¹ ۔ تیرا محبُوب کہاں گیا ؟ اَے تُو جو عورتوں میں خُوبصُورت ترین ہَے۔ تیرا محبُوب کِس طرف نِکلا؟ تاکہ ہم اُسے تیرے ساتھ ڈُھونڈیں۔ ² ۔ میرا محبُوب اپنے باغ میں۔ بَلسان کی کیاریاں کی طرف گیا۔ تاکہ باغوں میں چَرائے۔ اَور سوسن جمع کرے۔ ³ ۔ مَیں اپنے محبُوب کی ہُوں اَور میرا محُبوب میرا ہَے۔ وہ سوسنوں کے درمیان چَراتا ہَے۔ پانچویں غزل ⁴ ۔ اَے میری محبُوبہ ! کنعان کے شہر کی طرح جمیلہ ہَے۔ اَور یُروشلیِمؔ کی طرح خُوش منظر۔ ⁵ ۔ اپنی آنکھیں میری طرف سے پھیر لے۔ کیونکہ وہ مُجھے مغلُوب کرتی ہَیں۔ تیرے بال بکریوں کے گلّے کی مانند ہَیں۔ جو جِلعادؔ سے اُترتی ہوں۔ ⁶ ۔تیرے دانت بھیڑوں کے گلّے کے مانند ہَیں۔ جو نہا کر نکِلی ہوں۔ اُن میں سے ہر ایک کا تَوام ہَے۔ اَور ایک بھی اُس سے محُروم نہیں۔ ⁷ ۔ تیرے رُخسار تیرے نِقاب کے نیچے نِصف نِصف انار کی مانند ہَیں۔ ⁸ ۔رانیاں ساٹھ ہَیں۔ زنانِ مَدخُولہ اَسی۔ اَور کُنواریاں بے شُمار۔ ⁹ ۔ لیکن میری کبوُتری ۔میری کامِلہ بے نظیرہَے۔ وہ اپنی ماں کی اکیلی بیٹی۔ اَور اپنی والد ہ کی لاڈلی ہَے۔ لڑکیوں نے اُسے دیکھا اَور مُبارّک کہا۔ رانیوں اَور زنان حرموں نے اُس کی تعریف کی۔ ¹⁰ ۔کون ہَے یہ جو فَجر کی طرح نِکل آتی ہَے۔ جو چاند کی مانند حسینہ۔ اَور آفتاب کی طرح روشن اَور صف آرافوج کی مِثل ہَو لناک ہَے۔ ¹¹ ۔ مَیں اَخروٹوں کے باغ میں گیا۔ تاکہ وادی کی کلیوں پر نظر کرُوں۔ اَور دیکھوں کہ آیا تاک میں غُنچے اَور انار میں پھُول نِکلے ہیں یا نہیں۔ ¹² ۔مُجھے خبر نہیں۔۔۔میری جان نے مُجھے اُمرا ء کی رتھوں پر چڑھا دِیا۔