¹ Uganiya ugino me uni, Hiridus una tigomo maa kunna abanga a yeso. ² Ma gun in anrere ame me Yuhana unu batisma mani, a hirza me anyimo amukizi, ine ini ya wunna ma zin unu bezi timumu ti ubari. ³ Sa Hiridus ma meki yuhana, ma tirzizi me, ma soki me udenge unirere barki hirudiya, uneh uhenu u filibus. ⁴ Barki sa maa buki me, ''Ida rizi me ma wuzi anya nan me ba usuro u, inko utize. ⁵ Hiridus ma nyari uhuna ume, ma kunna biyau barki sa anu wa ziki me unu kurzuzo utize ta Asere mani. ⁶ Sa uwui uyoo u `Hiridus wa kete, uca u Hirudiya ma wuzi morso anyimo anu Hiridus ma kunna urunta kang. ⁷ Ma inki me tize nan itono agi ma di nya me vat imum be sa ma iko. ⁸ A'ino me ma gun unu uca me, ma nya me nice ni yuhana unu uzorso anu a'ana me anyimo uparanti. ⁹ Ugomo ma wu apuru abit, barki itono sa mamu wuza anyimo anu ma gu a anya me. ¹⁰ Ma tuburko udenge unirere me a ha aka yoro nice ni yuhana. ¹¹ A ehn nice me asesere uparanti a nya uca me maka nya a ino me. ¹² Anu tarsa ume me waa eh, wa ziki ikizi me wa vatti, sa wa mara wa, wa ha waka buka yeso. ¹³ Sa yeso ma kunna ani me ma ribe uhungu umyei ma keti a are hira sa ma di cukuno insisi me. Anu ati pinpin sassas wa tarsi me atibuna. ¹⁴ Sa ma tuno uzirgi me ma iri anu wa orno gbardang ma kunna ugogoni uwe ma humzan are anu a tikoni. ¹⁵ Sa uwunjoro wa wuna anu manza ume me, wa ka kem me wa gun, aba me nija ni ni, uwui wa mara ceki anu wa ka nyara ace awe imum yare ati hihira wa kpi imu yare bari ace awe.'' ¹⁶ Yeso ma gu, "Daki ya cukuno gbas wa dusa ba, Daki ma ira masaa ma tanu tuwe ba, nya ni we ire imum wa ri." ¹⁷ Wa gun me ubiredi unu cibi uni ti zini nan icere ini ire cas. ¹⁸ Yeso ma gu nyani mi. ¹⁹ Yeso ma gun ni'ori me wa cukuno ati kpe. Ma ziki uboredi unu cibi nan icere ini ire me, ma yeze aje asesere ma ringirka ma pussi ubirodi me ma nya anu tarsa ume me wa nya ni'ori na anu me. ²⁰ Vat wa ri wa tii, wa ori ukasi me u myinca mugira ukirau in mure. ²¹ Anu sa wa ri wa biki madubu ucibi (5,000) ahana aruma, sarki aneh nan ahana . ²² Abini me, ma wu anu tarsa ume me wa ribe uhungu u myei, wa dusa aje ame me a nire nikira, ma sabi ma gun we wa dusa. ²³ Sa ma gunna in nigori ni dusa ma nyene ani pana in nice nume u wunna u biringara. Ahira abe a me abini me isisi ime. ²⁴ Uganiya me sa uhungu me wa biki atii uraba udandang, ibarka imyei unu zuro uhungu me, upebu in nishina nan we. ²⁵ In azumo ataru a niye wa iri yeso ma haka asesere a myei me, tantu aye ukem uwe. ²⁶ Sa anu tarsa ume me wa ira me in tanu asesere a myei wa kunna biyau wa gu, "Imoli ini," barki biyau wa wu uhunu. ²⁷ Yeso ma buki we tize dibe-dibe ma gun we, "Katti i kunna biyau ba in mani natani muriba." ²⁸ Bitrus ma kabirka ma gun me, "Ingi hu mani Ugomo Asere wunna in eh i kem we asesere amyei me. ²⁹ Yeso ma gun me, "Aye." Sa Bitrus ma suro anyimo uhungu me, ma tunguno tanu asesere amyei tantu ka kem u yeso. ³⁰ Sa Bitrus ma ira upebu me, ma kunna biyau. Ma tubi upirsa ma wu uhunu ma gu, ''Ugomo Asere buram." ³¹ Yeso ma witi tari, dibedibe ma meki me ma gun me, ''Hu unu hem ucing nyanini ya wunna we uhara iriba? Sa yeso nan Bitrus wa ribe uhungu me, upebu me u tunno. ³³ Anu tarsa ume wa nonzo Yeso wa gun me, "Kadundure hu vana Asere mani." ³⁴ Sa wa kafa wa tu amanyanga mu janasarat. ³⁵ Sa ana nipin me wa rusa yeso mani, wa tumi vat anu amanyaga me a ehzi in anu atikoni. ³⁶ Wa iki me ca ma hem wa dari udibi ume me, vat de sa maa dari ma huma.