ukuti vantu vulo, ve vatamanyiye, vahasukumila, vahazyaganya ukuti u Peteli nu Yohani vahavanga nu Yesu. ¹⁴ Mulandu wakuti vaha mwenya jumuntu we ahapola ayimiliye navo, vataliu nashimo isha kuvasusya. ¹⁵ Lwe vavalamuye avapositili ukuti vepe muluvungano lwavo, vahayangana veka. ¹⁶ Vahati, ''Tuvombe shoni na vantu ava? Pakuti ishimanyilo isha kusukumizya shivomvilwe navo shimanyikwilwe navantu vonti ve v akwihala mu Yerusalemu; umu tutanga hana ishi. ¹⁷ ''Pakuti loli shitasate mu vantu, leha tuvasoshe ukuti vatahayangaje havili kuwumo mwizina ili.'' ¹⁸ Pe vahavita nu kuvahomeshezya ukuti vatahayangaje pamo uku manyisya mwizina lya Yesu. ¹⁹ Loli u Peteli nu Yohani vahamula vahati kuvavo, ''Amwe hinza ku m inso ga Mulungu ukuvivwila imwe pamo wuyo, mulonje mwemwe. ²⁰ Tutangaleha ukuyanga ivintu vye tuvivwenyinu kwivwa.'' ²¹ Lwe vajendeleye ukumusoha ju peteli nu Yohani, vahavaleshezya. vaha potwa ukushaga ishifukwa she vangavasundila, mulandu avantu vonti vaha mutimaga uMulungu kuzye zihavombwa. ²² Umuntu we aposheleye ishimanyilo sha kupola ali namaha kushila 40. ²³ Lwe vasatuliwe, Peteli nu Yohani vahinza kuvamwavo nu kuyanga zyonti zye avashiputo avapitina vasongo zye vayanzile kulivavo. ²⁴ Lwe vivuye zinizi, vahazuvya amazyi gavo nifundo yoka kwa Mulungu vahati, ''Mwene, uhapela imwanya ninsi nu sumbi, na vyonti vye vili mumo. ²⁵ Uhayanjila mwamupepo umufinjile ukujendela mwilomo lya muvomvi , utata u Davide, 'Shoni she insi zyavakunzi zikuhalipa, navantu vakusivilila vye vite nimbombo?'' ²⁶ Uhati, 'Ava mwene vamunsi vakuvunganaga poka, nava lamulili vakuvunganaga poka nuku muvishila umwene, nu Chilisiti wakwe.' ²⁷ Nalyoli, vonti Herodi nu Pontiyasi Pilati, poka navakunzi na vantu va Isilayeli, vahavungana poka munkaya nukumuvushila umuvomvi waho umufinjile u Yesu, we ahamupoha. ²⁸ Vahavungana poka ukuvomba zyonti zye inyove yaho nu lukasamo lwaho ukufuma hali ukuti zilivombwa. ²⁹ ''Ishi, Mwene, yenya pansoshi yavo nu kwitishizya ava vomvi waho ukuyanga izwi lyaho ukusita kuva nilyoga. ³⁰ Golosya inyove yaho ukupozya ni vimanyilo nivisukumizyo ukujendela mwizina lya muvomwi waho umufinjile u Yesu.'' ³¹ Lwe vapusite, uvuzilo vwe vavungine poka wonti ahayingana. Pe vonti vahizula na maha ga mupepo umufinjile nu kuyanga izyi lya Mulungu ukusita lyoga. ³² Imbazyo impiti ya vevahitiha vali va moyo woka numuzimu woka. Nawumo wahatinji shonti she ali nasho shakwe, loli vyonti vyali vya vonti. ³³ Namaha amapiti avapositili vahakumusya nukusimishizya uluzusyo lwa mwene u Yesu, nuvwila uvupiti vwali pa livavo vonti. ³⁴ Patali nawumo wahasovelyaga shimo, pakuti vonti ve vali namagunda pamo inyumba vahakazyaga nu kuleta indalama ukufuma ku vintu vye vahakazyaga. ³⁵ Nukuviha pavina vya vapositili, nukuku vwonti ukuyana nukusovedlwa kwavo. ³⁶ Yosefu, we ava positili vahamwitaga Balinaba, Mulevi, umuntu wafumile ku Ciyipulasi, ³⁷ Ahakazya umugunda we ali kuleta indalama nu kuviha pavinama vya vapositili.