¹ Aine Injil I matan Yesus Kristus, ne Wai Katuhelpo. ² Sa ta kesdo kitab Nabi Yesaya : "Meng aka gim mat be mtot ma bewa. ³ Mat ngado padang belantara fulate: 'Mamtotma be Imam, malu ma beyi.'" ⁴ Yohanes i baptis mt do padang belantara dumti hadiki baptisan tabe pengampunan dosa. ⁵ Dumti mat Yudea Hi dumti mat kawas ta Yerusalem hi bemtut potsi Yohanes. I baptis idodo auja Yordan, tihi mangaku hidosahi. ⁶ Yohanes i tasun unta pali, inaidi kaful ba pon kalom. I kamnane bit ti kaman. ⁷ Yohanes i hadiki e infulate, "Numta katotnenata, woti mat nuha ta i kawasa nyetaka naibot. Akne wompo ta kaduwun be katal au sandal kangot. ⁸ Ak baptis mim ba ija, Na i baptis mim ba Roh Kudus." YOHANES I BAPTIS YESUS ⁹ Wolaijie, Mam Yesus ibot po Nazaret, tado Galilea, monto Yohanes I baptis idodo hangoi Yordan. ¹⁰ Bota saihoi po hangoi, Mam Yesus ineng met ta msaram monto Roh dehale hatiu nuha ta nle Kapasi. ¹¹ Monto, mat ngaiha nle po surga, "Au ne Wai ta Ak Long del. Woti awa Ta Badok long." SETEN IDOFON AT MAM YESUS ¹² Botai nunji, Roh I bonut At Mam Yesus la padang belantara. ¹³ Idodo padang belantara wol jafat monto seten idofon I. At Mam Yesus idodo dodum binantang ali, dumti malaikat Hi-melayani. AT MAM YESUS INUT HABAT INJIL KAUTUHEL PO LA GALILEA ¹⁴ Bota Yohanes sun penjara, At Mam Yesus bola Galilea but habat Injil Allah. ¹⁵ Infulate, "Bot pailef, Kerajaan Kautuhel po midin heoi. Bertobatlah bemdel Injil !" ¹⁶ Bota At Mam Yesus I bo naufa na gang Galilea, I nam lane o fatanon halu ta ji Simon halu Andreas, ta hi te landat do gang aupadi pota hiji hi karajan nunfe. ¹⁷ Monto, At Mam Yesus infu behi, mindum Aka, to Ak ka minlu be mde landat hoi be mancu. ¹⁸ Ngo ponta loido Simon ti Andreas lai landat ti hi tum At Mam Iji. ¹⁹ Bota I bo wlitaha, I bot Yakobus halu Yohanes ta hi mam Zebedeus, ta hi wang mtot hoi landat. ²⁰ Monto, At Mam Yesus intun hi, titahi halu po halahi mam Zebedeus do wang dum ti I nulat hi. Ti hipo tum At Mam Yesus. YESUS PANGAJAT BA KAWASA ²¹ Botah, hipot Kapernaum. Nuni jo bamkan Sabat At Mam Yesus sun sinagoge bei pengajat. ²² Hitajol pengajaran ponta I Pangajat samat taini kawasa, burun sa ahli Taurat Hi po. ²³ Tabai nunji, do sinagoge waiman nuha ta roh jahat sun ni, monto in wol late, ²⁴ "Aunim pan dum amna, Yesus maf Nazaret ? Aine fudo ambotbe pasusu ami ? Akanu Aune mana. Aune ta Kudus po Allah !" ²⁵ Monto Yesus ingasa bei, Infu late, "Domatot ! Hapan hala mat ne !" ²⁶ Bota roh najis dangut i monto inwol ti roh ji hapan halai. ²⁷ Hi bemtup tajol monto hitun naha, "Aine pana ? Msus kawau ti kawasa ! I parente roh najis ti Hi ngoi." ²⁸ Mlafitot e I habat bo dedemnu Hagara bot Galilea. SIMON I KAMOJU DUMTI MAT KAWAS HI HAWAN ²⁹ Bota Yesus Hi pohala sinagoge, hisunla Simon ti Andreas hi deu, dumti Yakobus ti Yohanes. ³⁰ Wotita Simon i kamoju inne po immaf, tita ibin fadau be Yesus. ³¹ Yesus juno boti moi nuti ima wa monto inajei beinsul. Baigang ti hawan ti wajuji i layani hi. ³² Bota matip, ta pon mo mciu heu, hi hut mata hi maf dumti mat ta kerasukan roh jahat si Yesus. ³³ Bota, mat nukalam ji hi fajul hi dodeu mabata. ³⁴ Yesus ibe be mat kawas tahi maf ihawan te fudo hi maf hi camtodum dmtita ifajuk seten. Monto, Hi tagot seten hi behi falus na, ponta Hi hengnui. YESUS HAMBAYANG DUMTITA I FALUS FIRMAN ³⁵ Kaseucu, ta matip cade, Yesus injui mo ibola nuiha ta sunyi, moi hambayang dota. ³⁶ Monto, Simon ti mat kawas ta hi tum i hisung Yesus. ³⁷ Bota hipot Yesus, mo hi fu, "Mat kawas ne hi sung Awa !" ³⁸ Monto Yesus infu, Boma betola kota-kota ta midin be Ak tuno bisa khotbah bemata hi todota. ponta, jai alasan be akot. ³⁹ Delai nunji, Yesus ibo naubuli na Galilea. Dedem sinagoge Hi infu firman hi dumtita induk seten. HI BE MAT KUSTA ⁴⁰ Monto, mat nuha ta inmaf kusta hibot nasi Yesus. Infol moin duwun moin fu late, "Befu Au lomba, aye Au mbe aka. ⁴¹ Ina figit hagara i lodel, Yesus ines I mawa hagara ba matji monto infu, "Aklongba, be auhawan !" ⁴² Baigang tita, penyakit kusta I dotca, Tijaibe hawan. ⁴³ Ba gang aido Yesus pasul matji bei bofadau hala nul ji. ⁴⁴ Infu bei, "Mfu ponha be mat nuha nade ponnune. Fudo aubo mut au diri ne be imam ti au persembahan kurban ponta au hawan sata Musa i parente dosata be hi." ⁴⁵ Wotita, mat nunji ibonut habat dedemnu. Pon famol ta hagara Yesus sunla kota eibokabuni, wotitia idodo haulit, donuta aujai. Tuno mat ponu bemtup pot sungi.