¹ Munzila ino, imwe mwemwe vashi muyisyaje kuvalume vinyu. Muvombaje izi nashe inga vamo avanavuli vatakwivwila izwi, vahondeye vahopwaje kwambula izwi, nkandi ukujendela munkalo zya vashi vavo. ² Ukuva vakuyenyezya veka naminso gavo ukuyana numushinzi winyu, ahavele ahazelu. ³ Vitavombwaje nahavoneshele ahakunzi ngati ukutava insinsi, nutumeho twa golide, pamo nukuzyala kwa payo. ⁴ Nkandi, leha zivombwaje nutwa mukasi mumoyo, nukuyemba kwa vumalilo ukwa vopole numupepo wa vupumaje, she shapamwanya pantanzi pa Mulungu. ⁵ Pakuti izi zye avantanda avafinjile hali vevali nulusuvilo mwa Mulungu vahayiyemva veka, pakuyisya kuvalume vavo. ⁶ Munzila ino, u Sara ahamwivwila u Abulahamu nukumwitizya wenewo mwene wakwe. Ishi mwe vana vakwe inga mukuvomba inyinza nape inga mutakunyila amayimba. ⁷ Vwe vali voka, nimwe vanavuli mwihalaje navashi vinyu umwakuvamanyinsania, ukuva valuvilo iviyeyevazu, umwantanda. Muvapanje umushinzi ukuva vamwinyu pakupyana uvwila uvwa vulanzi. Muvombaje izi ukuti imputo zyinyu zitahandindilaje. ⁸ Isha vumalilo, imwe mwenti, muve insivo zyoka, nukupelelana uvwila, nukuganana pa vwanamuntu, numoyo uwalugano, nukuyisya. ⁹ Mutagalushizyaje ishivivi pa shivivi pamo ululigo paluligo. Umwapayo, mujendelele ukusaya, shifukwa shishishe muhitishiziwa, pakuti mupyane uvulote ¹⁰ ''Uno we akwanza ukugana uvulanzi nukwenya insiku inyinza we ahondeye aluleshe ululimi lwakwe ukufuma kumbivi namalomo gakwe ukufuma ukuyanga ilenga. ¹¹ Leha ayepe ukufuma kuvye vivivi nukuvomba nukuvomba inyinza. Leha ulondole umutende nukumwaga wenewo. ¹² Aminso ga Mwene gakwenya pavagolosu, namakutwi gakwe gakwivwza imputo zyavo. Loli isheni sha Mwene shikuvinduha kuve vakuvomba imbivi.'' ¹³ Wunanu we angavananga imwe inga mukuyula ukuvomba inyinza? ¹⁴ Loli inga mayimba shifukwa sha vugolosu, mwe valotwa. Mutahanyilaje vye vakunyila. Mutahayimbaje. ¹⁵ Muvuyo vwane, mumusavule u Mwene u Chilisiti mumoyo ginyu ukuva mufinjile. ahavalilo honti muvanje vakuyisengania ukuyipa pakwamula inga vakuvavuzilizya izya lusuvilo lwe mulinalo. Vomba zinizi nuvutelefu numushinzi. ¹⁶ Muve ninyenyezyo inyinza ukuti inga avantu ve vakuvalinga imwe kuvulanzi uvwinza mwa Chilisiti vapeziwaje insoni lwe vakuvayanga imwe havili ukuva ngati mwe vavomba imbivi. ¹⁷ Hinza, inga shingava kwanza kwa Mulungu, ukuti mukuyimba pakuvomba inyinza ukulusya ukuvomba imbivi. ¹⁸ U Chilisiti ahayimba lyoka pambivi. Wula we mugolosu ahatuyimbila iswe, swe vasita vugolosu, ukuti atulete iswe kwa Mulungu. Ahagogwa kumuvili, loli ahava mulanzi mwamupepo. ¹⁹ Mwamupepo, ahavala ukulumbilila kumazimu ge gali kuvukungwa. ²⁰ Vatahivwila pe ukuteshila kwa Mulungu kuhagulililaga amasiku ga Nowa, mumasiku aga nkuzenga imbogoso nu Mulungu ahapoha avantu vansi- 8 amazimu- munzila iya minzi. ²¹ Ishi she shali shiholanio shakozelwa kwe kukuvapoha imwe ishi- te kozya uvunyazu vwa mumuvili, loli shakwandushila kunyenyezyo inyinza kwa Mulungu- ukujendela mukuzyuha kwa Yesu Kirisitu. ²² U Chilisiti ali kunyove iya kundilo iya Mulungu. Ahavala kumwanya. avahavizya, uvulamulili, na maha gahondeye ukupelwa kukwakwe.