¹ Bulus, unu uge sa Yeso ma titi me barki ma cukuno udura wa Asere usuro u bibeu ba Asere nan uhenu uru satanis. ² Uhana anu tarsa Asere sa wa rani u korinti, u Hana ande be sa a kpico we anyimo Yeso Ugomo Asere, ande sa atita we wa cukuno anu alau.Ta kuri ta nyettike uhana ahira ande sa wa tisa niza ni Yeso Ugomo Asere kondi aya ahira, Asere awe me nan aru. ³ Imum iriri nan iruba isheu ya Asere ugomo u suro Ugomo Asere Yeso acoo i cukuno nigo nan shi. ⁴ In zin shi in ni ruba irom, barki imum irere be sa ma nya shi usuro Ugomo Asere Yeso. ⁵ Ani mani atina sasas mawuna shi ukem watu uti ze nanu rusa vat. ⁶ Kasi, sa abezi urusa uru amasaa abanga Ugomo Asere anyimo ashi me. ⁷ Ani me i zon shi inu nyanki u bibe bilau sa I zin ube u aye vana Ugomo Asere Yeso. ⁸ Ma di kuri ma nya shi nikara uhana ibinani, barki i cukuno sarki imum iburi rono u aye vana Ugomo Asere Yeso. ⁹ Asere ma zin in uhem, sa ma tita a nigo ni vana ume me, Yeso unu bura. ¹⁰ In zinu tira ushi tari nihenu barki nizani Ugomo Asere Yeso ma gu, ca tize shi me ti cukuno ti inde, kati iharzina acece, ca i ori ace ashi me ahira a inde, iriba ishi me inde ugamara utize tishi me ti inde. ¹¹ Barki ya cukunom kanang, nihenu, anu akura a Kuluwi wa bukim in guna uharzina wa ribe acece ashi me. ¹² Imum besa sa in boo me ine ini, konde avi ma zin tize sasas unu gusa, "Me u Bulus mani," "Mi wa Afollos mani," nani "Mi ukefas mani," nani, "Mi ugomo Asere mani. ¹³ Ugomo Asere ma harzina? A gankirka Bulus barki shi? a zoro shi anyimo a niza ni Bulus? ¹⁴ Ma wuna Ugomo Asere apuru arum barki daki ma soro uye anyimo ashi ba, senke kiribus wan Gayus. ¹⁵ Barki ani ani uye ma dake ma gu azoro me anyimo a niza num. ¹⁶ (Ma kuri in zoro anu akura a Istifanus. ingi ya aka ani me inde tam nani maa uye ba.) ¹⁷ Daki Yeso ma tumum uguna in zorso anu ba senke in buu tize ti Asere.Daki ma tumum in buu agurang inu rusa ununba, barki kati adiri urusa ugongong ugankirka u Yeso. ¹⁸ Kadura Ku gankirka ibabana ahiran de sa wa meki una iwono, ahira ande sa Asere a bura, nikara ni Asere nini. ¹⁹ Barki anyettike anyimo atize, "In di cari ujinjing wa anu urusa. In pati urusa wa anu ajinjing." ²² A Yahudawa wa nyari wa iri iremum a helenawa wakure wa nyari urosa. ²³ Haru be tizinu bezezi tize ti Ugomo Asere sa ma wee a zesere utiti imum be sa imumu upulko ahira ma Yahudawa mumu ibabbana ini adebesa wa zo we ma yahudawa ba. ²² A Yahudawa wa nyari wa iri iremum a helenawa wakure wa nyari urosa. ²³ Haru be tizinu bezezi tize ti Ugomo Asere sa ma wee a zesere utiti imum be sa imumu upulko ahira ma Yahudawa mumu ibabbana ini adebesa wa zo we ma yahudawa ba. ²⁴ Me Ugomo Asere una nikara mani unu urusa abanga ameme ahira ande sa a titi we, nani we Ayahudawa wani? ²⁵ Barki sa Hira imum be sa Ugomo Asere ma wuza gusi ibabba ini, iyenne iteki urosa unobu, imumbesa a bassa nisizziki me nini na sere iteki vat nikara nu nubo. ²⁶ Nihenu rigin uganiya sa matiti shi angilin ini anyimo ashi me, anu wa cing wani wa inta makpanku ma dandang anyimo ashime anyimo awe me cingilin ini wazi ahana ara a dandang. ²⁷ Ineni Ugomo Asere maka ma zanka imumbe sa anabu waka wahiri ini kasi ibabba na ini, barki manya anu urusa mu eh Asere ma zawa imum be anu une a wahiri kasi masiziki me ini, barki ma nya una nikara mu eh. ²⁸ Imum besa anu wa cira izome imum iriri ba nani izome ikatuma ba nani izome iri mum be sa izo me ikatuma nani izo me imum izati u ira ine ini Asere ma hira ini iriri ini ma busi imum besa wa hiri i tekin unu gangang. ²⁹ Asere awuzi anime barki unubu mani kati ma gu ma tiki nikara ni Asere. ³⁰ Barki imum be sa Asere a wuzi, ana me i ra anyimo a Yeso vana Asere, sa ma ehn haru in u rusa ahira Asere. Ma cukuno duru unu rusa ahira ame me ani ta kem ukaba wa anu ukpijo nan ubura. ³¹ Barki ani me vat de be sa tira bigiri i niza ni Ugomo Asere, imum be sa izi cas.