52
1
ای آدمِ قدرتمند، چره بدیَ افتخار کونی؟ خدا محبت همیشه پا برجایه.
2
ای حیله گر تی زبان ایتَه تیزه تیغِ مَأنستَأن دیگرانِ نابودی رِه نقشه کِشه.
3
بدی یَ ویشتر جی خوبی دوس دَأری و دوروغَ ویشتر جی راستی.
4
ای دغل باز همۀ گبانِ مرگبارَ دوس دَأری.
5
خدا هم ترَه تا اَبد هلاکَ کونه، و ترَه، تی خانه جَه بیرون فَأکشه و تی نسلَ زنده یانِ زمینِ جَه تَأوَأده.
6
عادلان اَنَ دیند و ترسد، و ترَه خنده گیرد
7
و گوید: اَهان، اَ کسیه کی خدایَ توکل نوکود، بلکی خو ثروت و مال و منالَ توکل کوده و شریرَ پناه بوبورد.
8
ولی من سبزِ زیتونِ دارِ مَأنستَأنم کی خدا خانه میَأن بوجُر اَیه. من تا اَبد خدا رَحمتَ توکل دَأرم.
9
اونچی وَسی کی مرَه بوکوده ای تا اَبد ترَه شُکر کونم و همۀ مقدسانِ ورجَه تی نامَ اعلام کونم و گویم کی تو مهربانی.