¹ Rono igino me yeso maa suri akura me,ma ha ma ka cukuno anikira ni uraba udan-dang. ² Nigura ni anu gbardang ni orno ahira ame, ma ribe uhungu u myei ma cukuno ni. Nigura me ni turi upingaru uraba me. ³ Ba Yeso Ma buu we timumum gbardang in tize ta nyimo, ma gu, "Uye ma ha a tibira. ⁴ Maa ra anyimo ucobo isana ire isana irizi una, i nying i tingi ini. ⁵ Ire irizi upambara sarki manyanga. Isuri memmerum. ⁶ Sa uwui wa nyene i nami iwu lau iwiji. ⁷ Ire i rizi anyimo ikana, ikana i gbinciri ini. ⁸ Ire i rizi a manyanga mariri,iwu biho, ire akem mareu ma akuri ukirau, ire akuri utasi, ire akuri ataru. ⁹ Vat una titui tu kunna ma kunna." ¹⁰ Anu tarsa ume me wa eh, wa gun in Yeso, "Nyani ya wunna uzin inu boo unigura me tize ta anyimo tige me?" ¹¹ Ma kabirka we ma gu, "A hem shi i rusi apuru a tigomo ta Asere, daki we ba. ¹² Barki unu imum ake akinki me ni ma kem gbardang. Unu dira adi kabi ini ahira ame. ¹³ Ine ini ya wunna in boo tize in tize ta anyimo: Vat inu hira me, daki wa ira ba; nan ukunna me daki wa tinka ba, ¹⁴ A hira awe me ani u kurzo u tize ti Ishaya ta myinca tige sa ta guna, 'Anyimo u kunna idida tinka shi ba. Anyimo uhira idi hiri ida ira shi ba. ¹⁵ Barki anime muriba ma anu age me ma wuna mareu, wa wu gbas ahira ukunna, wa kuri wa impi aje awe me barki kati wa iri ina aje awe me ba nani wa kunna in titui tuwe me, nani wa tinka in muriba mu we me bati wa gamirka in human we.' ¹⁶ Aringirka aje ashi me, barki sa ira; nan titui tishi me barki ti kunna. ¹⁷ In boo shi kadure, anu kurzuzo utize nan anu alau wa nyari wa hiri timum sa shi ya iri tini, wa ye daki wa iri ba. Wa nyari wa kunna timum sa shi ya kunna daki wa kunnna tini ba. ¹⁸ kunna ni tize ta anyimo ti unu utibira. ¹⁹ Vat ingi uye ma kunna tize ti Ugomo Asere daki ma tinka tini ba, unu uburi ma eh ma buri imum be sa abira anyimo iriba ime me. Ine ini isana sa ya rizi una. ²⁰ I gebe sa ya a biri abipambara ine ini unu sa ma kunna utize debe- debe ukaba me ukaba me in na puru arum. ²¹ Vat in anime ma zo me intiji tu tonno ba ma ka tonno a kuganiya cing. inki uzito nan ijasi wa aye barki tize ta Asere ama rizi. ²² Ige sa ya rizo anyimo ikana, ine ini debe sa ma kunna nigurang ni Asere barki urunta unee nan uranga abanga ukem upatti tize ta Asere ma cukuno sarki u nya imum. ²³ Ige be sa abiri amanyanga ma huma me mani unu me sa ma kunna nigurang ni Asere ma tinka nini. Ya kinki ma nya biho, ire ace a nyinza akuri ukirau, are kasi sa abiri ani, ire akuri utasi ugbardang me.'' ²⁴ Yeso ma ehen we in tire tize ti anyimo, ma gu, "Adi batti tigomo ta Asere nan unu be sa ma cofo isana iriri uruu ume. ²⁵ Sa anu wa rari in timoro, oroni ishina ume me ma suri ma ha maka coffo isana i ure ukpe sas anyimo i alkama me, ma dusa. ²⁶ Ti bira me ti hiri nigo me, ukpe cangi u bezi nice ni uni. ²⁷ Arere unu akura me wa eh wa gun me 'Unu kura, isana igino me daki ya rizi ba? Ane ni ya wunna upwe?' ²⁸ Ma gun. 