¹ Ya wuna uri a zikin duru ana ani, gusi arere Ugomo ASere wan anu inta utize tini hunzi ta Asere. ² Agino me a nyara anu a kadura kame me wa cukuno anu zati u madini. ³ Abanna me ahira am, imum icing ini i wuzam tize tini kubu, nani a nire ni kubu ni dang, abanna mi indake in wuzi nice num tize tini kubu. ⁴ Intam nani a busa tire tize anice num, mi daki ma bezi nice num unu guna inzom in madini ba, Ugomo Asere mani unu wuza um tize tini kubu. ⁵ Barki anime, kati i weki tize tini kubu uganiya uda, Asere um aye, indi pogizo vat tirurunga sa ti ra amare. Ma kuri ma burko utirza u timumum a muriba, abine ani ma di kem nonziko ahira Ugomo Asere. ⁶ Anuhenu,ma gamirka utize tige me in nice num nan ka pollos barki shi, barki usuro uru i di manza masaa ma utize give me, unu guna ana, ''Kati i akki, imum be sa anyettike.'' Ya cukuno uguna kati uye anyimo ashi me ma bezi uguna mateki uye anyimo ashi me. ⁷ Abanna me aveni ma ira usas ushi me nan aye? Nyanini izini ige be sa daki a nyanki shi ini ba? Inki a nyanki shi ini nyanini ya wuna i zinu tiri igiri kasi daki anya shi ini ba? ⁸ Ya mu kem imum be sa I nyara! Ya mu cukuno anu kem! Ya mu tuba bezi tigomo-abana sarki nigo nan haru! Ane ani, unyara iruba im, barki ti wuzi tigomo nigo nan shi. ⁹ Ubasa um haru ahana a kadura, Ugomo Asere sokin duru a nigo na dumo kasi anabu sa a weki we tize a nikubu ti huna. Ta cukuno imum ahira aje unee, ahana a katuma ka Asere, uhana anabu. ¹⁰ Ta cukuno anu zatu urusa imum barki Ugomo Asere, abanna me shi anu urusa wani anyimo Ugomo Asere, haru anu siziki me wani, shi anu a nikara wani, a zome unu hira uru anyo iri imum, shi benne anu adandang. ¹¹ U aye uge uganiya me, ti zin ni ikomo nan niwe ni myei anu zatu uti runga ti riri, ta sa utira uzenzeng, ta kuri ta cukuno sarki tikura. ¹² Ta wuza matum kang, tizin in katuma in tari tiru uganiya sa a jorkon duru, ti wuza biringara bi rere, uganiya s ti zin nu kunna apum ti ke tiri iruba. ¹³ Uganiya sa azogizo duru ti bo tize anyimo anyinza utize tu cukuno, ahira agino a zikan tironga ti unee s kobo ti zi zenzen ti madini. ¹⁴ Daki ma nyettike timumum tige me barki in nya shi mu e, ane ani barki ni wuzi shi ubarka gusi ahana be sa wa raa iruba im. ¹⁵ Inka izi nanu inta anu akure ukirau anyimo Asere, izo shi aka acco gbardang, abanna ni ma cukuno Yeso Ugomo Asere unu bezi utize ta ASere. ¹⁶ Barki anime in tisa shi i cukuno gusi mime. ¹⁷ Ine ini ma tuma timoti ahira ashi me unu hem ina nu, unu kaba anu anyimo Ugomo Asere, in ringi shi tinna me antimo Ugomo Asere kusi ubezi utize sa in bezizi anyimo ti denge. ¹⁸ Ana me aye a shi me wa cukuno unu tiri igiri wa wuza gusi in da hanan ahira aweme. ¹⁹ Indi e ahira me azo unu dadankino, inki Ugomo Asere ma hem, abini me ani indi rosi tize tanu tiri ubi giri, indi kuri in iri nikara ni wome. ²⁰ Abanna me, ti Gomo ta Asere azo tize tini cas tizi abanna me ta cukuno in nikara. ²¹ Nyani i nyara? In e ahira ashime unu impo amaru nyani unu hem nayni in bibe bitize bi ruba isheu.