¹ Unyettike u tiza ti bisana bi Yeso, vana u Dauda, vana u Ibrahim. ² Ibrahim maa yoo Ishaku, Ishaku ma yoo Yakubu, Yakubu ma yoo Yahuda, nan anuhenu ume me. ³ Yahuda me mani maa yoo Larisa nan Zaraha nan Farisa, usuro u Tamar, Farisa ma yoo Hasruna, Hasruna ma yoo Aram. ⁴ Aram ma yoo Aminadab, Aminadab ma yoo Nashon , Nashon ma yoo Salman. ⁵ Salman ma yoo Bo'aza usuro u Rahab. Bo'aza ma yoo Obida usuro u Rut, Obida ma yoo Yesse. ⁶ Yesse ma yoo Dauda ugomo, Dauda ma yoo Sulemanu desa a'ino me mani unee u Uriya. ⁷ Sulemanu ma yoo Rehoboulam, Rehoboulam ma yoo Abiya, Abiya ma yoo Asa. ⁸ Asa ma yoo Yehoshafat, Yehoshafat ma yoo Yoram, Yoram ma yoo Azariya. ⁹ Azariya me mani mazi acoo a Yotam, Yotam ma yoo Ahas ma yoo Hezekiya. ¹⁰ Hezekiya ma yoo Manassa, Manassa ma yoo Amon, Amon ma yoo Yosiya. ¹¹ Yosiya ma yoo Yakoniya nan anuhenu ume. ¹² Uganiya sa a ziki we u hana u Babila, ba Yakoniya ma yoo Sheyaltiyel, sheyeltiyel ma yoo Zarubabel. ¹³ Zarubabel ma yoo Abihudu, Abihudu ma yoo Eliyakim, Eliyakim ma yoo Azuro. ¹⁴ Azuro ma yoo Suduku, Suduku ma yoo Akimu, Akimu ma yoo Aliyidu. ¹⁵ Aliyudu ma yoo Ele'azara, Ele'azara ma yoo Matana, Matana ma yoo Yakubu. ¹⁶ Yakubu ma yoo Isubu uruma' u Maryamu desa ma yoo Yeso, sa atisa me unu bura. ¹⁷ Vat bisana bi Ibrahim uhana u Dauda bisana kanu kirau in ka nazi . Usuro u Dauda u'inta uwe uhana in uwe u Babila me, bisana ukirau inkani ka nazi kani, u inta uwe u Babila uhana unu bura bisana ukirau in kani ka nazi. ¹⁸ Uyoo u Yeso waa zi gusi ana, sa Isubu maa zin in tinyari ti Maryamu a i'no a Yeso, adaza sarki uzika ume, a iri me ma tonno u suro u bibe bi Asere. ¹⁹ Uruma ume Isubu unu mani sheu si, da maa nyari ma nya me mu'i aje anu, ma ziki iriba ime madi harzina nan me in nihunzi. ²⁰ Sa maa ra anyimo ubasa imum me, vana u kadura bi Ugomo Asere ma eh a hira ame a tiroo, bi gu, "Isubu vana Dauda kati u kunna biyau bi uzika uneh uwe Maryamu, barki apuru a gino bibe bilau bini" ²¹ Ma di yoo vana udi nya me niza Yeso barki me mani ma di buri anu ame a madini." ²² Vat ani me yaa kem, barki a myinca imum be sa a buki anyo unu kurzuzo tize ta Asere agi, ²³ "Ira kubura ku di kem apuru, ku yoo vana, adi nya me niza Immanuwel" - bi nyo bi niza me Asere azi nan haru." ²⁴ Sa Isubu ma zuma amoro, ma tarsi tize ti bibe bi kadura kasere ma ziki uneh ume. ²⁵ Abini me daki ma rusi nipum nume ba, ma nya me niza Yeso.