¹ Yeso ma ribe uzirgi umyei ma kafa ma ha anipin nume me. ² A dusa, a ehn me in unu koni uwijo utihihira maa rari upenge. sa Yeso ma ira uhem uwe me, ma gun in unu ukoni uwijo utihihira me, "vana, wuza apuru arum a kpico we madini ma we me." ³ Are anu nyittike wa gu acece awe me, "Unu uge me ma zini usiziki me." ⁴ Yeso ma rusi imum besa waa basa amuriba mu we, ma gun we, "Barki nyanini izinu ubasa imum iburi amuriba mushi me? ⁵ Nyanini iteki inu sheu, 'agu a kpico madini mawe me, 'nani, 'hira dusa'? ⁶ In nyara i rusi vana unu ma zin unu bari sa ma dake ma kpici madini uneh,... " ma gun in unu ukoni uwijo utihihira, "Hira, zika upenge uwe me, udusa akura." ⁷ Unu me ma hiri ma dusa akura ame. ⁸ Sa ni gura na ira ani me wa kunna biyau , wa nonzuko Asere sa ma nya anu usandi unu ubari ugino me. ⁹ Sa Yeso ma re aje in tanu ma iri uye sa a gusan me Matiyu ma ciki udanga u kabsa ikirfi i manyanga . Ma gun me "tarsam", ma hiri ma tarsi me. ¹⁰ Sa Yeso ma zin a re imum yare a kura, anu kabsa ikirfi i manyanga nan anu cara ababga gbardang wa eh wa cukuno nan me nan anu tarsa ume me. ¹¹ Sa anu bezi urusa wa ira ani me, wa gun anu tarsa ume me nyanini ya wunna unu dungara ushi me ma zin nare imum yare nan anu kabsa ikirfi i manyanga nan anu carsa abanga ni? ¹² Sa Yeso ma kunna ani me, ma gu, "Anu a tikoni wani wa nyarsa uka inzo anu ahuma ba. ¹³ Hana ni ika nyara urusa imum me sa ma buki shi, ' In nyara iriba ineze inzo u nya imum ba' Russani ma aye barki anu usizikime inzo barki anu sa wa mu kem ba.'' ¹⁴ Abini me anu tarsa u Yuhana unu batisma wa eh a hira a Yeso wa iki me "Nyanini ya wunna haru nan anu bezi urusa ti canti anyo, anu tarsa uwe me wa da wuza ba. ¹⁵ Yeso ma kabirka ma gun we " iriba inyani itiyon ida ke i curno me a ma nyani matiyon me nan we? Tiye ti ehze sa adi ziki manyani ma tiyon me a ceki we. A bini me ani wadi ribe ucenti anyo. ¹⁶ Unu ma da ke ma wuzi ubarka udibi ukusu in nitira ni so ba, u barka me udi janika udibi me, u janika kang u aki wa aje me. ¹⁷ Ba de sa ma di wu uwangu uso anyimo a niru nikuzu, ingi ma a wunna ni aru me adi tuza, uwangu me u kponko, akuri a curso me. Idi wu u ri, wa wu uwangu uso awu uni aru aso. Ani me a bura vat kare me.'' ¹⁸ Sa Yeso ma ra anyimo u boo uwe timumu tige me, ure unu aje anabu ma eh ma tunguno me. Ma gu, "Uca um ma ru u wono, aye tara tuwe ame, ma di hiri." ¹⁹ Yeso nan anu tarsa ume me wa hiri wa tarsi me. ²⁰ A bini me, uneh sa ma kem tiwe belum unu koni u kpongizo u maye, ma dari me udibi a dumo. ²¹ Ma mu hem iriba ime, ''Ingi ma dara me udibi ume me indi huma. ²² Yeso ma gamirka ma iri me, ma gun me, "Nata iruba iwe me uca, uhem uwe me wa human hu" abini me uneh me ma huma uganiya ugino me. ²³ Sa Yeso ma hana akura una katuma me, ma kem anu murso mi ishuruwa nan anu unu gbejere. ²⁴ Ma gu, ''Hirani aba me,uca me ma zin moro mani daki ma wono ba. wa zunzuka me in bi izi. ²⁵ Sa ma gido we ma ribe ma meki uca me tari, ma hiri. ²⁶ Abanga me a samirka vat a manganga me. ²⁷ Sa Yeso ma ceki ahira me, arubo wa re wa tarsi unu tisa ume inikara "Usam u Dauda kunna u goggoni uru". ²⁸ Sa Yeso ma ribe akura me, arubo wa tarsi me. Yeso ma gun we "Ya hem in da ke i wuzi imum ige me?'' wa kabirka "Ee, Ugomo Asere.'' ²⁹ Ba Yeso ma dari aje a we me ma gun, "Adi human shi barki u hem ushi me". ³⁰ Abini me aje awe me a pokkino, Yeso ma hunguko we titui ma gu, "Kati i buki uye ba. ³¹ Sa wa suro wa samirka a banga me vat a manyanga me. ³² Sa anu ware wa gino me wa dusa, a ehn uye sa ugbergene ma karti me tizi. ³³ Sa asuso ugbergene me ba ubabana ma buki tize. Anu sa wa gurna ahira me waa kunna biyau wa tubi gusa, "Daki ta mu ira ana me anyimo Isarila ba". ³⁴ Anu bezi urusa wa gusi "Insho in nikara ni ugomo agbergene nini ma suzo agnergene me ni.'' ³⁵ Yeso maa kase tipinpin nan agigiro.Unu dungara ati denge ti nigura nuwe, unu boo abanga atigomo ta Asere, nan unu humza in tikoni nan uzatu u nihuma sassas. ³⁶ Abini me sa ma ira nigura, ma kunna ugogoni uwe barki ijasse sa wazin inu sa me muriba mu kuri mu wu we seke. Waa zi kasi itam me sa izo me unu unu utarsa ba. ³⁷ Ma gun ina anu tarsa ume me "katuma ka ori, ana katuma me wazi cing. ³⁸ Barki ani me muntuno ni i iki ugomo u orso me, ma tuburko in anu akatuma wa eh wa orso me ni".