78 ¹² هو کارایِ عجیبی کی خدا اوشَأنِ پئرانِ چومِ جولو، مصر و سرزمینِ صوعَن میَأن انجام بده بو. ¹³ خدا دریایِ سرخَ وَأشکافت و آبانَ حصارِ مَأنستَأن به پا بدَأشت، تا اوشَأن دریا میَأنِ جَه دوَأرد. ¹⁴ روزِ دورون اوشَأنَ اَبرِ اَمرَه راهنمایی بوکود و شبِ رِه آتشِ روشنایی اَمرَه. ¹⁵ بیابانِ میَأن صخره یانَ وَأشکافت و آب بیرون بأورد و اوشَأنَ بوخورانه. ¹⁶ اون، صخره جَه چشمه بوجود بأورد و آب، رودخانه مَأنستَأن روانَ بوست. ¹⁷ ولی اوشَأن نسبت به خدای مُتعال گوناه بوکودد و بیابانِ میَأن اونِ جَه فرمان نوبوردد. ¹⁸ خوشَأنِ دیلِ میَأن خدایَ امتحان بوکودد و اونِ جَه غذایی خوشَأنِ میل مطابق بخَأستد. ¹⁹ و بر ضدِ خدا گب بزد و بوگوفتد: آیا خدا تَأنه اَ بیایبانِ میَأن اَمرِه غذا تهیه بوکونه؟ ²⁰ دوروسته کی اون صخره یَ بزَه و اَمی وَسی آب تهیه بوکود و زمینِ رو روانَ کود، ولی آیا تَأنه نان و گوشت هم خو قؤمِ رِه حاضرَه کونه؟ ²¹ وختی خدا اَ شکایتَ بیشتَأوست عصبانی بوبُست و اونِ غضبِ آتش، یعقوبِ رِه روشنَ بوست و اسرائیلِ رِه شعله ور بوبُست. ²² چون خدایَ ایمان نَأوردد و اونِ نجاتَ اعتماد نوکودد. ²³ ولی با اَنحال خدا اَبرانَ فرمان بدَه و، آسمانِ دَرأن بازَه بوستد. ²⁴ و آسمانِ غلّه یَ، یعنی منَّ اوشَأنَ بوأرانه تا بوخورد. ²⁵ پس اوشَأن فرشته یانِ غذایَ بوخوردد و خدا آذوقه ایی اوشَأنِ رِه اوسه کود تا سِئرَه بود. ²⁶ بازن خو قدرتِ اَمرَه شرقی بادَ حُکم بوکود کی بَأیه و جنوبِ جَه هم باد اوسَه کود. ²⁷ و غبارِ مَأنستَأن اوشَأنِ رِه گوشت بوأرانه، دریا کنارِ فورشِ مَأنستَأن پرنده یانَ اوشَأنِ رِه اوسه کود، ²⁸ تا اوشَأنِ اُردوگاه میَأن و اوشَأنِ خیمه یانِ دؤر بیجیر بَأید. ²⁹ پس همه تَه بوخوردد و حسابی سِئرَ بوستد، و خدا اونچی کی هَوس بوکوده بودَه اوشَأنَ فَأدَه. ³⁰ ولی هنوز غذا اوشَأنِ دهَنِ میَأن نَهه بو و دوست دَأشتد ویشتر بوخورد ³¹ کی خدا غضب شعله ورَه بوست و اوشَأنِ دلیرانَ بوکوشت و اسرائیلِ جوانانَ هلاکَ کود. ³² اَنهمه عجیبِ کار خدا اوشَأنِ رِه انجام بدَه، ولی بازم اوشَأن گوناه بوکودد و خدا مُعجزه یانَ ایمان نَأوردد. ³³ پس خدا هم اوشَأنِ عُمرَه کوتاهَ کود و کاری بوکود کی اوشَأن خوشَأنِ روزگارَ ترس و