¹ Barki ani me imum in tuba iyenne, in zin ni kuri wuzan nikuri nan biringara, nan u wuza u biringara barki anabu vat, wan u bezi apuru arum ahira anabu vat. ² Barki agomo wan vat ana atigomo, barki ti wuzi ticukum ti urunta nan ticukum ti unee mang anyimo a ticukum ti Asere nan ugongong. ³ Agino me a rezi nan u kaba ahira Asere unu bura uru. ⁴ Ma ma nyara vat anabu wa kem ubura, wa ha urusa ukadure. ⁵ Barki Asere a inde ani, desa ma rani ati me unu inde mani, ati Asere nan unubu, unu ugino me Ugomo Yeso kiristi mani. ⁶ Ma nya nice nume me barki ma buri konde avi, barki ubuka utize uganiya me rep. ⁷ Barki agino imum me, awu mi nice nimum in cukuno una kadura, kadura kani imbo, azo mocico mani ba, mi unu beze utize ahira ande sa wa tame tize ti Asere anyimo u inko iriba nan kadure. ⁸ Barki anime, in nyara ahana aruma sa wa ra konde aba wa wuzi biringara, wa kuri wa yeze tari ti lau azesere daki nigo nan ni iriba iburi nan matara ba. ⁹ Ane ani, in nyara aneh wa soki tirunga be sa ta wuna, nan uzu uge be sa wa wuna uri inu meki, kati wa cukuno anu pizo ace nani na azumo awal-wal nani na bal-bal nani tirunga ti kirfi. ¹⁰ In nyara wa soki tirunga be sa ta wuna aneh be sa wa rani anyimo anipum ni Asere ahira uwuza tihara ti riri. ¹¹ Uneh ma manza anyimo utuzo unice anyimo u kaba imum vat. ¹² Daki ma nya uguna vana u e ma dungari nani ma bezi ubari azesere avana uruma ba, abanna ma cukuno unu tik. ¹³ Adamu mani atubi ubara ume, adi ku barka Hauwa'u. ¹⁴ Daki Adamu mani arangi me ba, abanna vanu e mani arangi me anyimo ucara abanga. ¹⁵ Vat anime, ma di kem ubura ahira uyoozo ahana inki ware aje anyimo u inko iriba, nan u hem nan u lau nan urusa.