¹ Ceki vat ande sa wazi arere ana nyimo ure una wa iri anka co uweme barki wake ninonzo, wa wuzi anime barki kati wa cori tize ta Asere nan nu bezizi tize. ² Arere be sa wazin akacobe sa warusa kadura kati wa izi barki we nihenu nini, anyo ani me, wa wuzi we katuma unu muntu, abanna me aka co me sa wazin na re maroo maka tuma ka we me anu tarsa utize ta Asere tini, anu uhem ucani, bezizi ukuri ukuri usuzo timumu. ³ In ki ya cukuno uya ma dungara ire imum sas daki ma hem unu bezizi udert ba, agino me tize ti Ugomo Asere Yeso Ugomo Asere, azinu basa daki wa kabirka unu bezizi uge sa uhaza anyimo a nipum ba. ⁴ Unu ugino me unu yezi u nice nini, ma kuri marusa ire imum ba. Senke, anyo ani me, mazin hinguko nan matara kang ahira a tize. Tize tigino me ti ehzen in ni eru, nan kagura, nan tizogo, nan basa imum I buri. ⁵ Nan uzatu uticukum ti huma ati anabu anu a muriba mu buri. Wa ga we kadure. wa basa uguna utarsa Asere una uwuna ikirfi uni"Suso ace anyimo timumum tigino me. ⁶ Ana me utarsa Asere nan u inko u nice imum iriri ini. ⁷ Barki daki ta ehn in imum unee ba. Nani ti dake ti suri anyimo a uni in ire imum ba. ⁸ Anyo anime,ca ti tii in imum yare nan tirunga. ⁹ Ande sa nya wa cukuno ani mam wadi rizii anyimo umassa, anyimo ani barda, wadi rizizi ati mummu ti babbana in gmei maje mukunna iwono nan koya imumsa anabu wadi ribe anyimo ucorno me nan ni wono. ¹⁰ Abanna me, nyara ikirfi une ini koniya ni tin ni imum izenze, are anu ahira unyara ikirfi waceki kadura, wa huguko acce awe apuru abit, gbardang. ¹¹ Abanna hume, una Asere, suma tinummu tigino tarsa iriba iriba iriri, utarsa Asere, imum iriri, uhem, utira iriba, nan u benki. ¹² Zito ni, uzito me sa udi ehn shi ure aje akadura, umeki ivai izatu umara, azezsere imum igino me ini wa bezi aje anu gbardang nan ni mumbe sa ireze. ¹³ Inzin nya uwe tize aje Ugomo-Asere unu gesame mani ma humzan inti mummu, nan naje Ugomo-Asere Yeso, unugesa ma buki kadura ahira Bilatus una nu bunti. ¹⁴ Tarsa uinko utize rep, imum ucana utize izoni ahira ashime uye Ugomo-Asere Yeso Ugomo-Asere. ¹⁵ Asere madi bezi u aye umeme rep uganiya Asere, unya anyo, ubari in sisinme, ugomo sa ma zin intigomo, Ugomo-Asere una tigomo. ¹⁶ Memani cas unu zatiiwono, una ticukum anyimo masaa be za ada haza me uburu mani uye mada hira mani ba, nyani marusi ugunkino umani, tinanu ta bezi ahira ameme nan tigomo tizatu umara, Icukuno-Anime. ¹⁷ Buka anu ukem anyimo unee kati wa yeze ace ba, kati wa inki iriba ikirfi sa wazi ni ba imarsa, anyo anime, wa inki iriba iwe ahira Asere unu uge sa ma nyinzan duru timumum ti kadure barki ukunna urunta uru. ¹⁸ Buka we wa wuzi imum ihuma wa wu ikirfi ahira akatuma kariri wa, cukuno anu nyinza me iriba ka inde. ¹⁹ Abine ani wadi inki ace aweme nitini niriri azezsere imumnbe sa i ehze barki wa kabi uvenke unikara. ²⁰ Timoti, tonno azezsere imum be sa a nya we, suma piit in tize ti babbana nan matara mage sa ma coro acece tige sa agusa ni urusa umoco. ²¹ Are anu wa boo tize tigino me barki anime wa sesserke u hem ukadura, ceki uronta ucukuno nigo nan hu.