24 ¹ زمین و هر چی اونِ میَأن نَهه خداوندِ شینه، جهان و همۀ اونِ ساکنان. ² خداوند زمینِ بُنیانَ دریا آبِ رو قرار بدَه و آبانِ رو اونَ استوار بوکود. ³ کی تَأنه بیشه خداوندِ کوه جُر و اونِ درگاهِ مُقدسَ بودورون بیشه؟ ⁴ کسی کی اونِ دس و دیل صاف بیبه، کسی کی بُت پرستی نوکونه و قسم دوروغ نوخوره. ⁵ اَجور کس خداوندِه جَه برکت گیره، خدا اونَ نجات بخشه و عادل اعلام کونه. ⁶ اَشَأن کسانی ایسد کی یعقوبِ خدا طالبد و اِشتیاق دَأرد اونَ بیدیند. ⁷ ای دروازه یان شیمی سرَ راستَ کونید و ای قدیمی درَأن وَأکوده بیبید تا جلالِ پادشاه داخل بیبه. ⁸ اَ جلالِ پادشاه کیسه؟ اون خداوندِه قادرِ مُتعاله کی جنگانِ میَأن شکست نوخوره. ⁹ ای دروازه یان شیمی سرَ راستَ کونید؟ ای قدیمی درَأن وَأکوده بیبید تا جلالِ پادشاه داخل بیبه! ¹⁰ اَ جلاله پادشاه کیسه؟ اون یَهوَه صَبایوت، خداوندِه قادرِ مُتعاله.