3
1
خداوندا، می دوشمنان چقده زیادَ بوسته دَأرد، خیلیان بر ضدِ من ویریشتد.
2
خیلی کسان دربارۀ من گب زند و گویده: خدا اونِ داد فَأنرسه، اونِ رِه نجاتی نییه،
3
اما ای خداوند، تو می دؤرِ رِه سپری ایسی و خطرِ جَه مرَه محافظت کونی، تو می جلال و می سر بلندی ایی.
4
خداوندَه آوازِ بلندِ اَمرَه دخَأدِم، و اون خو کوهِ مقدسِ جَه مرَه اجابت بوکود.
5
من درازَ کشم و خوسم و جی خواب ویریزم، چره کی خدا می جَه مراقبت کونه.
6
هیزاران هیزار دوشمنِ جَه کی جی هر طرف مرَه دؤرَ کوده دَأرد ترسی نَئرم.
7
ای خداوند، ویریز، ای خدا مرَه نجات بدن، چره کی می دوشمنانَ سِزا دهی و اوشَأنِ دندانانَ ایشکینی.
8
نجات جی خداونده طرفه و اون خو قؤمَ برکت دهه.