12 ¹ خداوندا، اَمی داد فَأرس، چره کی همۀ دوروستکاران جی میَأن بوشو دَأرد، و دنیا میَأن آدمِ وفادار پیدا نیبه. ² همه همدیگرَ دوروغ گوید و چرب زبانی و ریاکاری اَمرَه همدیگرِ اَمرَه گب زند. ³ خداوندا، چاپلوسانِ لبانَ دوَد و دوروغ گویانِ زبانَ قطعَ کون. ⁴ اوشَأن گوید: اَمی زبانِ اَمرَه اَمی کار راه دکفه و موفق بیهیم، هر چی بخَأئیم گوئیم و هیچکی نِتَأنه اَمی جولویَ بیگیره. ⁵ خداوند گویه: چون مظلومانَ غارت بوکوده دَأرد و فقیرانِ آه و ناله ویریشته دَأره، هَسَه ویریزم و اون اَمنیتی کی خَأستد و اونِ رِه آه کِشده یَ اوشَأنَ فَأدم. ⁶ خداوندِ وعده یان خالصه و شَه اِطمینان کودَأن، و نقره ای مَأند کی هفت بار گیلی کوره میَأن تصفیه بوبُستد. ⁷ خداوندا، تو اَمی جَه محافظت کونی، تو اَمرَه اَجور مردمِ جَه تا اَبدآلاباد حفظ کونی، ⁸ شریران همه جا گردده و مردم اوشَأنِ ظلم و ستمَ ستایش کوند.