'we u roni ishina mani ma wuza katuma ka gino me; Arere me wa gun me, ani tika kara ti orii?' ²⁹ Ma gun we, 'Uhm-uhm. kati ahira ukara me ikari nan bisana me nan tini. ³⁰ Cekini in uzi nigo me uhana uganiya uwesi, "Indi buki anu wesi me wa suso ukpe me sas wa tirzi tini atiri- atiri a punsi, bi hoo me a wu ukere.'"'' ³¹ Ba Yeso ehn we in tire tize ti anyimo atize, ma gu, "Tigomo ta zesere tizi kasi bihoo bi biwing, sa uye ma ha maka bira uruu ume. ³² Bihoo bige me bine bibi bicing anyimo a bisana, inki ya una, ike i aki matiti. Ike cukuno utiti, sa inying ya zesere ike i bari masu iri me." ³³ Yeso ma kuri ma buki we tize ti anyimo atize ma gu, "Tigomo ta zezsere ti zi kasi uyisti uni, uge be sa ure unee ma ziki mu ina mu alkama muso mutaru ma duri vat mamari." ³⁴ Vat yeso ma buu ni'ori me tize anyimo tize; daki bu we imum ba senke ini tize anyimo atize. ³⁵ Barki imum be sa unu u kurzuzo u tize ta Asere maa buki i cukuno kadure, sa maa gu, "Indi poki anyo am in tize anyimo a tize in buki timumum sa tizi nihunzi dati utuba unee." ³⁶ Ba Yeso ma ceki ni ori me ma ribe akura. Anu manza ume me wa eh ahira ame me wa gu, "Be zi duru tize anyimo tize ti tikpe anyimo uruu. ³⁷ Yeso ma kabirka we ma gu, "Unu cobo isana iriri igino me me mani vana unu. ³⁸ Uruu me unee uni; isana iriri igino me, we wani ahana ati gomo ta Asere. Tikpe tine tini ahana unu uburi. ³⁹ Debe sa ma coffi isana igino me, unu buri mani. Uganiya uwesi bisana me une uni umara unee, anu wesi me we wani ibe ikadura kasere. ⁴⁰ Barki anime, Kasi gusi sa a ori tikpe a punsi unu ura ane ani idi cukuno umara unee. ⁴¹ Vana unu ma di tumi i beu ikadura kame, wa di orso timum bi sa ti ehzen madini akura tigomo nan disa wa wuza imum iburi adi suso we amatara. ⁴² Wa di reki we anyimo nibukur ni ura. wa di shizi wa rumzi ahini. ⁴³ Abine ani anu wuza imum ihuma wa di nya masaa kasi uwui akura atigomo ti acoo uwe me. ca una titui tu kunna ma kunna. ⁴⁴ Tigomo ta Asesere kasi ukem uni sa uhunzi anyimo uruu. Unu ma kem a ma hunze uni ni, a ma dusa in apuru arum, ma ka ziza timumum time me ma kpi uruu meni. ⁴⁵ Ane ani adi bati tigomo ta sessere kasi unu kem mani, sa ma nyara apoo akel-kel u ira. ⁴⁶ Sa ma kem nipo ni kel-kel ni'indai nu ira ni kadure, ma haka ziza timumum timeme vat ma kpi uni ni. ⁴⁷ Anime ani adi bati tigomo ta sessere nan ikalli sa a reki anyimo niwing nidang, ikuri i orso timumum sas-sas. ⁴⁸ Sa ya myinca, anu a mahurba wa hunguko ini uhana anikira ni niwing me. ⁴⁹ Ane ani idi cukuno umara unee. Ibe i kadura ka Asere wadi eh, wa suso anu aburi anyimo anu kadure. ⁵⁰ Wa di reki we anyimo anibukur ni ura , ahira sa wa di shizi unu rumza ahini. ⁵¹ Ya rusa timumum tige me vati?'' Anu manza u Yeso wa gun me, "Ee". ⁵² Yeso Ma gun we, "Vat anu nyettike sa ma cukuno unu tarsa u tigomo ta sessere, kasi unu akura sa ma suso imumum ikuzu nan isoo anyimo ahira ati inso tume me." ⁵³ Abine me Sa yeso ma mara tize anyimo tize, ma hiri ma ceki ahira me. ⁵⁴ Ba Yeso ma ribe a manyanga mame me ma dunguri we udenge u beringara buwe me. Barki anime imumum i biyau i meki we wa gu, "Abani unu uge me ma kem urusa uge me anime nan ubezi ubari? ⁵⁵ Unu uge me daki vana unu asiba agino mani ba? Azo a'ino mani atisa me Maremu? Azo anuhenu ume wani yakubu, Isubu, Saminu, nan yahuza ba? ⁵⁶ Azo anuhenu a'eh ame wani tizi nigo me nan we ba? Abani unu uge me ma kem timumum tige me ana me?" ⁵⁷ Wa cari muriba barki me. Ba Yeso magun in we, ''Unu u kurzuzzo tize ta Asere ma da kenzi me ninonzo anipin nume me nani anuhenu ume me. ⁵⁸ Daki ma wuzi imum u ira gbardang abine me ba, barki u zatu uhem uwe.