لرزِ اَمرَه تومامَ کوند. ³⁴ هر موقع بعضی جی اوشَأنَ کوشته، مابقی توبه کودد و خدا طرف وَأگردستد. ³⁵ و به یاد اَوردد کی خدا اَشَأنِ پناهگاهه، و خدای مُتعال اَشَأنِ ولی و صاحب اختیاره. ³⁶ ولی اوشَأن، خوشَأنِ دَهنِ اَمرَه چاپلوسی کودد و خوشَأنِ زبانِ اَمرَه خدایَ دوروغ گوفتد. ³⁷ اشَأنِ دیل خدا مرَه راست نوبو، و عَهد و پیمانی کی اونِ اَمرَه دوسته بودَه وفادار نوبود. ³⁸ ولی خدا خو رَحمتِ وَسی اوشَأنَ عفو بوکود و اوشَأنَ جی میَأن نوبورد، با اَنکی بارها اوشَأنِ دسِ جَه عصبانی بوبُست ولی اوشَأنَ هلاکَ نوکود، و خو غضبِ جَه وَأگردست و خو خشمَ فرو بینیشَأنه. ³⁹ اون به یاد بَأورد کی اوشَأن انسان فانی ید، بادی یَ مَأند کی ایتَه لحظه وزه و شِه و دِ وَأنگرده. ⁴⁰ اوشَأن چن مرتبه بیابانِ میَأن فتنه بوکودد و اونَ ناراحتَ کودد. ⁴¹ اوشَأن بارها خدایَ امتحان بوکود و اسرائیلِ قُدوسَ بی حُرمتی بوکودد. ⁴² اونِ قدرتِ عظیمَ فراموشَ کودد و روزی کی خدا اوشَأنَ دوشمنِ دسِ جَه خلاصَ کوده بویَ بیاد نَأوردد. ⁴³ اونموقعی کی خو معجزاتَ مصرِ میَأن آشکارَ کود و سرزمینِ صوعَنِ میَأن مصریانِ سر بلا بَأورد، ⁵⁶ ولی اوشَأن بازم فتنه بپا بوکودد و خدایِ مُتعالَ امتحان بوکودد و اونِ اَحکامَ ایطاعت نوکودد. ⁵⁷ و خوشَأنِ پئرانِ مَأنستَأن خیانت بوکودد و ایتَه کجِ کمانِ مَأنستَأن غیر قابل اعتماد بوبُستد. ⁵⁸ و بُتکده چَأکودد، اوشَأن بُتان و خدایانِ دیگرَ پرستش بوکودد و خداوندَه به خشم بأوردد. ⁵⁹ وختی خدا اَ وضعَ بیده غیظ بوکود و اسرائیلِ قؤمَ کنار تَأوَأَدَه. ⁶⁰ و شیلو خیمه یَ کی آدمیانِ میَأن اونِ جایگاه بو، ترَک کود. ⁶¹ و دوشمنانَ فرصت بدَه کی صندوقِ عهدَ کی اونِ قدرت و جلالِ نشانه بویَ به اسیری بوبورد. ⁶² و خو قؤمِ جَه عصبانی بوبُست و اوشَأنَ بیسپُرد دوشمنانِ شمشیرَ. ⁶³ اوشَأنِ جوانان جنگِ آتشِ میَأن بوسوختد و اوشَأنِ دختران بی مرد بِئسَد و عروسی رختَ دونکودد. ⁶⁴ اوشَأنِ کاهنانَ شمشیرِ اَمرَه بوکوشتد و اوشَأنِ زنَأکَأن نِتَأنستد عزاداری بوکوند. ⁶⁵ اونموقع خداوند کسی مَأنستَأن کی خوفته بو بیدارَ بوست، ایتَه پهلوانی مَأنستَأن کی شراب خوره و نعره زنه. ⁶⁶ خو قؤمِ دوشمنانَ عقب بزَه و اوشَأنَ همیشه رِه سرافکنده و رسوا بوکود.