¹ Ukufuma kwa songo ukuvala kumulindu umusevwa navana vakwe, wuyo we muganile muvwa nalyoli- tekuti nene neka, loli navonti ve vamumanyile uvwa nalyoli- ² Shifukwa sha vwanalyoli vwe vukusyelematilka muliswe vwe vuliva niswe shima. ³ Uvwila, nishisa, numutende wuliva niswe ukufuma kwa Mulungu uTata nukufuma kwa Yesu Chilisiti, umwana wa Tata, muvwa nalyoli na mulugano. ⁴ Nayeshela nkani she nazile vamo avana vaho vakujenda muvwa nalyoli, ngati mwe tuposheleye inkomelezyo izi ukufuma kwa Tata. ⁶ Shinishi nkulambilizya iwe, mayi- ntengati mwe nakusimbiye ulohomelezyo ulupya, nkandi lyoka lwe twali nalwo ukufuma kwe kuvwandilo- ukuti tugane woka nuwamwavo. ⁵ Ulu lwe lugano, ukuti tujende ukulandata munkomelezyo zyakwe. Ulu lwe luhomelezyo ngati she wivuye ukufuma ku vwandilo, ukuti mujendelaje muli lulo. ⁷ She avinji avaluma ilenga vajenzite ukuva munsi, ve vatakwitiha ukuti uYesu Chilisiti ayinza mu muvili wa muntu. Vanava ve valuma ilenga avapinga chilisiti. ⁸ Yenya we mwenesho ukuti utahataje ivintu vye twayikunguye loli ukuti muposhele amalipilo aminji. ⁹ Wonti we inga alongolela nukusita ukusyelematila mumanyisyo zya Chilisiti watenu Mulungu. Uno wenga akusyelematila mumanyisyo, unonye we alinavo vonti vuTana numwana. ¹⁰ Inga wumo akwinza kukwinyu shisita kuleta imanyisyo zinizi, mutahinze mumuposhele wenewo munyumba zyinyu mutahinze mulamuhaje wenewo. ¹¹ She wenga akuyanga ululamuho kukwakwe we akuva mulilani mumbombo zyakwe imbivi. ¹² Ndinazyo inyinji izyakuvasimbila imwe, loli ntaganile ukusimba zyenezyo poka nipepala ni inki. Nashenga, ndili nulusuvilo ukwinza kwimwe nukuyanga paminso na paminso, ukuti uluseshelo lwitu luve lwa kwizula. ¹³ Avana vamuyemba waho umusaliwa vakukulamuha iwe.